Месяца сентября в 4 (17) день

Служба

Собору Воронежских святых

На Велицей вечерни

Блажен муж, 1-й антифон.

На Господи воззвах, стихиры святых на 8, глас 3. Самогласны:

Приидите, сущия в земли нашей святыя восхвалим:/ преподобныя, и
иерархи,/ мученики и священномученики,/ вкупе именуемыя и неименуемыя,/
сии бо воистинну делы и словесы,/ предивнымным житием, и от Бога
дарованьми/ соделашася земли Воронежстей светильницы,/ лучами святости
мглу безбожия истощающии,/ ихже и гробы Бог чудесы прославил еси,/ и в
небесных чертозех вселил еси,/ и нам сей лик божественный в заступление
даровал еси,/ сего ради овы молятся прилежно,// о верою и любовию
совершающих светлое их торжество. Дважды

Приидите, православия любителие,/ песньми и пении похвалим богомудрыя
святители Воронежския,/ Христовы Церкве светлое украшение,/ священства
венцы, благочестия правило,/ источники Божественных исцелений
неисчерпаемыя,/ обителие дарований духовных,/ реки чудес полноводнии,
землю Воронежскую веселящии течении,/ благоверным людем теплыя
пособники,/ ихже ради Христе Боже/ врагов возношения низложи,// имеяй
велию милость. Дважды

Земля веселится и Небо радуется,/ отцы святии, восхваляюще подвиги и
труды ваша./ Духовная ваша крепость и ума чистота,/ законом бо естества
не победистеся./ О соборе святый и полче Божественный,// земли нашея
утверждение ты еси воистинну. Дважды

Ины стихиры, глас 8. Самогласны:

Мученицы Христовы преблаженнии,/ на вольное заколение сами себе
предаете,/ и землю Воронежскую кровьми вашими освятисте,/ и воздух
просветисте вашим преставлением;/ ныне же вы купно на Небесех
пребываете,/ во свете невечернем,// о нас всегда молитися, боговидцы.

Святых память велие торжество/ явися земли нашей,/ и, о том хвалящеся,
возглаголем:/ не забудите вашея земли,/ но всех нас поминайте,/
совершающих память вашу,// вси святии, молящеся о нас ко Господу.

Слава, глас 1:

Веселися о Господе, земле Воронежская,/ радуйся и ликуй, верою светло
одеявшися,/ телеса подвижников веры/ и свидетелей истины в недрех своих
имущи, яко сокровище,/ насладися чудес, от них истекающих,/ и, видящи
полк сей святый,/ от видимых и невидимых врагов тя ограждающий,/
благодарно Спасу возопий:// Господи, слава Тебе.

И ныне, Богородичен, глас тойже: Всемирную славу:

Вход. Прокимен дне и чтения три.

Пророчества Исаиина чтение (глава 49:8-15):

Тако глаголет Господь: во время приятное послушах тя и в день спасения
помогах тебе. И создах тя и дах тя в завет языков, еже устроити землю и
наследити наследие пустыни. Глаголюща сущим во узах: изыдите! И сущим во
тьме: открыйтеся! На всех путех пастися будут, и на всех стезях пажить
их. Не взалчут, ниже вжаждут, ниже поразит их зной, ниже солнце, но
Милуяй их утешит я и сквозе источники вод проведет я. И положу всякую
гору в путь и всякую стезю в паству их. Се сии издалеча приидут, сии от
севера и моря, инии же от земли Персския. Да веселятся Небеса, и
радуется земля, да отрыгнут горы веселие и холми правду, яко помилова
Бог люди Своя и смиренныя людей утеши. Речe же Сион: остави мя Господь,
и Бог забы мя. Еда забудет жена отроча свое? или не помилует исчадия
чрева своего? Аще ли же и сих забудет жена, но Аз не забуду тебе, –
глаголет Господь.

Премудрости Иисуса, сына Сирахова, чтение (глава 44:1-14):

Восхвалим убо мужи славны и отцы наша в бытии. Многу славу созда Господь
в них величием Своим от века. Господствующе в царствиих своих и мужи,
именити силою, советующе разумом своим, провещавшии во пророчествах;
старейшины людий в советех и в разуме писания людий. Премудрая словеса в
наказании их; ищуще гласа мусикийска и поведающе повести во писаниих,
мужи богатии, обдаровани крепостию, мирно живуще в жилищих своих. Вси и
в родех прославлени быша, и во днех их похвала. Суть от них иже оставиша
имя, еже поведати хвалы. И суть, ихже несть памяти, и погибоша, яко
несущии, и быша яко не бывше, и чада их по них. Но сии мужие милостивии,
ихже правды не забвены быша, с семенем их пребудет доброе наследие,
изчадия в заветех. Остася семя их и чада их по них, до века пребудет
семя их, и слава не потребится. Телеса их в мире погребена быша, а имена
их живут в роды. Премудрость их поведят людие, и похвалу их исповесть
Церковь.

Премудрости Соломоновы чтение (глава 3:1-9):

Праведных души в руце Божией, и не прикоснется их мука. Непщевани быша
во очесех безумных умрети. И вменися озлобление исход их. И еже от нас
шествие – сокрушение, они же суть в мире. Ибо пред лицем человеческим
ащe и муку приимут, упование их безсмертия исполнено. И вмале наказани
бывше, великими благодетельствовани будут, яко Бог искуси я и обрете их
достойны Себе. Яко злато в горниле, искуси их и, яко всеплодие
жертвенное, прият я, и во время посещения их возсияют и, яко искры по
стеблию, потекут. Судят языком и обладают людьми, и воцарится Господь в
них во веки. Надеющиися Нань уразумеют истину, и вернии в любви пребудут
Ему. Яко благодать и милость в преподобных Его и посещение во избранных
Его.

На литии стихиры святых. Самогласен, глас 8:

Срадуйтеся с нами,/ вси лицы святых и вся ангельская чиноначалия,/
духовно совокупльшеся,/ приидем и воспоим благодарную песнь Христу
Богу:/ се бо безчисленный сонм сродников наших предстоит Царю Славы/ и
молебно ходатайствует о нас./ Сии суть столпи и красота веры
православныя;/ сии учении, и делы, и кровей излиянии Церковь Божию
прославиша;/ сии от всех предел земли нашея возсияша,/ и веру
православную в ней чудесы и знамении утвердиша, апостольски ревнующе;/
инии же пустыни и грады обительми святыми украсиша,/ ангельское житие
показующе;/ мнози ругании, и ранами, и лютою смертию от сынов века сего
искусишася,/ мнози же и иными подвиги, во всяком чине подвизавшеся,/ нам
терпения и злострадания образ подаша,/ ныне же вси вкупе молят
Господа:// от бед избавитися земли нашей и всем нам спастися.

Слава, и ныне, глас тойже, Богородичен, Самогласен:

Срадуйтеся с нами,/ умная чиноначалия, в духовный совокупльшеся лик,/
видяще Царицу и Владычицу всех,/ многоименне верными славиму:/ радуются
же дуси праведных, сущии зрителие видения,/ яко на воздусе Сия молебно
простирающе всечетнии Свои руцы,/ просит умирения миру,/ земли
Воронежстей утверждения,// и спасения душ наших.

На литии в молитве Спаси, Боже: поминаем возможно полный список
воронежских святых, также и предстоятель в молитве Владыко,
Многомилостиве.

На стиховне стихиры, глас 2.

Подобен: Доме Евфрафов:

Земле Русская, граде святый, украшай твой дом, в немже Божественный
велий сонм святых прослави.

Стих: Господи, Господь наш, яко чудно Имя Твое по всей земли.

Земле Русская, красуйся и ликуй, се бо чада твоя Престолу Владычню во
славе предстоят, радующеся.

Стих: Святым, иже суть на земли Его, удиви Господь вся хотения Своя в
них.

Соборе святых русских, полче Божественный, молитеся ко Господу о земном
отечестве вашем и о почитающих вас любовию.

Слава, глас и подобен тойже:

Новый доме Евфрафов, уделе избранный, Русь Святая, храни веру
православную, в нейже тебе утверждение.

И ныне, Богородичен, глас 8.

