Служба преподобнымъ отцемъ старцемъ, иже въ Оптин? пустыни подвизавшимся. На велиц?й вечерни поемъ Блаженъ мужъ: 1-ый антифонъ. На Господи воззвахъ: стихиры на 8, гласъ 4-ый: Подобенъ: Яко добля: Преподобніи старцы оптинстіи,* вы иго Христово вземше,* постомъ и молитвами* и частыми бд?ніи потрудившеся,* просіясте надеждею и в?рою,* наипаче же любовію,* яже есть глава доброд?телемъ,* еюже согр?васте* приходящыя къ вамъ. (Дважды). Послушанія усердніи подвижницы,* воли своя покорившіи* окормленію отецъ своихъ,* духовн? васъ породившихъ,* воспріясте помощь на сопротивника* глубочайшее смиреніе,* имже разрушисте козни вражія:* ничтоже бо можетъ врагъ* на смиренныя. Православныхъ людей окормителіе,* вы апостольски взывасте:* ничтоже ны разлучить отъ любве Божія.* вы хуждшее покористе лучшему* и плоть поработисте духу.* Т?мъ явистеся св?тильницы Церкве,* не подъ спудомъ, но на св?щниц? поставлени,* да прославятъ Отца Небеснаго* видящіи д?ла ваша. Ины стихиры, гласъ 8-ый: Подобенъ: О преславнаго чудесе! О преславнаго чудесе!* Посред? житейскія молвы* отцы богомудріи* несмущено сердце сохраниша,* пребывающе съ челов?ки т?лесн?,* мысленн? же Богу предстояще,* покрываеми кровомъ крилу Его,* носящіи духъ миренъ,* имже многи ко Христу привлекоша. (Дважды). О молитвенницы пребогатіи,* Духа Святаго органи,* глагоюще молитву непрестанную* въ сердц? сокрушенномъ и смиренномъ,* просіясте ангельскимъ безстрастіемъ,* и сего ради показастеся* врачеве душамъ и т?лесемъ:* пощадите и спасите насъ,* многими страстьми обуреваемыя. О старцы преподобніи,* Духа Святаго сосуди,* дарованіи благодатными* наздавшіи Церковь Христову,* вы поревновасте духовнымъ,* пророчества даръ стяжавше,* глаголюще челов?комъ полезная* въ назиданіе и ут?шеніе,* пророкомъ древнимъ уподобльшеся. Слава, гласъ 6-ый: Узы разр?шше страстей,* прил?пистеся любви благихъ,* во Христа облекостеся,* воздержаніемъ и смиреніемъ насл?дницы бывше вышняго живота:* т?мже отъ трудовъ обр?тше упокоеніе,* достойно радуетеся съ горними силами,* преподобніи отцы оптинстіи:* прегр?шеній оставленіе испросите* празднующимъ любовію святую память вашу. И нын?, богородиченъ, гласъ тойже: Кто Тебе не ублажитъ: Входъ, прокименъ дне, и чтенія три: Премудрости Соломоновы чтеніе. Праведникъ аще постигнетъ скончатися: Притчей чтеніе. Память праведнаго съ похвалами: Премудрости Соломоновы чтеніе. Уста праведнаго каплютъ премудрость. На литіи стихира, гласъ 2-ый: Яви намъ дивный во святыхъ Своихъ Богъ,* новыя подвижники благочестія,* преподобныя старцы оптинскія,* иже въ Боз? пребывающе,* узр?ша Христову доброту,* осіяеми тайно божественными св?тлостьми. Гласъ 4-ый: Не дасте сна очесемъ вашимъ, блаженніи,* ни в?ждомъ дреманія,* дондеже достигосте въ любовь Божію,* яже изліяся изобильно на вы:* т?мже воспріясте божественная дарованія,* душетл?нныя страсти исц?ляете,* и недуги в?рою врачуете,* и отгоните скверныя духи:* отцы преподобніи, молите о душахъ нашихъ. Слава, гласъ 5-ый: Пріидите, благочестія ревнители,* отцы наша духовныя похвалимъ:* Леонида, Моисея и Антонія,* Исаакія, Макарія и Анатолія,* съ нимиже Иларіона и Варсанофія,* со Іосифомъ великаго Амвросія,* инаго Анатолія и Нектарія,* и мученикъ Никона и Исаакія.