Канон святой матери нашей,
блаженней схимонахине Марфе.
(глас 4)
Песнь 1
Ирмосъ: Яко посуху петешествовав Израиль, по бездне гонителя фараона,
видя потопляема, Богу победную песнь поим, вопияще.
Припев: Святая блаженная, мати наша, схимонахине Марфо, моли Бога о нас!
Просвети ми ум и озари чувства моя, согрешений, мрак души моея отгнав,
Христе Боже, да чистою совестию возмогу песнь составити и возвеличити
угодницу Твою, блаженную матерь нашу (богомудрую) Марфу.
Святая блаженная Мати наша, схимонахине Марфо, моли Бога о нас!
Небесный Отец благоизволи тя прославити в Царстве славы со Ангелы и
Святыми Своими, идеже во свете невечернем и присносущнем предстоши Ему,
свято и праведно на земли поживши, подвигом юродства Христа прославила
еси и ныне молишися о всех, чтущих святую память Твою.
Слава: Дивное и пресловно чудо явися на тебе, преподобная Марфо,
ангельски бо на земли пожила еси, и, веру адамантову имея, победила еси
немощь плотскую и прияла еси от Бога венец нетленный.
И ныне: Великому милосердию Агна Твоего причастники сотвори нас,
Богородице, в день великого и славного Суда Его, егда второе на землю
придет со славою страшную.
Песнь 3
Ирмосъ: Несть свят, яко же Ты, Господи Боже мой, вознесый рог верных
Твоих Блаже, и утвердивый нас на кашени исповедания Твоего.
Припев: Святая блаженная, мати наша, схимонахине Марфо, моли Бога о нас!
Небесная возлюбивши, вся красная мира сего оставила еси, преподобная, и
во обитель всельшися, неленостными трудами постничества Богу угодила
еси, Его же моли спастися душам нашим.
Святая блаженная мати наша, схимонахине Марфо, моли Бога о нас!
Христа нас ради волею да зрака рабнего смирившегося возлюбила еси,
блаженная, бдением и молитвами душевныя страсти умертвив, на гору
безстрастия взошла еси, Марфо богомудрая.
Слава: Мрак житейский заблуждений и житейския гордости светлостию святых
молитв, Марфо святая, прожени, да помощию твоею грехов остановление
приимше, милость у Христа Бога обращем.
И ныне: Преблагословенная Богородице, многим скорби в земной жизни Твоей
претерпевшая, помози нам крест земного жития в терпении, благодарении и
радовании до конца понести.
Седален (глас )
Любит милость и истину Господь, и Ты, блаженная мати Марфо, подобися
Тому, буди милостивая ходатница о спасении нашем, да тебе ради и мы,
обретше благодать, не отпадем вечныя славы, яко память твою святую
песньми ныне величаем.
Богородичен. Слава и ныне: Уневестившаяся Создателю Твоему, Дево
Неневестная и Мати Избавителя нашегоХриста, моли Духа Святаго Господа
вселитися в ны и присно в нас пребывати и скверну нашу очистити, яко
много может молитва праведной матери, Марфы блаженной, еяже, яко Мати
Милосердная, молитвы о нас приими.
Песнь 4
Ирмосъ: Христос – моя сила, Бог и Господь, честная Церковь Боголепно
поет, взывающи, от сиепсна чисти о Господе празднующи.
Припев: Святая блаженная мати наша, схимонахине Марфо, моли Бога о нас!
Христолюбивую царицу Евдокию в вере и благочестии наставляла еси, Марфо
святая, горячие молитвы о здравии и спасении ея возносила еси
Вседержителю. Тем же молим Тя: молитвами Твоими и нас достойными
наследниками Царствия Небеснаго соделай.
Святая блаженная мати наша, схимонахине Марфо, моли Бога о нас!
Подвиги твоя духовные под личиною юродства скрыла еси, Марфо богомудрая,
и, аки крин небесный, процвела еси во граде Москве добродетели твоима:
смиренномудрием, терпением скорбей и молитвами горячими, иже непрестанно
Господеви возносила еси. Сия же боголюбящие добродетели испроси и нам,
творящим ныне святую память Твою.
Слава: Подвиг твоих великих и славных ради прияла еси венец нетленный от
Христа Спаса Нашего и ныне с преподобных и блаженных лики на небесех
присно радуешися, поминай убо и нас, святая мати наша Марфо, да
молитвами твоими сподобимся и мы улучити Небесного Царствия.