Подобен: О, преславнаго чудесе:

О, преславнаго чудесе! Небесе и земли Царица, от святых сродников нашиx
умоляемая, до ныне землю Русскую покрывает и лика Своего изображении
милостивно обогащает. О Владычице Державная! Не престани и на будущее
время во утверждение на земли Воронежстей православия милости и чудеса
изливати до века.

На благословении хлебов:

Тропарь святых, глас 6

Под покровом Пресвятыя Богородицы,/ ниспосланнии нам духовнии стражи:/
вси воронежстии святии,/ приснии наши со святыми Митрофаном, Тихоном и
Антонием заступницы:/ новомученицы и исповедницы Христовы,/ преподобнии
боголюбцы и блаженный подвижницы,/ в подвизех за Христа, чудесех и
страданиих/ землю Русскую от царствующих град до Азова осиявшии,/ Христа
Бога молите о стране нашей Православней// и о всех соборно вас
почитающих. Дважды

Богородице Дево…единажды

На Утрени

На Бог Господь: Тропарь святых дважды,глас 6.

Слава и ныне, воскресный Богородичен, глас тойже:

По 1-м стихословии седален святых, глас 2.

Подобен: Апостоле, Христу Богу:

Солнце правды, Христос, вас посла, якоже лучи, просвещающий землю
Воронежскую, угодницы Божии, от рода нашего просиявшии. Темже молите
Его, святии, облежащий нас ныне облак неверия разгнати и даровати нам
мир и велию милость.

Слава, и ныне, Богородичен:

Молитвеннице теплая, Заступнице рода христианскаго, приими моления раб
Твоих и осени Русь Православную покровом Твоея благости.

По 2-м стихословии седален, глас 1.

Подобен: Гроб Твой:

Яко солнце светлое, яко блистающая денница, память честная в земли
Русстей просиявших святых возсия, всех нас освещающи и согревающи сердца
наша к подражанию житию их Божественному и к ревности о вере.

Слава, и ныне, Богородичен:

Настави нас на путь покаяния, уклоньшыяся присно к безпутиeм зол, и
Преблгаго прогневавшыя Господа, Неискусобрачная Блгословенная Марие,
прибежище отчаянных человековъ, Божие Жилище.

Величание святым: Величаем вас,/ святителие Христови Митрофане, Тихоне и
Антоние,/ с нимиже вси святии в земли воронежстей просиявший,/ вы бо
молите о нас// Христа Бога нашего.

Псалом избранный

Благо есть исповедатися Господеви и пети Имени Твоему, Вышний,/
возвещати заутра милость Твою и истину Твою на всяку нощь./ Велий
Господь и хвален зело, во граде Бога нашего, в горе святей Его./ Род и
род восхвалят дела Твоя и силу Твою возвестят./ Великолепие славы
святыни Твоея возглаголют и чудеса Твоя поведят./ Память множества
благости Твоея отрыгнут и правдою Твоею возрадуются./ Господь крепость
людем Своим даст, Господь благословит люди Своя миром./ Яко благоволит
Господь в людех Своих и вознесет кроткия во спасение./ Возвеселятся вси
уповающий на Тя, во век возрадуются,/ и вселишися в них, и похвалятся о
Тебе любящий Имя Твое.

Седальны святых по полиелеи, глас 5:

Красуйся, светися, Русь Православная, лучами Креста, егоже имаши всем
верным хранителя, ты же множество все демонское, тьмы исполньшееся,
отвергни.

Слава, глас 3.

Подобен: Да веселятся:

Светло совершающе настоящее торжество, восхвалим и Андрея Первозваннаго,
яко Русския земли апостола, перваго евангельским благовестием сию
огласившаго, той бо, якоже древле праотцем нашим, тако и нам ныне
взывает: идите, обретохом Желаемаго.

И ныне, Богородичен, глас 4:

Яко необоримую стену и источник чудес стяжавше Тя, раби Твои, Богородице
Пречистая, сопротивных ополчения низлагаем. Темже молим Тя: мир земли
Русстей даруй и душам нашим велию милость.

Прокимен, глас 4: Святым иже суть на земли Его,/ удиви Господь вся
хотения Своя в них.

Стих: Сохрани мя Господи, яко на Тя уповах.

Евангелие от Матфея., зач. 10

Псалом 50,

Слава: Молитвами всех воронежских святых, Милостивее, очисти множество
согрешений наших.

И ныне: Молитвами Богородицы Милостивее, очисти множество согрешений
наших.

Стихира святых по 50-м псалме, глас 6:

Ежелетнюю память днесь святых сродников наших совершающе,/ достойно сия
да ублажим./ Тии воистинну чрез вся блаженства Господня проидоша:/
обнищавше бо духом обогатишася,/ и кротцы бывше землю кротких
наследоваша,/ плакавше утешишася,/ алкавше правды насытишася,/ миловавше
помиловани быша,/ чисти бывше сердцем Бога якоже мощно узреша,/
миротворивше Божественнаго сподобишася сыноположения,/ гоними же и
мучими правды ради и благочестия бывшее/ на Небесех ныне веселятся и
радуются прилежно,// и молятся Господеви помиловатися отечеству нашему.

Канон Великий молебный Богородице, глас 8: Скорбных наведения… (см.
Приложения Октоиха), со ирмосом на 6, ирмос по дважды: и святых, на 8.
Катавасия по уставу.

Канон всем святым в земли Воронежстей просиявшим, глас 8.

Песнь 1

Ирмос: Воду прошед...

Святителю отче наш Митрофане, моли Бога о нас:

Святителю отче Митрофане,/ первый Воронежу пастырю,/ мужество велие
явивый,/ прещения царева и смерти не убоявыйся/ в простоте душу свою
спасый,/ моли Христа Бога спастися душам нашим.

Святителю отче наш Митрофане, моли Бога о нас:

Покровителя жизни нашея и молитвенника к Богу/ почитаем тя,
приснославный отче наш Митрофане:/ на стезю нас покаяния направи,/
архиереев красото и верных утверждение.

Святителю отче наш Тихоне, моли Бога о нас:

Чист быв сердцем, чистому Христу прилепился еси,/ святый Святому,
любитель Любительному, кроткий Кроткому, / взывая непрестанно:/ мне
прилеплятися Богови благо есть.

Святителю отче наш Тихоне, моли Бога о нас:

Яко пчела, мед сладкий от цветов скороувядающих собрал еси, отче наш
Тихоне,/ от тленнаго мира духовное сокровище,/ имже всех нас услаждаеши.

Святителю отче наш Антоние, моли Бога о нас:

Избран быв Господем/ служити честному Евангелию, блаженне Антоние, / во
благоразумии люди, учении премудрыми отче, возрастил еси.

Святителю отче наш Антоние, моли Бога о нас:

Умертвив первее плотская мудрования воздержанием и труды,/ святитель
божествен показался еси,/ и предстатель наш пред Творцом всечестен
явился еси.

Вси святии земли Воронежския, молите Бога о нас:

Твоих святых воспевая чины,/ Твоим светом души наша, молитвами сих,
озарити молимся:/ Ты бо еси свет неприступный,/ Твоими светлостьми,
неведения мрак отгоняеши,/ Слове Божий светодавче Христе.

Вси святии земли Воронежския, молите Бога о нас:

Священным саном пастырие облекшеся,/ паству свою смиренно приведоша ко
Христу,/ даром учительства украшении,/ ныне от Бога венцы правды прияли
есте.

Богородичен: Недугующих телом и душею,/ посещения Божественнаго и
промышления от Тебе сподоби, едина Богомaти,/ яко благая, Благaго же
Родительница.

Песнь 3

Ирмос: Небеснаго круга...

Святителю отче наш Феофaне, моли Бога о нас:

Имя твоe, святителю Феофaне, / яко миро, зeмлю нaшу облагоухa,/
услаждaюще сердцa вeрных, призывaюще всeх к духoвней рaдости и спасeнию.

Святителю отче наш Феофaне, моли Бога о нас:

Святче Бoжий, угoдниче Христoв Феофaне, / призри на нeмощи нaша и исцели
души нaша, / страстьми присно обуревaемыя.

