Канон

преподобному  Ионе Яшезерскому

( память 22 сентября / 5 октября)

Егоже краегранесие:  Иону, плод честен земли Карельстия, поим!  

Песнь 1

	Ирмос: Грядите людие, поим песнь Христу Богу, раздельшему море, и
наставльшему люди, яже изведе из работы египетския, яко прославися.

	Припев: Преподобне отче наш, Ионе, моли Бога о нас !

	Иону Яшезерскаго, святаго, блаженнаго, земли вепсской прозябение и
удобрение,  всея Карелии украшение,  плод честен, истен, духовен – да
восхвалим, вернии!  Краснейшим прозябением прозябл еси зде, отче наш,
вепс, низшая своя покори высшему, произрасл еси верою, кротостию,
крепостию духа, твердостию ума во уповании на Бога – плод праведен
добродетелй духовных принесл еси. 

	Осия, пророк Израильстий, взыва: «сейте себе в правду, соберите плод
живота, взыщите Господа, дондеже приидут вам жита правды». И мудрый
Соломон: «от плода правды древо жизни прозябает». И ты, святий наш Ионе,
отрину Египет плотской жизни и Чермное море пройде решимостию умрети
миру, плод правды в пустыни взращива в себе. Плод бо правды: душе в
тацей чистоте быти, якоже создана она бысть.

	Ниневитяне покаяшася проповедию Иониною и спасошася, яко устрашися
угрозы Божией, содомляне погибоша, яко презреша ея. Ты же, преславне
отче наш Ионе, иский токмо воли Божией, во всецелой вере во Иисуса
Христа достойны дела твори, зане и плод веры, и плод покаяния, и плод
дел твоих угодны бысть пред Ним. От плодов правды бо снесть благий, и
плод снеди твоея – Царство Небесное бысть.

	Упование наша и спасение, и  похвала еси Ты – Дево Всеславная,
Миродержавная,  Мати, Невесто и Дщерь,  Плод Живота нам взрастившая!
Накорми нас, алчущих, яко глад Божий постиже нас,  напои нас, жаждущих,
яко живыя воды богоразумия несть в нас. 

Песнь 3

Ирмос: Несть свят, якоже Ты, Господи Боже мой, вознесый рог верных
Твоих, Блаже, и утвердивый нас на камени исповеданя Твоего.

	Петрово падение научише тя покаянию истинну, Фомы неверие – утвердише
во истине Воскресения Христова, Магдалины согрешения – направише ко
исправлению себя. Бог бо, не сея грехов, собирает от них богатую жатву
добродетелей и из высочайших злодеяний производит благодетельнейшия
плоды, якоже и  плоды жития твоего. 

	Лот, живя среде содомлян, спасся; Саул, пребывая в чертогах, лишися и
земнаго царства и будущаго. И ты бежа от Содома мира здешняго, бежа, не
обращаяся вспять, но токмо к вечности обращаяй очи сердечныя, бежа в
пустыню лесную Карельскую, близкую ти, восстания сил души в первобытное
благородство ради. И восстави. О, удаление мира! О, приближение к Нему!

	От начала грехи казнены быша: Адамов – изгнанием, Евин – печалями,
исполинов – потопом, содомлян – огнем, египтян – многими смертьми. Ты
же, достохвальне отче наш Ионе, препобеди свой грех, на высоте полнаго
самоотречения, в терпении, покаянии, безмолвии, кротости, глубине
смирения, яже есть одеяние Божие. И плод твой честен бы пред Ним.

	Дождь с Небесе на руно сниде, тако Христос воплотися от Девы,  се –
Церковь,  се – Дверь,  се – Божия Гора Святая,  се – Рай святый Новаго
Адама, се – Мати Божия Пречистая!  О, Девственная Радосте небесных и
земных!

Песнь 4

Ирмос: Христос  моя сила, Бог и Господь, честная Церковь боголепно поет,
взывающи от смысла чиста, о Господе празднующи.

	Чудо с пятию хлебами и двема рыбама  - вся добрая бо от руки Божией.
Человеку же и чаша студены воды, сих малых дел, не оставляется Судией
без награды. Ты же, не пренебрегаяй малыми делы, велию ревность показа и
в великих. И божественною любовию возгоревся, вся устреми Ему: волю, ум,
сердце, яко к высочайшему Добру, Истине, Блаженству. И плод твой приемле
Он.

	Екклесиаст, мудрец, святы твои слова: вся, что без Бога – суета
суетствий, всяческая суета. Ты же, досточтимый отче, единым Богом жив
бы, сим же и совершенства духовныя  обрете: смирися долу, да горе
взлете;  погуби жизнь земную, да небесную обрете;  умерый миру, да живый
вечности.  И бысть: Адам и  в Раи заповедь преступи, ты же и  на земли
плодом жития Рая достиже.