* Старцевъ великихъ п?сньми почтимъ,* къ нимже взывающе возопіимъ:* преподобніи отцы богомудріи,* не престайте о насъ молящеся,* вы бо есте заступницы наши. И нын?, богородиченъ, гласъ тойже: Храмъ и дверь еси: На стиховн? стихиры, гласъ 4-ый: Подобенъ: Званный свыше: Возложился еси Вседержителю,* отче преподобне Льве,* егда душа твоя* распалися божественнымъ желаніемъ,* и умъ твой къ горнимъ окрили.* Тогда міръ оставилъ еси,* и вся яже въ мір?,* и посл?довалъ еси Христу* невозвратнымъ помысломъ,* ничтоже предпочетъ паче любве Его.* Его же моли* спасти и просв?тити душы наша. Стихъ: Честна предъ Господемъ смерть преподобныхъ Его. Отъ юности, преподобне Макаріе,* Бога возлюбивъ,* Тому вседушно посл?довалъ еси,* ничтоже предпочетъ сущихъ въ мір?.* но вся уметы вм?нивъ,* потщался еси благоугодити Богу,* запов?дьми Его утверждаяся:* т?мже желанія конечнаго достигъ,* Христу предстоиши,* Его же моли* спасти и просв?тити души наша. Стихъ: Что воздамъ Господеви о вс?хъ, яже воздаде ми; Преподобне отче Амвросіе,* любовь совершенную* къ Богу и ближнимъ стяжалъ еси* яже есть союзъ совершенства,* и сый инокомъ украшеніе,* и живущимъ въ мір? ут?шеніе,* собралъ еси инокинь чреды,* вс?мъ бывъ вся по апостолу,* привелъ еси чада своя ко Владыц?,* Его же моли* спасти и просв?тити души наша. Слава, гласъ 8-ый: Св?томъ Троическимъ осіявшеся, отцы преподобніи,* Тьмы изб?жасте сластей,* и св?тильницы явистеся, просв?щающе в?рныхъ сердца.* Т?мъ же св?тоносную память совершающе, согласно взываемъ:* богоносніи и пребогатіи, молите Христа Бога,* согр?шеній оставленіе даровати чтущимъ святую память вашу. И нын?, богородиченъ, гласъ той же: Безнев?стная Д?во: Тропарь, гласъ 1-ый: Въ молитвахъ непрестанныхъ пребывающе,* благія же и злыя любовію объемлюще, преподобніи старцы Оптинстіи,* Богу и ближнимъ послужисте,* бд?ніемъ, слезами и пощеніемъ дарованіе многоразличныхъ чудесъ пріясте.* Слава давшему намъ таковыя ходатаи,* слава Прославльшему васъ,* слава Богу дивному во святыхъ Своихъ. Слава, и нын?, богородиченъ: Гавріилу в?щавшу Теб?, Д?во: На утрени. На Богъ Господь: тропарь преподобнымъ, дважды. Слава, и нын?, богородиченъ. По первомъ стихословіи с?даленъ, гласъ 8-ый. Подобенъ: Повел?нное: Страсти безсловесныя душевными силами покорше преподобніи, словесному вашему стаду благод?янія подаваете, отъ Христа Бога дарованіемъ исц?леній обогащшеся. Т?мъ же священное ваше и св?тоносное торжество совершающе, просимъ очищенія душамъ нашимъ. (Дважды). Слава, и нын?, богородиченъ: Богорадованная, Чистая, Благословенная, за милосердіе щедротъ изъ Тебе Рождьсягося, съ преподобными отцы и старцы, и со вс?ми святыми, о насъ моли непрестанно, дати намъ прежде конца прощеніе гр?ховъ, и житія исправленіе: яко да обрящемъ милость. По второмъ стихословіи с?даленъ, гласъ 8-ый. Подобенъ: Повел?нное: Великихъ даровъ сподобльшеся, преподобніи, во смиренномъ житіи на земли пожисте, туне недугующихъ страсти врачующе, явистеся ангеломъ собес?