Святителю отче наш Владимире, моли Бога о нас:

Искапая божественную сладость из устен твоих отче Владимире, и горькаго
безбожия изсушил еси капли, напоив благочестивых питием Божияго разума
блаженне.

Святителю отче наш Владимире, моли Бога о нас:

Божиим судом произбран быв, святитель показался еси, безкровны жертвы
Богу принося, пожершемуся нас ради, отче святителю, Владимире.

Святителю отче наш Иннокентие, моли Бога о нас:

Гроб, идеже лежит честное тело твое, благовоние источает яко рай Божий,
облагоухая верныя, святителю преславне и всечестне, Иннокентие.

Святителю отче наш Луко, моли Бога о нас:

Труды твоими, яко добрый пастырь, святителю Луко, указал еси людем путь
в Царство Небесное и за подвиги твоя от Бога венчан славою на небеси,
Егоже моли, да ниспослет и нам росу благодати Своея, Человеколюбец.

Вси святии земли Воронежския, молите Бога о наш.

Радующееся мученицы, крест Твой вземше,/ и честной страсть Твоей
неуклонно подражающе,/ мучительскаго не убояшася прещения доблии,/ ни
огня, ни меча, ни ран, ни глада, ниже смерти.

Вси святии земли Воронежския, молите Бога о нас:

Украсившеся добротами перваго добротворения,/ и явившеся яко
непрелестная светила,/ прославиша Церковь Христову, святии,/ сего ради
земля наша инаго украшения не весть/ токмо вы богомудрии.

Богородичен: Лютыми недуги и многоболезненными страстьми истязaемым,/
Дево, Ты нам помози:/ исцелений бо неоскудное Тя знаем сокровище,/
Пренепорочная, неиждивaемое.

Седален, гл. 7:

Нощней тьме огустевающей, умножается звездный блеск, и к тому очи
заблуждших радостно возводятся. Тако и умножевшейся на земли греховней
тьме, возведем горе очи наши, братие, и, сияние духовных звезд, землю
нашу озаряющих, узревше, к Небесному отечеству потщимся, егоже да не
лишит Господь нас, грешных, молитвами святых своих.

Слава, и ныне, Богородичен:

Мучеников, пророков, апостолов, иерархов, преподобных и святых всех от
века праведных, похвала ты еси Пречистая, темже Тя молим: молися с ними
ко Господу, да спасет души наша.

Песнь 4

Ирмос: Услышах, Господи...

Священномучениче Тихоне, моли Бога о нас.

Безбоязненно проповедовал еси людем покаяние, священномучениче Тихоне,/
да обратят сердца своя к Богу/ и токмо на Него в скорбех и лишениих
упование имут.

Священномучениче Тихоне, моли Бога о нас.

Воли Божией послушлив быв,/ святительства жезл приял еси,
священномучениче Тихоне,/ и, за Христа даже до смерти пострадав,/ верный
сын Церкве явился еси.

Священномучениче Петре, моли Бога о нас:

Всем житием твоим верность Христу показал еси,/ всякаго блага земнаго
отвергся,/ в премудрости Божий выну поучался еси, Петре:/ Ангельскаго
образа красотою украсився,/ священства небесною мастию помазався,/ добре
земное служение свое совершал еси./ С вышними чины ныне пред лицем
Господним предстоиши,/ пением хвалебным Церковию прославляемь.

Священномучениче Петре, моли Бога о нас:

Во дни богоборений лютых/ яви Господь земли Российстей верных служителей
своих,/ страха вражия не устрашившихся, якоже архиепископ Петр,/
святитель Христов доблественен,/ Небесному Архиерею преподобен.

Священномучениче Захарие, моли Бога о нас.

Вся земная ни во что вменив Христа ради,/ словом и житием,
священномучениче Захарие, верных поучал еси:/ о Бозе сотворим силу,/ и
Той уничижит стужающия нам.

Священномучениче Захарие, моли Бога о нас.

Имже образом желает елень на источники водныя, / сице ты, страстотерпче
Захарие, к живоносным страданием за Христа притекл еси, / имиже присно
священно обновляется лице земли Русския.

Вси святии земли Воронежския, молите Бога о нас:

Совокупльшеся собор святых Твоих любовию,/ и Тебою наслаждается, истинно
же и чисто в радости,/ ликом Ангелов сликуя,/ о Тебе Всевидче, Бозе всех
и Господе.

Вси святии земли Воронежския, молите Бога о нас:

Юношески славнии священномученицы,/ венцем мученическим украсистеся,/
богодарованным помазанием обогатистеся,/ еже первее священством
украшени, пребогатии./ Темже венцы правды достойно приемше,/ со Христом
вечно радуетеся.

Богородичен: Надежду и утверждение и спасения стену недвижиму имуще Тя,
Всепетая, неудобства всякаго избавляемся.

Песнь 5

Ирмос: Просвети нас...

Священномучениче Петре, моли Бога о нас.

Землю Русскую, безбожными гонении нещадно жегомую,/ слезами и кровьми
твоими напоил еси, священномучениче Петре,/ сего ради плоды веры, чада
церковная, возрастил еси.

Священномучениче Уаре, моли Бога о нас.

Разгоревшуюся огню богоборчества сатанинскаго, посреде стал еси
неопалим, преславне святителю Уаре, Божественная бо роса Святаго окружи
тя Духа, яко священнотаинника и служителя Божественныя славы и вышния
Светлости причастника.

Священномучениче Сергие, моли Бога о нас

Благословляя гонителей твоих, блаженне Сергие,/ усердно молился еси за
них,/ да покаются и купно с верными братиями благословят Господа.

Священномучениче Онуфрие, моли Бога о нас.

Тесный путь со скорбьми и печальми прошел еси, боголюбиве Онуфрие, от
младенчества до последнего твоего издыхания: гонения, поношения и
темничные заточения, не имея где главы приклонити, до пота крови работая
Христу прилежно.

Священномучениче Игнатие, моли Бога о нас.

Злобы мучителей не убоялся еси,/ огнем любве Божественныя тыя
препобедив,/ темже благодать молитися о нас стяжал еси, священномучениче
Игнатие, достохвальне.

Священномучениче Василие, моли Бога о нас.

Егда безбожнии тщахуся сокрыти тя в темнице, священномучениче Василие,/
Господь яви тя исповедника Своего всем концем земли Русския.

Священномучениче Митрофане, моли Бога о нас.

Русския Церкве святильниче священный Митрофане, / кровьми мученическими
неугасимо светяй / и у Престола Божия предстояй, / молися о чтущих тя.

Вси святии земли Воронежския, молите Бога о нас:

Плотское мудрование, все духу, богоноснии, воистину повинусте,/
постнически сего стремления неудержимая, постом смиристе:/ и ныне
безстрастия светом просветившеся,/ мзду трудов приясте.

Богородичен: Исцели, Чистая, душ наших неможение/, посещения Твоего
сподобляющи,/ и здрaвие молитвами Твоими подaждь нам.

Песнь 6

Ирмос: Молитву пролию...

Вси святии земли Воронежския, молите Бога о нас:

Лик святых ныне сияет божественными дарованьми:/ святителей и мученик
собори,/ и постников же, и учителей,/ и праведных, со священномученики.

Вси святии земли Воронежския, молите Бога о нас:

Сияющее зряще, Твоих святых днесь собрание,/ Твоею Спасе светлостию, и
свещами неугасаемыми благодатей украшенное,/ Твое божественное богатство
благих и изобилие,/ воспеваем непрестанно Человеколюбче.

Вси святии земли Воронежския, молите Бога о нас:

Яко Христос Первомученик, мученицы честнии,/ муки зело претерпесте,
терпеливо же и доблественне,/ аки в чуждих страдальчествующе телесех
славнии,/ ныне же царствия небеснаго наследницы явистеся,/ верным
исцеления источаете.

Вси святии земли Воронежския, молите Бога о нас

Ходатаи суще за отечество ваше земное,/ научите убо и нас Православие
дерзновенно исповедати/ и страха вражия не боятися.

