ВОСКОВЫЕ СВЕЧИ
МОЛИТВА
на освящение приносимых в церковь для употребления в ней свечей, масла, ладана и вина,
примененная по 43-й главе Большого Требника

 (Молитвы читает священник) 

Владыко Господи Боже наш, Твоя от Твоих приносити Тебе по предложению комуждо повелевый, и вечных Твоих благ воздаяние сим даруяй; иже вдовы по силе приношение благоугодно приемый, приими и ныне принесенная от рабов Твоих свечи, елей, ладан и вино в жертву Тебе благоприятную, в честь и славу Твою и святых Твоих, во очищение грехов наших, во исцеление немощей и избавление от скорбей душевных и телесных, и сего ради Сам Ты, Всесвятый, благослови сия и освяти и в вечных Твоих сокровищах возложитися сим сподоби даруя приносящим сия и мирских Твоих благ обильное восприятие, со всеми полезными. Яко Ты ecu благословляяй и освящаяй всяческая Христе Боже наш, и Тебе славу восзылаем со безначальным Твоим Отцем и Пресвятым и Благим и Животворящим Твоим Духом, ныне и присно и во веки веков аминь,

За сим окропление веществ св. водою и благословение рукою, с произношением:

Освящаются свечи сии, елей, ладан и вино, благодатию Пресвятаго Духа и окроплением воды сея священныя, во имя Отца и Сына и Св. Духа.