дницы, всеблаженніи отцы Оптинстіи: и наша страсти молитвами вашими уврачуйте. (Дважды). Слава, и нын?, богородиченъ: Непостижимаго Слова Сына Божія, несказанно паче ума изъ Тебе Рождьсягося, Богородице, моли съ преподобными, умиреніе чисто вселенн?й подати, и прегр?шеній даровати намъ прежде конца прощеніе, и Царствія Небеснаго, крайнія ради благости, сподобити рабы Твоя. Поліелей и величаніе: Ублажаемъ васъ, преподобніи отцы Оптинстіи, и чтемъ святую память вашу, наставницы монаховъ и собес?дницы ангеловъ. Псаломъ избранный: Терпя потерп?хъ Господа: По поліелеи с?даленъ, гласъ 1-ый. Подобенъ: Гробъ Твой Спасе: Неизреченна святыхъ благодать, юже отъ Христа пріяша: т?мъ же в?рою призываеми, неисц?льныя бол?зни исц?ляютъ, и мощи ихъ божественною силою д?йствуютъ чудеса: молитвами ихъ, Господи, и насъ душевныхъ и т?лесныхъ страстей свободи, яко Челов?колюбецъ. Слава, и нын?, богородиченъ: Матерь Тя Божію св?мы вси, Д?ву воистину и по рождеств? явльшуюся, иже любовію приб?гающіи къ Твоей благости: Тебе бо имамы гр?шніи предстательство, Тебе стяжахомъ въ напаст?хъ спасеніе, Едину Всенепорочную. Степенна, 1-ый антифонъ 4-го гласа. Прокименъ, гласъ 4-ый: Честна предъ Господемъ смерть преподобныхъ Его. Стихъ: Что воздамъ Господеви о вс?хъ, яже воздаде ми; Евангеліе отъ Мат?ея, зачало 43-е. По 50-омъ псалм? стихира, гласъ 6-ый: Все отринувше страстное мучительство, и всяко умышленіе лукаваго змія поправше о Христ?, препо-добніи отцы Оптинстіи, св?тообразни явистеся, яко св?тила озаряюще всю подсолнечную, тьму отгоняюще, и недуги благодатію врачующе, и вс?мъ помощницы являющеся, в?рою творящимъ святую память вашу. Канонъ Богородиц? на 6-сть, гласъ 8-ый: Воду прошедъ: И преподобнымъ на 8, гласъ той же. П?снь 1-ая: Ирмосъ: Воду прошедъ: Монашествующимъ вы правило есте, въ недуз?хъ сущимъ и скорбящимъ исц?лители, и пастыріе заблуждающихъ овецъ, вамъ научите п?снь достойно принести. Наставники наша восхваляюще зовемъ: вы есте с?мя свято, преподобніи отцы, земли россійскія хваленіе, и чадомъ вашимъ утвержденіе. Стадоначальниче монашескихъ дворовъ, чреды наставивъ иноковъ къ небесн?й пажити, радуйся отче нашъ, Паисіе честный, наставивый земли россійскія концы. Слезами многими и скорбнымъ житіемъ ?еодоръ, инокъ свирскій, злая претерп?, обаче твердъ и кр?покъ сый умомъ, въ бол?зн?хъ сына Льва духовно породи. Богородиченъ: О Мати Д?во Богородице. Христа моли, воплощшагося изъ Тебе, да сохранитъ россійскую страну, и души наша, яко милостивъ, спасетъ. П?снь 3-тья: Ирмосъ: Небеснаго круга: Основаніе твердо подвигомъ положилъ еси, камень краеугольный, Христа: и бысть первоначальникъ сонму старцевъ, о Льве, и пріятъ благодать отгоняти недуги отъ лют? страждущихъ. Вопіялъ еси сице, о Льве, ко обидящимъ: пою Богу моему донде же есмь, кто мене разлучитъ отъ любве Его; въ ней же пребысть до кончины, совершая волю Его со дерзновеніемъ. Преподобный Макарій блаженъ бысть воистину, насыти бо алчущихъ души, туне питая вс?хъ словомъ исполненнымъ благодати, потребляя душевный гладъ, умиряя души страстьми обуреваемыя. Богородиченъ: Отъ Тебе, Богомати, истече потокъ сладкій, вся напаяя люди, скверны душъ измывая, о Богородице Д?