Богородичен: На одре ныне немощствуяй лежу,/ и несть исцеления плоти
моей:/ но, Бога и Спaса миру и Избaвителя недугов рождшая,/ Тебе молюся,
Благой/: от тли недуг возстaви мя.

Кондак, глас 4

Во свете богомудрых иерархов,/ столпов веры Митрофана, Тихона и
Антония,/ днесь красуется преславный град Воронеж,/ яко освященный собор
святых предстоит Владыце Вседержителю:/ темже Силы Небесныя ликовствуют
и Святую Троицу воспевают;/ с нимиже вси благодарственно вопием Богу/ о
еже даровати нам оставление грехов// и велию милость.

Икос:

Ныне земля Воронежская преславно ликовствует,/ яко предивное сокровище
нам явишася:/ собор преславных угодник Христовых,/ в немже, яко светила
пресветлая,/ великими чудесы просияша:/ Митрофан богомудрый, с Тиханом
богоглаголевым, и Антонием боголюбезным./ О велиции наши сродницы,/
молитися Христу Богу/ да сохранит отечество наше невредимо:/ от всякаго
злаго обстояния,/ и от всех навет вражиих,/ да и мы со всеми вами/
благодарственно вопием Богу/ о еже даровати нам оставление грехов и
велию милость.

Песнь 7

Ирмос: От Иудеи...

Преподобномучениче Георгие, моли Бога о нас.

Милования еже к плоти отлучив ум твой блаженне Георгие, опаляемь огнем и
сожигаемь мудре, отроческую воспевая песнь: благословен Бог отец наших.

Преподобномучениче Иннокентие, моли Бога о нас.

Отгоними бывают единым призыванием твоим, лукавии дуси, познавшии тя
постника и мученка Христова, преподобне Иннокентие, поюща тепле:
благословен бог отец наших.

Преподобномучениче Амвросие, моли Бога о нас.

Возвещен ти бысть конец преблаженне, Амвросие, вседетельною волею: тем
вдался еси большему пощению, и от славы в славу преходиши, убиен был еси
Христа ради над всеми Бога.

Священномучениче Алексие, моли Бога о нас.

Яко трие отроцы, в пещи вавилонстей пламенем объятии, молитвою не
сгараху,/ тако ты, священномучениче Алексие, во огни мучений благодатию
веру сохранил еси./ Сего ради ныне с новомученики Российскими ликуеши:/
отцев Боже благословен еси.

Священномучениче Василие, моли Бога о нас.

Якоже древле отроцы, в пещи неопаляемии, златому истукану не
поклонишася,/ тако же и ты, священномучениче Василие, огнем мучений
неопаляемь,/ безбожие небоязненно обличал еси, взывая с новомученики
Российскими:/ отцев Боже благословен еси.

Священномучениче Александре, моли Бога о нас.

Жертву живую и всесожжение Творцу себе самаго принося, священномучениче
Александре,/ с новомученики Российскими воспевал еси:/ могущии,
покаряйтеся, яко с нами Бог отцев земли нашея.

Священномучениче Митрофане, моли Бога о нас.

Руками беззаконных убиен,/ жертва благоприятная и вольное заколение Богу
принеслся еси, святче Божий Митрофане./ Тем благодарне память твою
почитаем.

Священномучениче Ионнне, моли Бога о нас.

Господь, исполняя смотрение Свое о Церкви Русстей,/ заступника тя,
священномучениче Иоанне, содела./ Темже молися Ему, во благочестии нам
пребывати и спастися душам нашим.

Вси святии земли Воронежский, молите Бога о нас

Святых чинове, сладости божественныя ныне наслаждающеся,/во святых
Почивающаго немолчно поюще:/ благословен Бог отец наших.

Вcи святии земли Воронежския, молите Бога о нас:

Радующеся, воспоим святых всех собор,/ дерзновенно Христа исповедавших
даже до смерти,/ и о нас непрестанно молящихся,/ непорочно взывающе:/
благословен Бог отец наших.

Богородичен: Телесныя слабости и душевныя недуги, Богородительнице,/
любовию приступaющих к крову Твоему,/ Дево, исцелити сподоби,/ Спaса
Христа нам рождшая.

Песнь 8

Ирмос: Царя Небеснаго...

Преподобне отче Силуане, моли Бога о нас.

Яко крин предивный и сапфир пречудный, / в вертогрaде Пречистыя процвeл
еси, преподoбне Силуaне, / Владыце твоему Христу смирeнно ревнуя, выше
бо человeка восприeм житиe, / имже мнoгих души Гoсподу приводиши.

Преподобне отче Силуане, моли Бога о нас.

Воистинну носитель дарoв Святaго Дuха был еси / и различными
добродeтельми украшeн, Силуaне, / смирeнием гoрнюю высоту наслeдив,
нищетoю Небeсное богaтство изрядно приял еси. / Наслeдники сегo покажи
ны, молитвами твоими.

Преподобне отче Иларионе, моли Бога о нас.

Невозвратно шествовав отче премудре Иларионе и досточудне, ведущими к
небеси божественными стезями, от зле ведущих до конца уклонился еси.

Преподобне отче Иларионе, моли Бога о нас.

Всельшеюся благодатию в душу твою отче Иларионе лукавно живущии в
человецех нечистии дуси отгоними бывают.

Преподобне отче Амвросие, моли Бога о нас.

Прият Елисей от Илии благодать сугубую, на тебе же, отче Амвросие,
благодать почи отец Льва и Макария. Сего ради ты богоблаженне отче
любовь в себе стяжал еси, совершение добродетелей: всем бо вся был еси,
и убогим прибежище.

Преподобне отче Иларионе, моли Бога о нас.

Отче Иларионе, уклонився от мира, и вся яже в нем оставль и уметы
вменив, старцем прилепися, Леониду с Макарием, власть от Христа прият
бесы прогоняти.

Преподобне отче Нектарие, моли Бога о нас.

Славе вечней причастник бысть Нектарий, уклонився житейския славы: всяк
бо смиряяй себе вознесется.

Преподобне отче исповедниче Сергие, моли Бога о нас.

Сергие богомудре отче наш,/ ты безропотно притерпел еси узы за Христа,
благословляя гонители своя,/ поучал еси ближния боятися паче/ могущего и
дущу и тело погубити в геене огненней,/ и призывал еси всякого немолчно
пети:// благословен еси, Боже отец наших.

Вси святии земли Воронежския, молите Бога о нас:

Яже паче ума светлостию, насыщаеми святии/ божественнаго веселия, и
радости исполняющеся,/ бози бываете, к Богу приближением,/ богодетельным
светом обогащающеся/ и просвещаетеся лучами неизреченныя, славы,/ Христа
превозносяще во веки.

Вси святии земли Воронежския, молите Бога о нас

Явишася, святии яко звезды многосветлыя,/ церковное небо уясняюще
многоразличными даровании и многообразными добротами,/ в правде,
целомудрии, мужестве, и разуме, взывая:/ Владыку священницы воспойте,
людие превозносите во вся веки.

Троичен: О Троице Честная, прими,/ яже приносит Ти земля Ворнежская,/
яко начатки и яко фимиам избранный,/ вся угодившия Ти и прежде, и
послежде, знаемыя и незнаемыя,/ и молитвами их от всякаго вреда страну
Русскую сохрани.

Богородичен: Напaстей Ты прилоги отгоняеши/ и страстей находы, Дево:/
темже Тя поем во вся веки.

Песнь 9

Ирмос: Воистину Богородицу...

Святый блаженный отче наш Иоанне, моли Бога о нас

'®

сем сердцем отче наш Иоанне, троице усердно предложився, и от нея
лучи благодетельно прием, световиден был еси, и со ангелы ликуеши.

Святый мучениче Льве, моли Бога о нас.

Приидите сошедшеся вернии, преблаженнаго и священнаго мученка Христова,
Льва, священное торжество совершим днесь: страдальчески бо вся вражия
множества божественною силою победил есть.

Преподобная мати Дарие, моли Бога о нас.

Возжелела еси доброту мысленную Жениха, и чисто возлюбила еси Его, где
почиваеши; где ли пасеши; тепле вопияла еси блаженная мати Дарие: да
почию у тебе, и в твоих светлостех наслаждуся, величающи твою благость.

