Чудеса святых Твоих мученик/ стену необориму нам даровавый, Христе Боже,/ тех молитвами советы языков разори,/ Церковь святую укрепи,// яко един Благ и Человеколюбец.

С высоты, мудрии,/ благодать приемше,/ сущим во искушениих/ предстоите, всехвальнии./ Темже отроковицу, святии,/ от смерти горькия избависте,/ вы бо воистинну есте// Едесу слава и миру радость.

Избраннии чудотворцы Христовы и святыя веры исповедницы, Гурие, Самоне и Авиве добронравнии, память вашу чтуще песньми похвальными, воспеваем яко христиан заступников, страждущих покровителей. Вы же, имуще дерзновение ко Господу, от всяких бед и напастей свободите нас, верою и любовию зовущих: Радуйтеся, Гурие, Самоне и Авиве, страстотерпцы Христовы и обидимых покровителие!

Ангелы во плоти Троице Святей равночисленнии, любовию к Богу горяще, идолы попрасте, веру

Христову укреписте, Троицу Святую прослависте, темже убо похваляюще подвиги ваша, глаголем вам сице:

Радуйтеся, светильницы благочестия.

Радуйтеся, обличители нечестия.

Радуйтеся, утверждение веры Христовой.

Радуйтеся, столпы Церкве Божия.

Радуйтеся, верных надеждо и заступление.

Радуйтеся, неверных страх и посрамление.

Радуйтеся, Гурие, Самоне и Авиве, страстотерпцы Христовы и обидимых покровителие!

Видя нечестие людей града Едессы, святии Гурий и Самон в пустыню удалишися, бегая князя мира сего и соблазнов его и усердно служаще Богу, день и ночь воспеваху: Аллилуйя.

Разум премудр имея, святии мученицы, выну трудишася во славу Божию, языческое нечестие, обличая, ищущия истины на путь правый наставляя и мнози неверныя к Богу Истинному привлекоша, сего ради глаголем вам сице:

Радуйтеся, насадители истиннаго богопочитания.

Радуйтеся, искоренители демонскаго служения.

Радуйтеся, тьмы нечестия обличители.

Радуйтеся, идольския прелести; низложители.

Радуйтеся, исповедницы Христовы изряднии.

Радуйтеся, светила веры православныя.

Радуйтеся, Гурие, Самоне и Авиве, страстотерпцы Христовы и обидимых покровителие!

Силою свыше осененнии святии мученицы, гонителей святыя веры не устрашишася, веления нечестиваго Антониана небрегоша и веру Христову велегласно прославиша, темже и в темницу ввержени пояху Богу: Аллилуйя.

Имея веру во Христа, адаманта твердейшую, и силою той вооружившийся, мужественно претерпели есте, святии мученицы, темничные узы и самую смерть, сего ради похваляюще таковое мужество, ублажаем вас сице:

Радуйтеся, истинныя веры исповедницы.

Радуйтеся, царствия Божия наследницы.

Радуйтеся, мучеников похвало.

Радуйтеся, страстотерпцев славо.

Радуйтеся, святыя Церкве утверждение.

Радуйтеся, всего рода христианскаго украшение.

Радуйтеся, Гурие, Самоне и Авиве, страстотерпцы Христовы и обидимых покровителие!

Бурею помышлений сумнительных одержимый, нечестивый царь Ликиний воздвиже жестокое гонение на христианы, ты же, страстотерпче Авиве, того не убоявся, с твердою верою взывал еси Христу Богу: Аллилуйя.

Слышав царь Ликиний твои подвиги, досточудный Авиве, и твое твердое веры исповедание, разъярися на тя злобою, повеле предати тя смерти лютей яко противника царева, ты же, уведев о сем, добровольно потекл еси на мучение, и с радостию претерпел еси огненное сожжение. Сего ради, дивящеся великому мужеству твоему, величаем тя сице:

Радуйся, поборниче веры во Христа неустрашимый.

Радуйся, воине Христов непобедимый.

Радуйся, повешенный на древе за Распростершаго руце Свои на древе крестнем.