во: т?мъ же спасай отъ б?дъ вс?хъ иже образъ Твой честный почитающихъ. С?даленъ, гласъ 4-ый: Подобенъ: Явился еси: Явистеся Духа Святаго органи, отцы преподобніи, и пророчества дара сподобистеся: ибо въ вашихъ душахъ возсія Св?тъ Неприступный. Слава, и нын?, богородиченъ: Яко вс?хъ еси твореній вышшая, восп?вати Тя достойно недоум?юще, Богородице, молимъ Тя: туне помилуй насъ. П?снь 4-ая: Ирмосъ: Услышахъ Господи: О мудр?йшій Макаріе, ты восторгалъ еси класы духовныя отъ писаній святыхъ отецъ, и насытилъ еси души алчущихъ. Ты наставникъ бывъ инокомъ во Предтечи обители, о Антоніе, воздержательнымъ житіемъ: помолися о тя восхваляющихъ. Мо?сее, Антоніе, и по плоти и по духу суще братіе, богомудріи пастыри, вы настависте овцы на пажити. Богородиченъ: Богородице Чистая, цв?те божественный и прозябшій кореню, Ты о насъ непрестанно моли, Богородицу Тя восп?вающихъ. П?снь 5-ая: Ирмосъ: Просв?ти насъ: Пріятъ Елисей отъ Иліи благодать сугубую, на теб? же, отче Амвросіе, благодать почи отецъ Льва и Макарія. О Амвросіе, ты любовь въ себ? стяжалъ еси, совершеніе доброд?телей: вс?мъ бо вся былъ еси, и убогимъ приб?жище. О Амвросіе, ты божественною пищею напиталъ еси алчущія сердца, овцы своя упасъ на словесн?й пажити. Богородиченъ: Мати Божія, и заступнице усердная, просв?ти насъ молящихся Теб?, присно молящи о насъ, недостойныхъ раб?хъ Твоихъ. П?снь 6-ая: Ирмосъ: Молитву пролію ко Господу: Сынъ истинный явился еси Іосифе, стяжавъ родительницу безстрастія, нелицем?рное послушаніе: и яко кротокъ, чистъ же и милостивъ, смиренно глаголалъ еси: непотребенъ есмь безъ отца моего. Іосифъ ц?ломудренный в?рно по стопамъ отца своего хождаше: даже до смерти самъ себе смиряше, сице Владыц? Христу подражая. Сего ради молимъ его: научи и насъ гр?шныхъ смиренію. Отца своего любовь стяжавъ, Анатоліе, съ нимъ упаслъ еси словесное стадо: и нын?, отче, насъ не забуди, овцы своя помяни и настави ихъ, взыщи заблуждающихъ чадъ, наставляя вс?хъ насъ ко спасенію. Богородиченъ: Заступницу Тя в?мъ въ живот? моемъ, и хранительницу тверду Д?вице, и напастей р?шащу молвы, и прилоги б?совъ отгоняющу, и сице молюся всегда: отъ страстей моихъ мя да избавиши. Кондакъ, гласъ 8-ый: Подобенъ: Взбранной: Иже отъ міра суетнаго уклонившеся,* и честнымъ житіемъ сокровище обр?тше,* попеченія о гр?шныхъ, сущихъ въ мір?, не оставист?:* но яко суще заблуждающимъ наставницы, * и насъ отъ суеты мірскія избавите, яко да зовемъ:* радуйтеся, старцы богомудріи. И к о с ъ : Ангеломъ поревновавше, устранистеся міра, вождел?вше въ пустыню вселитися: но и насъ, сущихъ въ мір? еще, не забудите, молимся мы, гр?шніи, да прелести избавльшеся, къ вамъ возглаголемъ сице: Радуйтеся, врачеве душевныхъ бол?зней, радуйтеся, ц?лители недуговъ т?лесныхъ. Радуйтеся, премудрыхъ разумомъ превосходящіи, радуйтеся, немудрыхъ къ разуму наставляющіи. Радуйтеся, непрестанныя молитвы д?лателіе, радуйтеся, о гр?шниц?хъ къ Богу ходатаи. Радуйтеся, старцы богомудріи. П?снь 7-ая: Ирмосъ: Отъ Іудеи дошедше отроцы: Отче Иларіоне, уклонився отъ міра, и вся яже въ немъ оставль и уметы вм?нивъ, старцемъ прил?