Преподобная мати Серафимо, моли Бога о нас.

Разум имела еси в твоей души, и смирение, и божественную кротость, веру
несумненну, и надежду и любовь, юже к Богу: всенощными молитвами
приближающися ему, и тамо сущими светлостьми блаженная, Серафимо,
озаряема и просвещаема.

Святый праведный воине Феодоре, моли Бога о нас.

О, воине Феодоре! Ты днесь Престолу Божию предстоиши и Славу Его
откровенным лицем созерцаеши и тайны сокровенные и страшные Дня Судного
разумеваеши.

Святый праведный воине Феодоре, моли Бога о нас.

О, воине Феодоре! Помози нам молитвами своими и укрепи на брань супротив
зверя, из моря исходяща, силу змея древняго имуща и престол сатаны
содержаща и область велию, да не поклонимся ему, ниже послужим.

Вси святии земли Воронежския, молите Бога о нас:

Вси в песнех духовных воспоим согласно/ во благочестии просиявшия
Божественныя отцы наша,/ яже изнесе земля Воронежская/ и яже Церковь
Русская воспита.

Вси святии земли Воронежския, молите Бога о нас:

Огнем испытаний искусившеся,/ и сластьми не прельстившеся/ радуетеся
честнии,/ престолу Владычню световидному предстояще,/ славнии собори
святых на небесех.

Вси святии земли Воронежския, молите Бога о нас:

О велиции сродницы наша,/ Небеснаго Сиона достигши/ и велию славу от
Бога приимшии,/ утешение нам, в скорби сущим, испросите,/ страну нашу в
благочестии утвердите/ и люди расточенныя соберите,/ от нас, яко дар,
песнь благодарения приемлюще.

Богородичен: На месте озлобления немощи смирившагося, Дево, исцели,/ из
нездрaвия во здрaвие претворяющи.

Светилен:

Подобен: Небо звездами:

В песнех восхвалим светила незаходимая земли Ворнежския, таинники
Божественного Слова, Христа славяще, сих просветившаго и возлюбившаго, и
помощники нам давшаго в скорби. Дважды

Слава, и ныне, Богородичен:

О Дево Благодатная, грады и веси наша честнаго лика Твоего изображении,
яко благоволения знамении, обогатившая, благодарение наше приими и от
бед лютых отечество наше избави, ведуще бо Тя, яко Покров всемощный
страны нашея, величаем.

На хвалитех стихиры святых на 4, глас 4:

Дал еси знамение боящимся Тебе, Господи,/ Крест Твой честный,/ имже тии,
посрамивше начала тьмы и власти,/ на земли Воронежстей православие
утвердиша./ Темже Твое человеколюбное смотрение славим,/ Иисусе
всесильне,// Спасе душ наших. Дважды

Глас 5.

Приидите, Небеснии предстателие наши к нам,/ вашего требующим
милостивнаго посещения,/ и избавите озлобленныя мучительскими прещении/
лютаго неистовства неверных,/ от нихже, яко пленницы и нази, гонимы
есмы,/ от места на место часто преходяще и заблуждающе в вертепех и
горах./ Ущедрите убо, прехвальнии, и даруйте нам ослабу,/ утолите бурю и
угасите еже на ны негодование,/ Бога моляще,// подающего вами земли
нашей велию милость.

Глас 6.

Все отложивше житейское томление/ и сладость текущую презревше,/ крест
взясте, яко иго Божественное,/ и Христу последовасте, и к Небесному
покою чудно вселистеся./ О друзи Христови, сосуди честнии,/ святии вси,
в Воронежской земле просиявшии,/ приидите посреде нас невидимо,/
предначинающе торжество и пение/ и сподобляюще даров невещественных//
ваш праздник совершающих светолепно.

Слава, глас 5:

Радуйтеся, земли воронежския украшение,/ Церкве нашея непоколебимое
утверждение,/ славо православных, чудес источницы,/ любве струи
неистощимыя,/ светильницы многосветлии, Духа Святаго органи,/ кротцыи и
незлобивии, добродетельми украшеннии,/ человецы небеснии, земнии
ангели,/ Христа друзи искреннии!/ Того прилежно молите// подати вас
чтущим велию милость.

И ныне, Богородичен, глас тойже:

Присно земля воронежская о Тебе хвалится и веселится,/ имущи Тя
заступницу непостыдную/ и стену нерушимую,/ не оскудей и ныне,
Владычице,// избавляти Твоя люди от всех бед.

Славословие великое.

По трисвятом, тропарь святых, глас 6:

Под покровом Пресвятыя Богородицы,/ ниспосланнии нам духовнии стражи: /
вси воронежстии святии, / приснии наши со святыми Митрофаном, Тихоном и
Антонием заступницы: / новомученицы и исповедницы Христовы, /
преподобнии боголюбцы и блаженный подвижницы, / в подвизех за Христа,
чудесех и страданиих/ землю Русскую от царствующих град до Азова
осиявшии, / Христа Бога молите о стране нашей Православней// и о всех
соборно вас почитающих.

Слава и ныне, Богородичен воскресный, глас тойже.

Ектении, и отпуст.

На Литургии

Блаженны святых, песнь 3-я – 4 (без ирмоса) и 6-я песнь – 4

Прокимен, глас 4: Дивен Бог во святых Своих,/ Бог Израилев. Стих: В
церквах благословите Бога, Господа от источник Израилевых.

Апостол ко Евреям зач., 330 Аллилуиа, глас 4: Терпя потерпех Господа и
внят ми, и услыша молитву мою. Стих: Многи скорби праведным, и от всех
их избавит я Господь.

Евангелие от Матфея, зач., 11. Причастен: Радуйтеся праведнии:

Молитва Воронежским святым.

О всеславнии богопроповедницы и угодницы Христови, святителие и
исповедницы, преподобнии и мученицы, иже в земли воронежстей просиявши,
и Церковь Христову прославльшии, десницею Всевышняго насаждении, и в
предивных селениих Отца Небесного ныне почивающии: пред иконою
всечестною вашею молящееся, соборную память всех святых края
воронежскаго и земель ему богопричтенных празднующее, со умилением
припадаем пред ликом вашим всесиятельным, и молим вы: милостию, юже
стяжали есте пред Господем, испросите нам у престола Живоначальныя
Троицы оставления грехов и богатыя милости. Да просветятся вси людие,
верно почитающии всесвятую память вашу, светом добродетельнаго и
всесмиреннаго жития, и сиянием подвигов и чудес ваших: да низпослет
Господь нам мир и благоденствие людем земли сея и всему Отечеству нашему
христианскому, да утверждается и процветает в нем православие. На
заступление Ваше уповающе мы святоотеческаго покрова просим, яко,
маловерных нас сущих, верою сквозе мрак века неверия осияваете, и яко
страстьми нас обуреваемых безстрастию Христову научаете. Темже навыкохом
к вам прибегати, скорым целителем и окормителем, и небесным стражем,
заступником и защитником в мори житейстем пребывающым: в вас бо, вси
святи наши благодетелие, богоразумию сподобляемся и заповедех Христовых
соблюдаемся. О велиции угодницы и святителие Божии: столпе веры и
первопрестольниче бооспасаемаго града Воронежа Митрофане: чудотворче
Задонский и златословесниче Тихоне: третие светило благодати земли
нашея, святителю Антоние, духовный собрате предивному саровскому старцу
Серафиму! Возмолитеся со всеми святыми собора угодников Христовых ко
Господу нашему Всемилостивому, да дарует всем верным чадом Его дух
братолюбия и кротости, миролюбия и смирения, во еже не преткнутися нам
грешным о соблазны диаволи, ниже преступити словес Евангельских, и темже
да сподобит нас покаяния всесмиреннаго, ни да отступит от нас
недостойных милостию Своею, во еже и нам востати во время подобно
одесную престола Вседержителева, идеже и вы, всеблазии заступницы наши,
предстоите, и вкупе со ангельскими силами воспеваете Животворящую
Троицу, в Нейже Отца, и Сына, и Святаго Духа ныне, и присно, и во веки
веков: Аминь.