	Смоковница, не творящая плода, вскую и землю упражняет: всяко убо древо
бесплодно посекается и во огнь вметается. Бог требует плода от Своего
виноградника: «Аз Господь испытуяй сердца, еже воздати комуждо по пути
его  по плодом его». И ты, размышляяй в повелениих Господних, заповеди
Его твори присно: и утверди Той сердце твое и желание Премудрости дано
бысть ти. О, сей плод красен!

	Ты, о Дево, - Свеща, Свет премлющая, еюже прогоняется тма полков
темных,  Ты – Нива духовная, из бразды Клас изнесшая,  Ты – Вода
неисчерпаемая,  Ты – Крин земнородный,  Ты – Тишина и Чистота святая,
Тобою в утробе сердце тает, прильпе язык гортани моему. Просвети, о
Чистая, душ нашых очи, Свет рождшая! 

Песнь 5

Ирмос: Божиим светом Твоим, Блаже, утренюющих Ти души любовию озари,
молюся, Тя ведети, Слове Божий, Истиннаго Бога, от мрака греховнаго
взывающа.

	Еммануил, Иже есть Христос Бог наш и С-Нами-Бог, глагола иудеом:
«отимется от вас Царствие Божие и дастся языку творящему плоды Его». И
ты, богомудре отче наш, вепс, христианин, высокою душею житие по
заповедем выстрои, в непорочности и чистоте сердца твори закон Христов:
дело веры, труд любви. И сей плод веры, любовию споспешествуемой, - яко
зелено древо у реки воды живы.

	Нееман, князь силы Сирийския, некогда язычник, но Елисеом проказы
очищенный,  уверова в Бога Истинна. Ты же, достохвальне отче, сам слово
благочестия сеял еси и заблуждения народа твоего, во тме и сени смертней
седящаго, обличал еси. И на месте языческаго капища водрузи ты крест и 
постави обитель во свидетелство победы Церкви православныя, симже душа
твоя , яко древо плодовито ста.

	Зоровавель, яко печать на десней руце, созда дом и  воздвиг церковь
Господеви. И ты, святий наш, богомудре отче Ионе, созижде церковь,
духовную лечебницу народу твоему, жизнь веры, небо на земли. И созда в
пустыни обитель мнишеску, идеже молитва крепкая, ограждение сердца, его
покой и мир,  сим велий плод Богови принесе.

	Ева плода вкушением умерщвление роду человеческому принесе, Ты же,
Пресвятая Дево, Жизнь рождши, исправи сие. Именем Твоим, Владычице, горы
искапают сладость, и в сердце верных  бьется, светится, горит святая
земнородних радость  и  небесных ликовство.

Песнь 6

Ирмос: Житейское море, воздвизаемое зря напастей бурею, к тихому
пристанищу Твоему притек, вопию Ти: возведи от тли живот мой,
Многомилостиве.

”

@

B

r

t

Ш

Ъ

Ь

Ю

”

–

??.?  безконечнаго, земнаго и небеснаго, кесарева и Богова. Вся  земная
познается земным – разумом,  вся безконечная, вечная – верою.  Ты же,
достохвальне отче, обою име: и разум разумный, и веру крепку, яко скала.
Истина же обретается токмо верою, чрез молитвенный подвиг, духовную
жизнь, верность Богу Слову, вся, яже у тебе бе. Сим же и спасение улучи
.

	Лона Авраамля, света небеснаго града Бога Живаго зело жаждяй, ты обрете
веру, яко у Авраама;  разум и убежденность, яко у Павла;  кротость 
терпение, яко у Моисеа. И тебе явися некая невидимая рука, бережно
держаяй тя.  И ты в синергии воли человеческой с Божественною
благодатию, егда тварь и Творец взаимно в духе движутся навстречу, -
досточестен плод взрасти Ему.

	Иисус – высшее откровение Кротости Божией: не преречит, ни возопиет,
трости сокрушенны не преломит. И ты, всеславне отче наш Ионе, нрав
сообразный имени твоему, иже есть голубь, стяжа. Кротость есть плод Духа
и признак Премудрости. На кротцых и благоволение Отчее: тацех Он научает
путем Своим, спасает, они наследят землю и насладятся о множестве мира.

	Красото и Кротосте  невечерняя, о Дево, тихая радость   печалной земли,
 Тобою Бог к человеком сниде, погибшую драхму взаскати хотяй, юже обрет,
паки к небеси возводит. Ты  - слава сущих на земли, радость сущих на
небе, девственною чистотою к Богу Духу взошла еси, смирением – к Богу 
Сыну,  любовию – к Богу Отцу, к Единому в Троице Богу.

Песнь 7

Ирмос: Росодательну убо пещь содела Ангел преподобным отроком, халдеи же
опаляющее веление Боже, мучителя увеща вопити: благословен  еси, Боже
отец наших

	Аввакум, пророк, упова на долготерпение Божие: «аще умедлит, потерпи
Ему, яко идый придет». И ты, святий наш Ионе,  идый путем Христовых
заповедей,  в пустыни, в жестоком житии, в скорбех и искушениих, был
тверд еси духом, предаваяй себя Единому Господу, за вся благодари в
простоте сердца и горячей молитве Ему. Плод долготерпения – плод победы
убо, уподобление Христу.