Радуйся, строганный когтьми железными.

Радуйся, утешение подаваяй скорбящим.

Радуйся, скорый помощниче всем, за истину терпящим.

Радуйтеся, Гурие, Самоне и Авиве, страстотерпцы Христовы и обидимых покровителие!

Боготечным звездам на тверди небесней подобнии были есте, святии мученицы, лучами жития своего тьму языческаго нечестия просвещающий и многих на путь истины наставляющий. Темже благоговейно чтуще память вашу, благодарно поем Богу: Аллилуйя.

Видеша людие града Едессы многие чудеса, бываемыя от раки святых мучеников Гурия, Самона и Авива, зело радовахуся и Господа всем сердцем прославляху, мы же чтуще святую память вашу, святии мученицы, умильно взываем:

Радуйтеся, неправедно гонимых заступницы.

Радуйтеся, верных рабов Христовых друзи.

Радуйтеся, сущих во узах и темницах хранителие.

Радуйтеся, гонителей и обидящих вразумители.

Радуйтеся, плачущих утешители.

Радуйтеся, от наглыя и лютыя смерти избавители.

Радуйтеся, Гурие, Самоне и Авиве, страстотерпцы Христовы и обидимых покровителие!

С высоты, мудрии, благодать приемше, за сущих во искушениих предстоите, всехвальнии, темже отроковицу, святии, от смерти горькия избависте. Вы бо воистину есте граду Едессе слава и миру радость; сего ради воспеваем ко Господу: Аллилуйя.

Вражия работы избави нас, Иисусе Жизнодавче, Твоих страдалец молъбами умоляем, яко да не порабощенну стяжавше от страстей душу и тело, восхваляем тех скорейшую помощь, якоже и во гробе затворенную мужем скоро предваривше, от смерти избавиша; темже взываем вам сице:

Радуйтеся, невинную жену от лютыя смерти спасшии.

Радуйтеся, дивным спасением ея зверства мучителя победившии.

Радуйтеся, злаго мужа жестокое деяние обличивши.

Радуйтеся, и того веровати в силу Бога Христианскаго научившии.

Радуйтеся, податели милости тоя требующим.

Радуйтеся, стражи неусыпнии почитающих память вашу.

Радуйтеся, Гурие, Самоне и Авиве, страстотерпцы Христовы и обидимых покровителие!

Хотяй Человеколюбец Господь явити милость Свою людем Своим, сохрани телеса ваши нетленны, чудеса точащий, от нихже вси вернии токи исцелений получают, зовуще Богу: Аллилуйя.

Новых заступников и дивных чудотворцев ведуще, людие града Едессы святой храм в память вашу создаша, в немже и мощи ваша положиша, да вси страждущий помощь в них почерпают, мы же такожде тверду надежду на вас имуще, взываем вам сице:

Радуйтеся, душевных и телесных недугов наших целители.

Радуйтеся, бесов о имени Господнем изгонители.

Радуйтеся, Евангельския истины благодати благовестители.

Радуйтеся, Божественныя благодати носителие.

Радуйтеся, скорби многи за имя Господне приявшии.

Радуйтеся, дивно во святых Его просиявшии.

Радуйтеся, Гурие, Самоне и Авиве, страстотерпцы Христовы и обидимых покровителие!

Странно и страшно неверным слышати, каковы дивные дела от святых мощей ваших совершаются: недузи врачуются, страсти исцеляются, мы же, тверду надежду на вас имуще, Богу о вас тако благодеющему с верою взываем: Аллилуйя.

Всеми добродетельми исполненнии, за нихже и славою Божиею почтении, внимаете, святии мученицы, молитвам верных, чтущих святую память вашу, от нихже слышите сицевая:

Радуйтеся, нищии духом, яко ваше есть царствие небесное.

Радуйтеся, плачущии, яко утешистеся.

Радуйтеся, кротции, яко наследовасте землю.

Радуйтеся, алкавший и жаждавшии правды, яко насытистеся.

Радуйтеся, милостивии, яко стяжали есте помилование.

Радуйтеся, чистии сердцем, яко уже Бога узресте.