Собор Воронежских святых местное празднование установлен в феврале 2002
года на Епархиальном собрании Воронежско-Липецкой епархии. Общецерковное
празднование установлено по благословению Святейшего Патриарха Алексия
II 3 сентября 2002 года. Служба Собору Воронежских святых, одобрена
Высокопреосвященнейшим Сергием, митрополитом Воронежским и
Борисоглебским в сентябре 2004 года. Список святых входящих в собор дан
по состоянию на 16 мая 2007 года.

Святители:

Митрофан еп. Воронежский, свт., (в миру Михаил, в схиме Макарий): †
1703; Ав. 7 (обретение мощей); С. 4 (второе обретение мощей); Н. 23 ?
Влад., Иван., Костр. ? Ил. 19 (Собор трех святителей Димитрия
Ростовского, Митрофана Воронежского и Тихона Задонского); Епархиальные
празднования, установленные свт. Антонием (Смирницким), архиеп.
Воронежским – Ин. 4 (тезоименитство), Д. 11 (первое обретение мощей),
Ап. 2 (архиерейская хиротония)

Тихон, еп. Воронежского, Задонский чудотворец, свт., (в миру Тимофей
Соколовский или Соколов): †1783; Авг. 13 ? Твер. ? М.14 (первое
обретение мощей) – празднование в Задонском Рождество-Богородицком
мужском монастыре

Антоний, архиеп., Воронежский и Задонский, чудотворец, свт., (в миру
Авраамий Смирницкий): †1847; ? Д. 20; М. 10 (прославление)

Алексий митр. Московский и всея Руси, чудотворец, свт., (в миру Бяконт
Елевферий): †1378; Ф.12; М. 20 (обретение мощей) ? Влад., Свт.5, Моск

Агафангел митр. Ярославский, исп., свт., (в миру Александр
Преображенский): †1928; Окт. 3 ? Новомуч., Рост., Эст.

Иннокентий, архиеп. Херсонский, свт., (в миру Иоанн Борисов): †1857; М.
25; Ил. 5 (обретение мощей) ? Крым.

Иустин, еп. Уфимский, свт., (в миру Михаил Полянский):†1903; С. 26 ?
Крым.

Василий еп. Кинешемский, исп., (в миру Вениамин Преображенский): †1945;
Ил. 31; Окт. 5 (обретение мощей)? Иван., Костр., Новомуч., Ростов.

Лука, архиеп. Симферопольский, свт., исп., (в миру Валентин
Войно-Ясенецкий): †1961; М. 29; Мр. 7 (перенесение мощей) ? Новомуч.,
Ростов. ? Крым., Ил. 19 (Собор Курских святых)

Феофан Затворник, еп. Вышенский, свт., (в миру Георгий Говоров): †1894;
Ян. 10, Ин. 16 (перенесение мощей) ? Петерб., Ряз., Тамб

Священномученики епископы:

Тихон, архиеп. Воронежский, сщмч., (в миру Василий Никоноров): †1919; Д.
27 ? Новомуч.

Петр, архиеп. Воронежский, сщмч., (в миру Василий Зверев):†1929; Ян. 25;
Ин. 4 (обретение мощей) ? Новомуч. ? Авг. 10 (собор новомучеников и
исповедников Соловецких)

Захария, архиеп. Воронежский, сщмч. (в миру Захария Лобов): †1937; С. 9
? Новомуч. ? Авг. 10 (собор новомучеников и исповедников Соловецких),
Воскресенье после С. 3 (Собор новомучеников и исповедников
Казахстанских)

Петр, митр. Крутицкий, Местоблюс-титель Патриаршего престола, сщмч. (в
миру Петр Полянский): †1937; С. 27 ? Моск., Новомуч.

Сергий, архиеп. Елецкий, Мелито-польский, сщмч. (в миру Александр
Зверев: †1937; Н.1 ? Новомуч. ? Воскресенье после С. 3 (Собор
новомучеников и исповедников Казахстанских)

Уар, еп. Липецкий, сщмч. (в миру Петр Шмарин): †1938; С. 10 ? Новомуч. ?
Воскресенье после С. 3 (Собор новомучеников и исповедников
Казахстанских)

Борис, еп. Ивановский, сщмч. (Воскобойников): †1937; Н. 23 ? Иван.,
Новомуч.

Василий, еп. Прилукский, сщмч. (в миру Василий Зеленцов):†1930; Ян. 25?
Новомуч., Петерб., Ряз.

Игнатий, еп. Скопинский, сщмч. (Садковский): †1938; Ян. 28 ? Новомуч.,
Ряз.

Иоанн, еп. Великолукский, сщмч. (в миру Иоанн Троянский): †1938; Авг. 22
? Новомуч.

Иона, еп. Велижский, сщмч. (в миру Иоанн Лазарев): †1937; Окт. 8 ?
Новомуч., Новомуч. Бут.

Митрофан, архиеп. Астраханский, сщмч. (в миру Иоанн
Краснопольский):†1919; Ин. 23 ? Белорус., Новомуч.

Онуфрий, архиеп Курский, сщмч. (в миру Антоний Гагалюк): 1938; М. 19 ?
Новомуч. ? Ил. 19 (Собор Курских святых)

Священномученики пресвитеры:

Александр Архангельский, прот., сщмч.: †1930; Ил.20 ? Новомуч.

Александр Вислянский, иерей, сщмч.:†1930; Ф. 21 ? Новомуч

Александр Лебедев, иерей, сщмч.: †1937; Окт. 22 ? Новомуч.

Александр Орлов, иерей, сщмч.: †1937; Окт. 20 ? Новомуч. ? Воскресенье
после С. 3 (Собор новомучеников и исповедников Казахстанских)

Алексий Зиновьев, иерей, сщмч.: †1937; С. 3 ? Новомуч., Новомуч. Бут.

Василий Крымкин, иерей, сщмч.: †1942; С. 21 ? Новомуч.

Василий Максимов, прот., сщмч.: †1937; С.10 ? Новомуч., Новомуч. Бут.

Георгий Никитин, иерей , сщмч.: †1930; Ил. 20 ? Новомуч., Петерб.

Даниил Алферов, иерей, сщмч.:†1930; Ф. 21 ? Новомуч

Иоанн Алешковский, иерей, сщмч.: †1938; Ф. 4 ? Новомуч., Новомуч. Бут.

Иоанн Кочуров, Царскосельский, прот. сщмч.: †1917; Окт. 31 ? Новомуч.,
Петерб., Ряз., Эст.

Иоанн Стеблин-Каменский, иерей, сщмч.: †1930; Ил. 20 ? Новомуч.,
Петерб. ? Авг. 10 (собор новомучеников и исповедников Соловецких)

Николай Садовский, иерей, сщмч.: 1938; М. 19 ? Новомуч.

Павел Попов, иерей сщмч.: 1938; М. 19 ? Новомуч.

Сергий Гортинский, иерей, сщмч.: †1930; Ил.20 ? Новомуч.

Сергий Кротков, прот., сщмч.: †1938; Ин. 18 ? Новомуч., Новомуч. Бут.,
Ряз.

Тихон Архангельский, иерей, сщмч.: †1937; Окт. 4 ? Новомуч.

Феодор Яковлев, иерей, сщмч.: †1930; Ил.20 ? Новомуч.

Феодосий Болдырев, иерей, сщмч.: † 1937; Д. ? Новомуч.

Преподобные отцы:

Амвросий Оптинский, иеросхим., прп. (в миру Александр Гренков): †1891;
Ин. 27 (обретение мощей), Окт. 10 ? Оптин., Тамб.

Антоний, Муромский, Ардатовский, прп. (Грошевник): † 1861; Ав. 15

Георгий, исп., архим., прп. (в миру Герасим Лавров),: †1932; Ин. 21; С.
28 (обретение мощей) ? Новомуч.

Игнатий, исп., архим., прп. (в миру Иоанн Бирюков),: †1932; С. 15 ?
Новомуч.

Иларион Затворник, Троекуровский (Тамбовский), прп. (Фокин):†1853; Н.
5; Ин. 30 (обретение мощей) ? Ряз., Тамб.

Иларион Оптинский, иеросхим., прп. (в миру Родион Пономарев):†1873; С.
18 ? Оптин.