пися, Леониду съ Макаріемъ, власть отъ Христа пріятъ б?сы прогоняти. Ут?шаше Исаакій сострадательный инокъ, иже къ нему приходящихъ, и силою молитвы отъ злыхъ ихъ ограждаше, заступая ихъ всячески, яко отецъ или мати сый чадомъ своимъ. Н?сть пророка безъ чести, но въ дому своемъ токмо, вс?хъ бо изгнаша пророкъ: и ты изгнанъ бывъ, отче, сподобися блаженства, Варсонофіе праведне, изгнаніе претерп?вый правды ради. Богородиченъ: Подъ Твою милость приб?гающихъ в?рно и покланяющихся Твоему Сыну Богородительнице, помолися Ему о насъ, яко да избавимся отъ б?дъ и искушеній. П?снь 8-ая: Ирмосъ: Царя Небеснаго: Слав? в?чн?й причастникъ бысть Нектарій, уклонився житейскія славы: всякъ бо смиряяй себе вознесется. Да ублажатся отцы: Анатолій, Нектарій, съ ними же Исаакій и Никонъ: законно пострадавше, ликуютъ во вся в?ки. Бывше изгнани отцы отъ отступникъ, не смутишася, но возопиша: наше житіе на небес?хъ есть. Богородиченъ: Помощи, яже отъ Тебе требующія, не презри Д?во, поющія и превозносящія Тя во в?ки. П?снь 9-ая: Ирмосъ: Воистину Богородицу: Воистину стяжасте всяку доброд?тель, дарованіе же даровася вамъ: но спасите стадо ваше, молящеся за ны. О всемъ благодарите, запов?дь пріяхомъ: да похвалимъ Бога, яко даровалъ есть намъ васъ, наставники святыя во Царствіе Его. Предстателіе наши, о стран? Россійст?й помолитеся прил?жно, и спасите вс?хъ, иже память вашу в?рно совершающихъ. Богородиченъ: Владычице Святая, помогай намъ гр?шнымъ, и злыхъ враговъ избави Отечество наше: Тебе молимъ, сохрани насъ подъ кровомъ Твоимъ. Св?тиленъ. Подобенъ: Небо зв?здами: Старцы почтимъ богомудрыя, св?тильники св?тлыя, подвижники благочестія, доброд?телей учители, о насъ молитвенники в?ры. Слава, и нын?, богородиченъ: Сладость ангеловъ, скорбящихъ радость, христіанъ Предстательнице, Д?во Мати Господня, заступи насъ, и избави в?чныхъ мукъ. На хвалитехъ стихиры, гласъ 6-ый: Подобенъ: Все отложше: Все отложше* о земныхъ попеченіе,* и страстей мучительство* далече отъ себе отринувше,* преподобніи отцы богомудріи,* въ пустыню вселистеся,* и сердце очистивше,* просв?тистеся благодатію,* и яко св?тила возсіявше,* просв?щаете всю подсолнечную,* тьму отгоняще отъ чтущихъ* святую память вашу. Духовная св?тила,* на тверди церковн?й возсіявшая* въ посл?дняя времена,* наставляютъ къ тихому пристанищу* обуреваемыхъ въ пучин?* и житейскими сластьми погружаемыхъ,* гр?ховную мглу отгоняютъ,* и бурю страстей утишаютъ,* и отъ злаго пути возбраняютъ,* приводящаго въ пагубу,* и со дерзновеніемъ молятся* о спасеніи душъ нашихъ. Не къ тому въ гаданіихъ,* но истиною и лицемъ къ лицу,* зерцаломъ разр?шшимся,* зрите славу Господню,* ихже очи не вид?ша* и уши не слышаша,* и на сердце челов?ческомъ не взыдоша,* яже уготова Богъ любящимъ Его.* Сихъ благихъ сподобльшеся,* и насъ не забудите, но молите и намъ спастися,* совершающимъ память вашу. Слава, гласъ 8-ый: Воздвигше крестъ на рамена своя,* и плоть распенше со страстьми и похотьми,* сотросте зміеву главу:* и насъ явите поб?дители гр?