Радуйтеся, Гурие, Самоне и Авиве, страстотерпцы Христовы и обидимых покровителие!

Всякия напасти, находящия на град Едессу, разоряли есте, святи мученицы, темже и ныне не оставите нас, смиренных и грешных, но вся люди страны нашея в православии и единомыслии утвердите, да вси едиными усты и единым сердцем воскликнем прославившему вас Господу: Аллилуйя.

Витии многовещанныя яко рыбы безгласнии зрим о вас, святии |мученицы: недоумеют бо, како в пустыни духом витали есте и посреде человек неусыпными подвиги подвизастеся. Мы же радующеся, яко таковы имамы учители и молитвенники, прославляем вас, глаголюще:

Радуйтеся, кимвалы Слова Божия.

Радуйтеся, теплии о нас пред Богом ходатаи.

Радуйтеся, иудеев и еллинов просветители.

Радуйтеся, тридневнаго Воскресения Божества благовестители.

Радуйтеся, кротости и воздержания учители.

Радуйтеся, лжи и татьбы обличителие.

Радуйтеся, Гурие, Самоне и; Авиве, страстотерпцы Христовы и обидимых покровителие!

Спасти хотя люди града Едессы от мысленнаго волка, твердо увещали есте тех стояти во истинней вере, ниже козней вражиих устрашатися, но и в скорбех и напастех; за вся благодарити Бога, поюще; Ему: Аллилуйя.

Стена тверда и надежное прибежище есте, святии мученицы, всем, к вам прибегающим и скорыя помощи требующим, сего ради во умилении сердца нашего взываем:

Радуйтеся, всех скорбящих радование.

Радуйтеся, всех угнетенных и порабощенных прибежище и освобождение.

Радуйтеся, вдов и сирот заступление.

Радуйтеся, от ересей и расколов ограждение.

Радуйтеся, яко вси нечестйвии житию вашему удивляются.

Радуйтеся, яко вси благочестйвии о имени вашем веселятся.

Радуйтеся, Гурие, Самоне и Авиве, страстотерпцы Христовы и обидимых покровителие!

Пение благодарственное приносите ко Господу и о нас, теплии заступницы наши, молим вас присно не отступати от нас, грех наших ради, но милосердие от Господа всем испросити, вопиющим Ему: Аллилуйя.

Светозарную троицу святых мучеников восхваляюще, вернии, устранимся распрей и раздоров в жизни сей, убежим несогласий и разделений в вере Православней и храняще единение духа в союзе мира, из глубины души воскликнем тако:

Радуйтеся, громогласныя трубы евангельскаго благовестия.

Радуйтеся, сладкозвучныя гусли проповеди спасения.

Радуйтеся, крепции правды paчителие.

Радуйтеся, непоколебимии неправды истребители.

Радуйтеся, благочестивым ceмействам мира и блага податели.

Радуйтеся, жестоким и неверным супругом строгие наказатели.

Радуйтеся, Гурие, Самоне и Авиве, страстотерпцы Христовы и обидимых покровителие!

Благодать, данную вам от Бога, ведуще, память вашу празднуем, святые мученицы, с усердным молением к вашему честному образу притекающе, вашею твердою помощию, яко необоримою стеною ограждаемся, сего ради восхваляем вас, страстотерпцы Христовы, и усердно зовем Богу: Аллилуйя.

Поюще ваше дивное житие и мученическую кончину, молим вас, страстотерпцы Христовы Гурие, Самоне и Авиве, будите нам во всем благие помощницы, благословите нас миром и любовию, подайте нам твердую веру, чистоту жизни и страх Божий, да вси душевный покой имуще, в радости воскликнем:

Радуйтеся, яко имена ваша и между неверными прославляются.

Радуйтеся, покой и отрадо скорбящим.

Радуйтеся, страх и удивление обидящим.

Радуйтеся, невинную жену от лютыя смерти спасшии.

Радуйтеся, злаго мужа ея достойно покаравшии.

Радуйтеся, Гурие, Самоне и Авиве, страстотерпцы Христовы и обидимых покровителие!