Нектарий Оптинский, иеросхим., прп. (в миру Николай Тихонов): †1928;
Ап. 29; Ил. 3 (обретение мощей) ? Оптин.

Севастиан (Фомин) Карагандинский, прп., архм., исп: †1966; Ап. 6?
Новомуч.

Сергий исп., архим., прп., (в миру Митрофан Сребрянский): †1948; Мр. 23;
Н. 28 (обретение мощей) ? Новомуч. ? Твер.

Силуан Афонский, прп. (в миру Симеон Антонов): †1938; С. 11 ? Тамб. ?
Афон.

Преподобные матери

Дария Сезеновская (Лебедянская), старица, прп. (Кутукова): †1858; Ил.
28? Тамб

Серафима Сезеновская, игумения, прп. (в миру Евфимия Моргачева): †1789;
С. 14 ? Ряз, Тамб.

Преподобномученики:

Алексий, инока, прмч. (Гаврин): †1937; Н. 27 ? Новомуч., Новомуч. Бут.

Амвросий, архим., прмч. (Астахов): †1937; Окт. 8 ? Новомуч., Новомуч.
Бут.

Георгий, иером., прмч. (Пожаров): †1930; Ил. 20 ? Новомуч.

Евтихий, игумен, прмч. (в миру Евфимий Качур): †1937; Н. 20 ?
Новомуч., Новомуч. Бут.

Иннокентий, архим., прмч. (Беда): †1928; Д. 24 ? Новомуч. ? Авг. 10
(собор новомучеников и исповедников Соловецких)

Косма, иером., прмч. (Вязников): †1930; Ил.20 ? Новомуч.

Тихон, архим, прмч. (в миру Тимофей Кречков): †1930; Ил. 20 ? Новомуч.

Феодор, иером., прмч. (в миру Олег Богоявленский): †1943; Ил. 6 ?
Новомуч.

Преподобномученицы:

Наталья, послушница, прмц. (Ульянова): †1938; Мр. 9 ? Новомуч., Новомуч.
Бут.

Пелагия, инокиня, прмц. (Жидко):†1944; Ин. 13 ? Новомуч. ? Воскресенье
после С. 3 (Собор новомучеников и исповедников Казахстанских)

Мученики:

Григорий Богоявленский, мч.: 1938; М. 19 ? Новомуч.

Евфимий Гребенщигков, мч.: †1930; Ил. 20 ? Новомуч.

Петр Вязников , мч.: †1930; Ил. 20 ? Новомуч.

Мученицы:

Александра Смолякова, мц.:†1942 ? Новомуч. ? Воскресенье после С. 3
(Собор новомучеников и исповедников Казахстанских)

Анна Боровская, мц.: †1942; Д. 29 ? Новомуч. ? Воскресенье после С. 3
(Собор новомучеников и исповедников Казахстанских)

Ефросинья Денисова, мц. :†1942; Д. 29? Новомуч. ? Воскресенье после С. 3
(Собор новомучеников и исповедников Казахстанских)

Наталья Силуянова, мц. :†1942; Д. 29? Новомуч. ? Воскресенье после С. 3
(Собор новомучеников и исповедников Казахстанских)

Праведные:

Сергий, прот., исп., прав. Правдолюбов: † 1950; Д. 5; С. 21 (обретение
мощей) ? Новомуч., Ряз

Феодор Санаксарский (Ушаков), воин, прав.: †1817; Ил. 23, Окт. ? Ростов.

Хиония исп., прав., Архангельская.: †1945; Окт. 4 ? Новомуч.

Юродивые:

Иоанн Сезеновский (Тамбовский), Христа ради юродивый, прп. (Быков):
†1839; Д. 14 ? Тамб.

Подобает ведати. Аще случится первый день месяца септемвриа в неделю,
оставляется служба святых жен и преподобнаго симеона, и поется егда
екклисиарх разсудит. Поется же воскресная служба со возследованием
индикта, и собора Воронежских святых, сице:

На Малей Вечерни, стихиры воскресные, и Богородицы по обычаю.

Тропарь воскресный: Слава, и ныне, богородичен.

На Велицей Вечерни, по обычном псалме, кафисма 1-ая вся.

На Господи воззвах, стихиры воскресные 3: и индикта 3: и собора 4.
Слава, собора: И ныне: богородичен 1-й гласа, сиречь догматик.

Вход. Прокимен дне: и чтение индикта - 3, и собора - 3.

На литии стихиры храма. Таже индикта: Слава, собора: И ныне, индикта.

На стиховне стихиры воскресные, по алфавиту.

Слава, собора: И ныне, индикта.

На благословении хлебов, Тропарь, Богородице Дево: дважды, и собора,
единожды.

На Утрени,

на Бог господь, тропарь воскресный дважды: Слава, собора: И ныне,
индикта.

По кафисмах седальны воскресный, и богородичны их: и чтение.

Полиелей, величание собора, Ангельский собор и ипакои гласа: седальны
собора вси по единожды. Слава, собора. И ныне, индикта, и чтение:

Степенны. и прокимен гласа, и Всякое дыхание: евангелие воскресное.
Воскресение христово: псалом 50. Стихира воскресная.

Канон воскресеный, со ирмосом на 4: и индикта на 4: и собора на 6.

Катавасиа: Крест начертав:

По 3- й песни, кондак и икос индикта, кондак собора: и седален собора,
дважды. Слава, и ныне, индикта, и чтение.

По 6-й песни кондак и икос воскресный.

На 9-й песни поем Честнейшую.

Светилен воскресный: Слава, собора: И ныне, индикта.

На хвалитех стихиры воскресный 3: и индикта самогласны 3: и собора 3, с
припевы его: 1-й, Господи, Господь наш, яко чудно Имя: 2-й, Святым, иже
суть на земли Его: Слава, собора: И ныне, Преблагословенна еси:

Славословие великое: Тропарь воскресный точию. ектении: и отпуст. И час
1-й.

На 1-м часе стихира евангельская. Тропарь воскресный: Слава, индикта: И
ныне, богородичен часов. По трисвятом кондак воскресный, и прочая: и
совершенный отпуст. На 3-м часе, Тропарь воскресный: Слава, собора: И
ныне, богородичен часов: По трисвятом кондак собора, и индикта, и
воскресный глаголем пременяюще.

На Литургии. Блаженны воскресные на 4: и индикта песнь 3, на 4: И собора
песнь 6, на 4.

По входе тропарь воскресный, и индикта, и собора святых. Кондак
воскресный: Слава, собора: И ныне, индикта.

Прокимен индикта, и собора. Апостол индикта, и ряд под зачало. Таже
собора святых. Аллилуиа, и евангелие, прежде индикта, и ряд под зачало.
Таже собора святых. Причастен индикта, и собора.

Аще случится предпразднство рождества Пресвятыя Богородицы в неделю, то
поем еще собору Воронежских святых.

В субботу на Малей Вечерни, стихиры воскресные, и Богородицы по обычаю.

Тропарь воскресный: Слава, и ныне, богородичен его.

На Велицей Вечерни, по 1-ой кафисме.

на Господи воззвах, стихиры воскресные 3: предпразднства: 3, и собора 3:

Слава, предпразднства: И ныне, богородичен настоящаго гласа, сиречь
догматик.

На литии стихира храма, таже собора. Слава, собора: И ныне,
предпразднства: писан на Утрени на стиховне.

На стиховне, стихиры воскресные. Слава, собора: И ныне, предпразднства.

На благословении хлебов тропарь: Богородице Дево: дважды, и
предпразднства единожды.

На Утрени, на Бог господь: тропарь воскресный дважды. Слава, собора: И
ныне, предпразднства.

По кафисмах седальны воскресные, и богородичны их: И чтение во евангелии
толковом: неделя пред воздвижением.

Посем полиелей, величание собора, Ангельский собор: Ипакои: седальны
собора вси по единожды. Слава, собора. И ныне, предпразднства, и чтение:

Степенны, и прокимен гласа: Всякое дыхание: и евангелие воскресное: и
Воскресение Христово:

Таже канон воскресный, со ирмосом на 4: и предпразднства на 4: и собора
на 6.