ха,* и покаянія достойныя плоды приносити научите. И нын?, богородиченъ, гласъ той же: Владычице, пріими молитву рабъ Твоихъ,* и избави насъ отъ всякія нужды и печали. Славословіе великое. Тропарь, слава, и нын?, богородиченъ. На литургіи. Блаженна отъ канона, п?снь 3-я и 6-я на 8-мь. Прокименъ, гласъ 7-ый: Честна предъ Господемъ смерть преподобныхъ Его. Стихъ: Что воздамъ Господеви о вс?хъ, яже воздаде ми; Апостолъ къ Галатомъ, зачало 213-ое. Аллилуія, гласъ 6-ый: Блаженъ мужъ бояйся Господа, въ запов?дехъ Его восхощетъ з?ло. Стихъ: Сильно на земли будетъ с?мя Его. Евангеліе отъ Луки, зачало 24-ое. Причастенъ: Радуйтеся праведніи о Господ?, правымъ подобаетъ похвала. Конецъ и Богу нашему слава. ТРОПАРЬ И КОНДАК Собору преподобных отцев и старцев, в Оптиной пустыни просиявших Утверждено Синодальной комиссией по богослужебным вопросам 30.05.96 г. Тропарь, глас 6 Православныя веры светильницы, монашества непоколебимии столпи, земли Российския утешителие, преподобнии старцы Оптинстии, любовь Христову стяжавшии и души своя за чада полагавшии, молитеся ко Господу, да утвердит земное отечество ваше в православии и благочестии и спасет души наша. Кондак, глас 4 Воистину дивен Бог во святых Своих, Пустынь Оптину якоже вертоград старчества явивый, идеже Богопросвещеннии отцы, тайная сердца человеческаго ведуще, народа Божия печальницы доблии явишася: сии бо на путь покаяния грехом отягощенная наставиша, в вере колеблющияся светом Христова учения просветиша и Божией премудрости научиша, страждущим и немощным спострадаша и исцеления дароваша, ныне же, во славе Божией пребывающе, молятся непрестанно о душах наших. МОЛИТВА преподобным отцем и старцем, в Оптиной пустыни просиявшим О велицыи угодницы Божии, столпи и светильницы Земли Российстей, преподобнии и богоноснии отцы наши Оптинстии, Льве, Макарие, Моисее, Антоние, Иларионе, Амвросие, Анатолие, Исаакие и Иосифе, Варсонофие, Анатолие, Нектарие, Никоне и Исаакие, по закону евангельскому Господа Бога всем сердцем и всею душею и всем разумением возлюбившии и всему народу Божию во спасение бывшии; сего ради под покров Пресвятыя Владычицы нашея Богородицы во обитель Оптину, покаявшимся разбойником основанную, притекшии, путем тесным и прискорбным смирения и самоукорения до конца дней ваших ходившии, темже убо благодатныя дары Святаго Духа преизобильно стяжавшии; старых и младых, знатных и препростых, мудрых века сего и худоумных, никогоже от грядущих к вам ижденувшии, николиже тща и неутешна отпустившии, но светом истины Христовы всех просветившии и духовно воскресившии, ближних ваших, яко себе самех, возлюбившии и тех в сердце своем вместившии, по словеси апостола, пророчествующе и назидающе, увещающе и утешающе. Умолите Милосердаго Господа, во обитель райскую разбойника благоразумнаго с Собою вземшаго, даровати нам, недостойным, яко работником единонадесятаго часа, дух сокрушения, сердца очищение, уст хранение, правоту деяний, мудрование смиренное, слезы покаяния, веру непостыдную, любовь нелицемерную, мир душевный и здравие телесное, да предстательством вашим сподобит нас Господь добраго ответа на Страшнем Судищи Своем, вечных мук избавляя, и Царствия Небеснаго купно с вами да удостоит во веки веков. Аминь.