О святии страстотерпцы Христовы Гурие, Самоне и Авиве, приимите сие наше хвалебное пение и, услышав усердное желание наше, избавите нас теплым своим к Богу предстательством, от всякаго зла, от вражды и несогласий и всяких лютых бед и болезней, да с любовию вас чтуще, выну зовем Богу: Аллилуия, Аллилуйя, Аллилуйя.

Этот кондак читается трижды, затем икос 1-й "Ангелы во плоти..." и кондак 1-й "Избраннии чудотворцы...")

О святии мученицы и исповедницы Христовы Гурие, Самоне и Авиве, теплии о нас ходатаи и молитвенницы пред Богом! Во умилении сердец наших, взирая на ваш пречистый образ, смиренно молим вас: услышите нас, грешных и недостойных рабов своих, сущих в бедах, скорбех и напастех, и, призрев наша тяжкая и бесчисленная прегрешения, явите нам; свою великую милость, воздвигните нас из глубины греховныя, просветите ум наш, смягчите злое и окаянное сердце, прекратите зависть, вражду и раздоры, в нас живущие, осените нас миром, любовию и страхом Божиим. Умолите милосерднаго Господа, да покрыет множество грехов наших неизреченным Своим милосердием, да соблюдет Церковь Свою святую от неверия, ересей и расколов, да подаст стране нашей мир, благоденствие, земли плодородие; супругам - любовь и согласие; чадам - послушание; обидимым - терпение; обидящим - страх Божий; скорбящим - благодушие; радующимся - воздержание. Всех же нас да покрыет Своею всесильною десницею и да избавит от глада, губительства, труса, потопа, огня, меча, нашествия иноплеменников, и междоусобныя брани, и напрасныя смерти. Да оградит нас ополчением святых Своих Ангелов, во еже избавитися нам по исходе нашем из жития сего от козней лукаваго и тайных воздушных мытарств его, и не осужденными предстати Престолу Господа Славы, идеже лицы святых Ангел со всеми святыми выну славят пресвятое и великолепое имя Отца и Сына, и Святаго Духа, ныне и присно и во веки веков. Аминь.

О преславнии мученицы Гурие, Самоне и Авиве! Защитите нас, раб Божиих (имена), от напастей злых человек и козней демонских; оградите нас от нечаянныя смерти, избавите от огня, меча и всякаго душепагубнаго обстояния. Ей, страстотерпцы Христовы, устройте нам молитвами вашими вся благая и полезная, да благочестно житие временное прешедше и кончину непостыдну стяжавше, удостоимся теплым заступлением вашим со всеми святыми одесную Правосуднаго Бога Судии стати и Того непрестанно славити, со Отцем и Святым Духом, во веки веков. Аминь.

О преславнии мученицы Гурие, Самоне и Авиве! К вам, яко скорым помощником и теплым молитвенникам, мы, немощнии и недостойнии, прибегаем, усердно моляще: не презрите ны, во многая беззакония впадшия и по вся дни и часы согрешающия; наставите на путь правый заблуждшия, исцелите страждущия и скорбящия; соблюдите ны в непорочнем и целомудреннем житии; и якоже древле, тако и ныне покровителие супружеств пребудите, в любве и единомыслии сия утверждающе и от всех злых и бедственных обстояний избавляюще. Защитите, о многомощнии исповедницы, вся православныя христианы от напастей, злых человек и козней демонских; оградите я от нечаянныя смерти, умоляюще Всеблагаго Господа, да великия и богатыя милости нам, смиренным рабом Своим, пробавит. Несмы бо достойни нечистыми устнами призывати великолепое имя Создателя нашего, аще не вы, святии мученицы, за ны ходатаи будете; сего ради к вам прибегаем и предстательства вашего пред Господем о нас просим. Такожде избавите нас от глада, потопа, огня, меча, нашествия иноплеменных, междоусобныя брани, смертоносныя язвы и всякаго душепагубнаго обстояния. Ей, страстотерпцы Христовы, устройте нам молитвами вашими вся благая и полезная, да благочестно житие временное прешедше и кончину непостыдну стяжавше, удостоимся теплым заступлением вашим со всеми святыми одесную Правосуднаго Бога Судии стати и Того непрестанно славити со Отцем и Святым Духом во веки веков. Аминь.