Катавасиа, крест начертав:

По 3-й песни, кондак и икос предпразднства, и кондак собора. Слава,
седален собора: И ныне, предпразднства.

По 6-й песни, кондак и икос воскресн. И чтем пролог.

На 9-й песни, поем Честнейшую:

Светилен воскресный: Слава, собора: И ныне предпразднства.

На хвалитех стихиры воскресны 4, и собора со славником 4, с припевы его:
1-й, Господи, Господь наш, яко чудно Имя: 2-й, Святым, иже суть на земли
Его:

Слава, собора: И ныне, Преблагословенна еси:

Славословие великое: Тропарь воскресный точию. Ектении: и отпуст: и
оглашение. И обычное исхождение в притвор: И час 1-й.

На 1-м часе стихира евангельская. На 1-м часе тропарь воскресный: Слава,
предпразднства: И ныне, богородичен часов. По Отче наш: кондак
предпразднства: И конечный отпуст.

На 3-м часе тропарь воскресный: Слава, собора: И ныне, богородичен
часов. По Отче наш, кондак воскресн. Такожде и на прочих часех, глаголем
воскресный тропарь прежде: а предпразднства и собора, пременяюще.
Кондаки же воскресный, предпразднства и собора, глаголем пременяюще.

На Литургии блаженна октоиха на 4, и с троичным и предпразднства песнь
3, на 4, и собора песнь 6, на 4.

По входе тропарь воскресный, и предпразднства: и собора. Кондак
воскресный: Слава, собора: И ныне, предпразднства.

Прокимен, апостол, Аллилуиа и евангелие, прежде недели пред
воздвижением: И ряд недели под зачало: таже собора. Прокимен же гласа
оставляется.

Причастен: Хвалите Господа: и собора: Радуйтеся праведнии:

См: Неделя пред воздвижением. На Утрени чтем в толковании евангелиа от
Иоанна: и дне ряд. На Литургии, прокимен, глас 6: спаси Господи люди
твоя: Стих: К тебе Господи воззову: Апостол к галатом, зачало 215:
Братие, видите колицеми книгами: Аллилуиа, глас 1: Вознесох избраннаго:
евангелие Иоанна, зачало 9: Рече господь: никтоже взыде на небо: Таже
ряд. Причастен дне.

Аще случится попразднство рождества Пресвятыя Богородицы в неделю со
службою собору Воронежских святых.

В субботу на Малой Вечерни, стихиры воскресные, и Богородицы по обычаю.

Тропарь воскресный: Слава, и ныне, богородичен его.

На Великой Вечерни, по 1-ой кафисме.

на Господи воззвах, стихиры воскресные 3: И праздника того дне на ряду,
3, и собора 4.

Слава, собора: И ныне, богородичен первый, гласа , сиречь догматик.

Вход. Прокимен дне: и ектении.

На литии стихиры праздника: стиховна вечерняя того дне: и собора. Слава
собора: И ныне, праздника.

На стиховне стихиры воскресные: Слава, собора. И ныне, праздника.

На благословении хлебов, тропарь: Богородице Дево радуйся: дважды, и
Праздника единожды. И чтение во апостольских посланиих.

На Утрени, на Бог господь: тропарь воскресн дважды: Слава святаго: И
ныне, праздника.

По кафисмах седальны воскресные, с богородичны их: и чтение во евангелии
толковом, неделя пред воздвижением.

Посем полиелей, величание собора, Ангельский собор: Ипакои: седальны
собора вси по единожды. Слава, собора. И ныне, праздника и чтение.

Степенна, и прокимен гласа. Евангелие воскресное. воскресение христово:
и псалом 50, и прочее воскресное.

Канон воскресный, со ирмосом на 4: и праздника на 4: и собора на 6.

Катавасия, крест начертав:

По 3-й песни, кондак и икос праздника, кондак собора, и седален собора.
Слава, и ныне, праздника.

По 6-й песни, кондак и икос воскресные.

На 9-й песни поем, Честнейшую:

Ексапостиларий воскресный, Слава, собора: И ныне, праздника.

На хвалитех стихиры воскресные 4, и собора со славником 4, с припевы
его: 1-й, Господи, Господь наш, яко чудно Имя: 2-й, Святым, иже суть на
земли Его:

Слава, собора: И ныне, Преблагословенна еси:

Славословие великое: Тропарь воскресный точию. Ектении: и отпуст: И час
1-й.

На 1-м часе стихира евангельская. На 1-м часе тропарь воскресн: Слава,
праздника: И ныне, богородичен часов. По Отче наш, кондак праздника, и
конечный отпуст.

На 3-м часе тропарь воскресный: Слава, собора. По трисвятом, кондак
праздника, воскресный и собора глаголем пременяюще.

На Литургии, блаженна гласа на 4, и праздника от канона песнь рядовая,
на 4 и собора песнь 6-я на 4.

По входе тропарь воскресный, и праздника, и собора. Таже кондак
воскресный. Слава, собора. И ныне, праздника.

Прокимен, апостол, Аллилуиа, и евангелие, прежде недели пред
воздвижением: рядовые же под зачало, потом собора.

Причастен: Хвалите Господа с небес: и собора.

Аще случится служба собору Воронежских святых в неделю кроме индикта,
предпразднства и попразднства Рождества Пресвятыя Богородицы.

В субботу на Малей Вечерни, стихиры воскресные, и Богородицы по обычаю.

Тропарь воскресный: Слава, и ныне, богородичен его.

На Велицей Вечерни, по 1-ой кафисме.

на Господи воззвах, стихиры воскресные 3: и собора 4, и святаго того дне
на ряду, 3.

Слава, собора: И ныне, богородичен первый, гласа, сиречь догматик..

Вход. Прокимен дне: и ектении.

На литии стихира храма: и собора. Слава собора: И ныне, богородичен
воскресный по гласу Славы.

На стиховне стихиры воскресный: Слава, собора. И ныне, богородичен
воскресный по гласу Славы.

На благословении хлебов, тропарь: Богородице Дево радуйся: дважды, и
Собора единожды.

На Утрени, на Бог господь: тропарь воскресный дважды: Слава святаго: И
ныне, богородичен воскресный по гласу Славы.

По кафисмах седальны воскресны, с богородичны их: и чтение.

Посем полиелей, величание собора, Ангельский собор: Ипакои: седальны
собора вси по единожды. Слава, собора. И ныне, богородичен и чтение:

Степенна, и прокимен гласа. Евангелие воскресное. воскресение христово:
и псалом 50, и прочее воскресное.

Канон воскресный, со ирмосом на 4: и Богородице на 2: и собора на 4: и
святаго на 4.

Катавасиа, Крест начертав:

По 3-й песни, кондак и икос собора, кондак святаго, и седален собора.
Слава: святаго. И ныне, праздника.

По 6-й песни, кондак и икос воскресный.

На 9-й песни поем, Честнейшую:

Светилен воскресный, Слава, собора: И ныне, богородичен.

На хвалитех стихиры воскресны 4, и собора со Славником 4, с припевы его.

Слава, собора: И ныне, Преблагословенна еси:

Славословие великое: Тропарь воскресный точию. Ектении: и отпуст: И час
1-й.

На 1-м часе стихира евангельская. На 1-м часе тропарь воскресный: Слава,
святаго: И ныне, богородичен часов. По Отче наш, кондак собора, и
конечный отпуст.

На 3-м часе тропарь воскресн: Слава, собора. По трисвятом, воскресный и
собора глаголем пременяюще.

На Литургии, блаженна гласа на 6, и собора песнь 6-я на 4.

По входе тропарь воскресный, и собора и святаго. Таже кондак воскресный,
кондак собора. Слава святаго. И ныне, праздника.

Причастен: Хвалите Господа с небес: и собора.

на первом месте указаны празднования, внесенные в официальный
общецерковный месяцеслов; после разделительных полос ? указаны соборные
памяти, вошедшие в официальный общецерковный месяцеслов, а так же
указаны местные празднования, и соборные памяти не внесенные в
официальный общецерковный календарь или представленные в нем не полно.

PAGE

PAGE 6