	Роса Аермонская, сходящая на горы Сионския, знаменует святых, якоже и
тя, достохвальне отче наш Ионе: ты бо  в удалении от суетнаго мира,  в
пустыни и пустыннолюбии,  в безмолвии и добровольной нищете  стяжа
небесное богатство;  многими слезьми очистивый себя и убеливый одеяние
души твоея;  чрез труды подвижническия и горячую молитву вкуси
неизреченныя сладости безсмертных плодов духовных.

	Еврейстих отроков в раскаленной пещи Вавилонстей сохрани Господь
невредимы от огня.  И ты, святий наш, вражеское жжение, демонскую брань,
сию жгуще жегомую пещь Вавилонскую, угаси твоим смиренномудрием, постом,
молитвой, велией преданностию воли Божией. Идеже брань убо – тамо и
подвиг, а идеже подвиг, - тамо и венцы,  сей заслуженный плод.

	Лествице сна Иаковля, утверждена на земли и досяже  даже до неба – Ты
еси, Пресвятая Владычице и Любы наша. Ты – Чистый Цвет,  Благоуханный
Крине,  земли Надежда,  Небесам – Хвала,  Сладчайшая, Святейшая Святыня,
 не отступи от нас, изглади наши недостойныя дела.

Песнь 8

Ирмос: В пещь огненную ко отроком еврейским снизшедшаго, и пламень в
росу преложшаго Бога, пойте дела яко Господа, и превозносите во вся
веки.

	Сокровищу, сокровенну на селе, уподоби ты покаяние твое, но наипаче
покаяние народа твоего, за негоже подвизался еси, готовый и душу
положити за люди твоя, якоже и Моисей, и Павел, великия в рабех Твоих и
друзи Тебе избранныя.  И ты взыва: «обратитеся – и живи будете, аще ли
ни – неправда ваша в мучение, в пещь и геенну огненну будет. Вся  бо в
сей жизни, дале – Божий Суд».

	Талант твой , данный ти от Бога, множа умноживый, и он расцве и вырос,
яко кедр Ливана и заби, яко родник воды живы среде народа твоего. И ты,
аввой твоим, вепсом же,  Александром Свирским, наставленный, понесе свет
правды  народу твоему, виноград насаждаяй Богови, на камене веры обитель
созидаяй и храм сердца твоего устрояяй,  симже  навеки освяти землю твою
и цельбоносными мощами обогати.

	«Ионы пророка знамение» - восста Иисус среде рода лукаваго, горше, неже
Ниневия иногда.  И ты, всечестне отче наш Ионе, есть знамение народу
малому твоему, ныне в восстание, в перемену пути, в покаяние и обращение
к Богу. Нет убо глубины без покаяния, нет высоты без очищения. Восстани,
восстани, земля вепсская и облецыся в крепость мышцы твоея!

	Якоже елей светилников наших оскуде, -  возжги их, Благодатная,
Светилник всесветлый, Божия трапеза, Божие селение, Кивот и Жезл
процветший,  Мати Дево,  Едина Светодавца рождшая, Избавителя и Бога,
святых венчавшаго.

Песнь 9

Ирмос: Бога человеком невозможно видети, не Негоже не смеют чини
Ангельстия взирати; Тобою же, Всечистая, явися человеком Слово
Воплощено, Егоже величающе, с небесными вои Тя ублажаем. 

	Пустынь Яшезерская и храм красный, благолепный, и обитель твоя,
мнишеской братии благоутишное пристанище, - вся сия поживе и умре.  И
ты, святий наш Ионе, молиши у престола Божия: « дщи моя, обитель драгая,
ныне умре, да пришед, возложи на ня руце Твоя и оживет». И яко в дому
Иаира, ты слыши: «несть умерла, но спит». Сон же глубок бе. Обаче ныне
обитель твоя восстает медленно, спотыкаяся

	Облак святих Твоих толик умуще, Плод Твоего спасительнаго сеяния, земля
Карельская  в радости воскликновение творит им: О, высото и славо
Карельская, покров веры нетленныя, яко дождь животный милосердие ваше!
Земная на небесная претворивше, ныне светом преображения сияете нам.
Душа земли – народ, душа народа – вера убо.

	И земля вепсская, малая в Карелии, тобою, отче наш Ионе, даде плод свой
Богови.  И рече Иона чрез века народу своему: «да взыщите Господа  и
укрепитися,  да спасет Господь людие языка сего на пути правды и не
заблудят по нему. Той бо Господь Бог наш, во всей земли судьбы Его». О, 
ты, светилниче вепсскаго края,  досточтиме отче наш Ионе!

	Мати Бога Вышняго, Чудо Пречудное, седе на небеси одесную Сына, яко
Царица Царя Небеснаго. Марии Египетской Предстатилницей и Поручицей бе,
Пресвятая Дево, избави ю от скверн, содела сосуд чистоты и облече в ризу
безсмертия. И нам сие сотвори, Всеблагая!