Во время гонений на христиан при императорах Диоклетиане (284-305) и Максимиане (305-311) вблизи города Едессы, находившегося в Македонии, жили в уединении два благочестивых и добродетельных мужа: Гурий и Самон. Воспитанные в самом городе, они не захотели жить там по причине суеты и беззаконий, господствовавших в нем. Они не только сами неуклонно работали Господу, но учили этому и других. Многих язычников святые обратили от безбожного идолопоклонства и привели к истинному богопочитанию.

Узнав об этом, едесский представитель римских царей, воевода Антонин, приказал схватить двоих друзей, а сними и всех, последовавших их учению. Антонин надеялся, отвратив от Христа Гурия и Самона, повлиять этим и на прочих христиан. Однако он ошибся. На предложение принести жертву богам святые ответили решительным отказом. За это они подверглись страшным мучениям: их били, подвешивали за руки, привязав к ногам тяжелый груз, бросили на несколько месяцев в крайне тесную темницу, куда не проникал ни свет, ни ветер. Мученики, все переносили с твердостью и молитвой. Ничего не добившись, мучеников отвезли за город и обезглавили. Христиане погребли их святые тела.

Через несколько лет последний император-язычник Ликиний (311-324) начал новое гонение на христиан. Тем самым он нарушил договор, заключенный с ним Императором Константином Великим, согласно которому Ликиний обещал Константину не притеснять христиан. В это время в Едессе жил со своей матерью один благочестивый диакон по имени Авив. Император Ликиний повелел схватить его за ревностное распространение истинной веры.

В то время, как воины по всему городу искали Авива, он, узнав об этом, вместо того, чтобы скрываться, выйдя из дома, сам отыскал их, не желая, чтобы при его розыске пострадали другие христиане. Воины хотели отпустить святого и сказать императору, что не смогли найти его, но Авив воспротивился этому. Тогда он был приведен пред правителя. Святой исповедал веру во Христа и был приговорен к сожжению. Мученик сам пошел в огонь и с молитвой предал дух свой Господу. Когда огонь погас, мать святого и родственники обрели тело его неповрежденным. Мученика похоронили рядом со святыми Гурием и Самоном. Пострадал он в тот же день, что и первые мученики, только через несколько лет.

Святые стали покровителями города Едессы. После их смерти совершались многочисленные чудеса с теми, кто с верой и любовью призывал их себе на помощь. Так, однажды один воин - готт, посланный на службу в Едессу, остановился в городе у некоей вдовы Софии, имевшей единственную горячо любимую дочь - Евфимию, Евфимия была прекрасна собой, отчего ее мать прятала ее во внутренних комнатах от взгляда недобрых людей. Однако готт, довольно долгое время оставаясь в доме вдовы, увидал однажды красоту Евфимии и стал настойчиво просить Софию выдать дочь за него замуж. Мать не хотела отдавать ее в чужую страну, но готт, то ласками, то уговорами не переставал надоедать ей. И вот он поклялся ее матери Софии у гробницы мучеников Гурия, Самона и Авива, что не сделает супруге никакого зла, никогда не оскорбит ее, но будет любить и почитать. И мать отдала ее наконец замуж.

По окончании службы в Едессе готт взял Евфимию с собой и возвратился на родину. Оказалось, что он обманул ее: на родине у него была жена. Евфимия стала его рабыней. Много издевательств и унижений пришлось претерпеть Евфимии. Когда у нее родился ребенок, то ревнивая готчанка отравила его. Евфимия обратилась с молитвой к святым мученикам - свидетелям клятвы обманщика, и Господь избавил ее от страданий и чудодейственно перенес в Едессу, где она встретилась с матерью. Через некоторое время клятвопреступника вновь послали на службу в Едессу. Весь город узнал о его злодеянии, обличенном Софией, и по приказу правителя готт был казнен.