И ныне: Заступнице скорбящих, надеждо ненадеющихся, Богородице Всепетая,
моли прилежно избавитися нам от бед и скорбей.
Песнь 5
Ирмосъ: Божним светом Твоим, Блаже, утренеющих ти души любовию озари,
молися Тя ведети, славе Божий, истинного Бога, от мрака греховного
взывающа.
Припев: Святая блаженная мати наша, схимонахине Марфо, моли Бога о нас!
О, святая мати наша, преподобная Марфо, предстоящее престолу Божию, не
нас, долу сущих: от всякия находящия на ны напасти сохрани, вся раздоры
и брани умири, да прочее время живота нашего во всяком благочестии и
чистоте поживем, твоими молитвами ограждаемы.
Святая блаженная мати наша, схимонахине Марфо, моли Бога о нас!
Исцеления подаеши всем, с верою к тебе притекающим, Марфо святая, тем же
ныне молим Тя мы, грешнии: печаль нашу на радость преложи и от всякия
напасти и скорби святыми твоими молитвы нас избави.
Слава: Во узах темничных и иных злостраданиях сущии отраду и вспоможение
святыми и всесильными Твоема даруеши и к покаянию всех нас призываеши.
И ныне: К Тебе припадающе, Царице Небесная, и верою покланяющееся,
славословим Тя: радуйся, Богоблаженная Дево, покрове и ограждение наше,
Помощнице в бедах сущим, спаси ны, помощи не имущая, на Тебе бо упование
возлагаем.
Песнь 6
Ирмосъ: Житейское море воздвигаемы зря напастей бурею, к тихому
пристанищу Твоему притек, вопию Ти: возведи от тии живот мой,
Многомилостиве.
Припев: Святая блаженная мати наша, схимонахине Марфо, моли Бога о нас!
Разум, богопросвещенный стяжавии, Христу подражала еси, Марфо святая,
егда дела благая творила еси в житии твоем и егда подвиг юродства Христа
ради подъяла еси, и ныне душа твоя во благих водворяется, прияла бо еси
от Бога нетленный венец.
Святая блаженная мати, схимонахине Марфо, моли Бога о нас!
Добродетелю преукрашенная и благодатию Божественную освященная,
праведная мати наша Марфо, предстоиши во славе Небесней и молишися за
ны, подаеши нам путей спасительныхразумение и недужныя силою Христовою
исцеляеши и подвизаеши нас вся Творца Нашего благодати.
Слава: Родителей, чад не имущих и жен плодоносящих отрада и воспоможение
еси, Марфо святая, поелику присно молитвы твоея возносиши Милосердному
Спасителю Нашему.
И ныне: Мати Божия милосердная, милости Твоея двери отверзи нам, озари
нас светом Божественныя благодати Твоея и от мысленных волков соблюди
нас невредимых, в вере Христовой нерушимом сподобивши нас благоугождати
Сыну Твоему и Богу и приятии от Него конец благий. (из канона Б.М.
«Ахтырской»).
Кондак, гл. 8
В мире сем благочестно и праведно поживше, молитвою, юродством и иными
подвиги досточудными Богу угодила еси, сего ради и Господь во чудесех
преславну тя показа, Его же, святая мати наша Марфо, моли сохранити
обитель твою и всех людей, благочестно тя почитающих.
Икос
Имущи угоднице Христова свыше данную себе мудрость, яко драгую жемчужину
в души своей Христа сохраняла еси, во всем Ему благоугождая. Мы же, ныне
предстояще пред образом святым твоим, верою в предстательство твое
укрепляемы и материнским попечением твоим окормляемы, со умилением зовем
ти:
Радуйся, в помрачении страстей пребывающих просветительнице;
Радуйся, в суете и самозабвении жительствующих вразумительнице;
Радуйся, в недоумении и заблуждении сущих руководительнице;
Радуйся, добре жити начинающих управительнице;
Радуйся, малодушием и унынием колеблемых укрепительнице;
Радуйся, в небрежении спящих возбудительнице;
Радуйся, бодрости и трезвения предобрая учительнице;
Радуйся, чистаго и непорочнаго жития неусыпающая хранительнице;
Радуйся, всех ко спасению верная путеводительнице;
Радуйся, всех, благочестно жити хотящих мудрая наставнице;
Радуйся, блаженная мати наша, схимонахине Марфо, молитвеннице о душах
наших!
Песнь 7
Ирмосъ: Росодательную убо пець содела Ангел преподобным отроком, халдеи
же опаляющее веление Божие мучитися увеща вопити: «Благословен еси,
Боже, Отец наших!»
Припев: Святая блаженная мати наша, схимонахине Марфо, моли Бога о нас!
Евангельским словесам внемлюще, крест свой на рамена восприяла еси и
Христу последовала еси, преподобная мати наша Марфо, непристанно Тому
взывающее: «Благословен еси, Боже, Отец наших!»
Святая блаженная мати наша, схимонахине Марфо, моли Бога о нас!
Вся искушения от мира, плоти и диавола находящия низложивши востекла
еси, в чертоги Отца Нашего Небесного, богоблаженная Марфо, идеже
предстательствуеши о нас, заступления Твоего просящих и подвизаеши купно
с Тобою взывити: «Благословен еси, Боже, Отец наших!»
Слава: Кадилу, елею и миру благоуханному молитвы Твоея подобны, восходят
бо оне ко престолу Вседержателя Бога и милость Его преклоняют к нам,
сердца же наша умягчают и врачуют и подвизают взывити: «Благословен еси,
Боже, Отец наших!».
И ныне: Милостью Твоею весь мир обощаеши и души просвещаеши, Едена
Всепетая, тем же воспеваем Ти: Христа, Бога Нашего Мати, благословенна
еси. (из канона БМ «Троеручница»)
Песнь 8
Ирмосъ: Из пламене преподобным росу источи еси и праведного жертву водою
попалил еси: вся бо твориши, Христе, токмо еже хотети. Тя превозносим во
всея веки.
Припев: Святая блаженная мати наша, схимонахине Марфо, моли Бога о нас!
В законе Божием часто поучающися и в заповедях Божих безпорочно ходяще,
дом Духа Святаго была еси, блаженная Марфо, тем же и по смерти твоея не
отлучи тебе Господь от лика праведных, с ними же ныне Богу поеши:
«Превозносимый во веки Боже, благословен еси!»
Святая блаженная мати наша, схимонахине Марфо, моли Бога о нас!
Кротостию ко всем землю кротких наследовала еси, милосердием и любовию
ко ближним помилование от Бога получила еси, чистотою и целомудрием Бога
зрети сподобилась еси, Ему же ныне со всеми Святыми поеши «Превозносимый
отцев Боже, благословен еси!».
Слава: Яко свеиду светлу уготовала еси кроткую душу Твою, преподоная
мати Марфо, тем же по смерти Твоей многа исцеления недужным от винопития
и иных болезней душевных и телесных подаеши всем с верою имя Твое
призывающим и нелицемерно Творцу воспевающим: «Превозносимый отцев Боже,
благословен еси!».
И ныне: Господа моего и Бога родная, Мати Безневестная, дерзновение
имущи к Нему, заступи и сохрани мя Твоим ходатайством, яко да воспою:
«Превозносимый отцев Боже, благословен еси!».
Песнь 9
Ирмосъ: Бога человеком невозможно видети, на Него же не смеют чины
Ангельския взирати, Тобою же, Всечистая, явися человеком Слово
воплощено, Его же величающе, с Небесными вои Тя ублажаем.
Припев: Святая блаженная мати наша, схимонахине Марфо, моли Бога о нас!
Разум имела еси в души и смирение, и Божественную кротость, и веру
несушненну, и любовь к Богу, всенощными мольбами приближающея Ему и тамо
сущими светпостыми ублажаема, Марфо святая, озаряема и просвищаема.
Святая блаженная мати наша, схимонахине Марфо, моли Бога о нас!
Отошла еси в селения праведных и духом предстоиши Присносущному Свету;
призри убо за ны, живущия в селениех многомятежного мира сего, и
способствуй сущим во бранех, угодниче Христова, яко песньми тя величаем.
Святая блаженная мати наша, схимонахине Марфо, моли Бога о нас!
Слава: Моления о нас (за ны) ко Владыце Христу не престай приносити,
святая Марфо, яко мати чадолюбивая, вспомоществуя верным в подвиге
спасения, яко сосуд благодати Божия избранный.
И ныне: Ты еси Ангелов радосте, ты еси праведников доброто, ты еси
верных надеждо; ты еси соблюдение наше, ты еси мост к жизни нестареющий
приводяй всех, верою и любовию Тя величающих.
PAGE
PAGE 3