Избранный угодниче Христов, скорый предстателю и теплый о нас к Богу молитвенниче, священномучениче Власие, призывающих тя во всяких молениях услышати обещавый, яко имеяй дерзновение ко Господу, не престай моляся о чтущих святую память твою, хвалебная пения о тебе Богу приносящих и с любовию тебе зовущих:
Ангела хранителя пастве твоей даде тебя Господь и Бог наш: зряще во благочестии процветшее кроткое и безпорочное твое житие, людие севастийские потщашася, да будеши во епископа им поставлен. И воистину стадо Христово добре упасл еси. Мы же, видяще о тебе таковое Божие благоволение, взываем сице:
Видя на христиан гонение лютое от безбожного мучителя Диоклетиана яко многии благочестивии людие страха ради мук и темниц от града бежавше, в лесах и горах, в вертепах и пропастех земных скрывахуся. Ты, блаженне Власие, не имея воли Господни на подвиг мученический прежде времени себе вдаяти, таковым людям споследовал еси и в горе пустынней вселися, житие твое тамо в постничестве и безмолвии с молитвою непрестанною провождал еси, поя Богу: Аллилуия.
Разумев, яко человек образ Божий есть и к Первообразу должен себе управити, богомудре Власие, ум и сердце к небесным вперив, в богомыслии и благочестии преуспеваше, и тако сокровищем нетленным обогатися, темже ангела суща на земли тя почитаем, званиями ублажаем сими:
Силою Божиею влекомый, к Евстратию мученику, в темнице томимому, нощию пришел еси, святителю Христов Власие, и пад ниц, в дивном подвизе исповедания Христова его укреплял еси. Видя же его терпение твердое и мужество, прославил дивного во святых Своих Бога, поя Ему: Аллилуия.
Имамы тя сосуд благодати исполненный многих дарований Христовых. Яко звери лютии исцеление от тебе получают, мы же неоскудных милостей и чудес тобою от Господа сподобляемся, священномучениче Власие, исплетше венец похвалы, благодарно вопием ти:
Буря житейских гонений от злочестивого мучителя, юже воздвиже на тя, мучениче Христов Власие, во еже поколебати святую веру твою, ничемже возмогла есть смутити тя, егд посланнии приидоша к тебе, в пещере обитающу, безумное веление того исполнити. Ты же нерадив о муках и временней почести, волю же Господню узрев, страдальческим мужеством вооружился еси, в радости поя Богу: Аллилуия.
Слышавше, яко знамения многая и чудеса деются о имени прославляемого от тебе Христа Бога нашего, и яко мнози от еллин вероваша в Него, егда шествовал еси богоносе Власие на страдания твоя, жена некая приступльше паде ниц к ногама твоима, со слезами моляше тя помощи сыну ея, ибо кость ста в гортани его и бысть яко мертв. Ты же, добрый пастырю, с верою воззвал еси Спасителю всех, да исцелеет отрок ея, и тако моляся, просил еси Господа, аще от человек или скотов кая-либо беда имать кому бысть, и той помянет имя твое, помощи всякому, да прославится Имя Его Пресвятое. И виде жена, яко исцеле отрок ея, прослави Бога, хвалу тебе воздая. С нею же и мы усердно вопием ти:
Боготечную звезду, во мраце неверия, яко в нощи сияющую и просвещающую души всех, хотящих спастися, видев тя, Агриколай игемон, не восхоте разумети, на страдания за Христа предаде тя и палицами много и немилосердно бити повеле. Ты же, священномучениче Власие, ярость мучителя усрамляя, воспевал еси Богу: Аллилуия.
Видя мучитель непреложную веру твою за ню же муки всякия терпети готов был еси, страстотерпче Христов Власие, паче же смутися словесы твоими, зане рекл еси: Твори, еже хощеши, да никако отвратиши мене от исповедания Божия, - в темницу повеле всадити тя. Мы же дивяшесятаковому твердому твоея веры Христову исповедани, от всея души воспеваемти таковая:
Проповедует тя, блаженне Власие, Церковь Христова, яко истинна добра пастыря, по отшествии твоем в жизнь вечную не оставляющего верныя, но яко же обещался еси, во всяких прошениях присно нас предваряюща и соблюдающа во всяких скорбех, бедах и нуждах всех, благодарно зовущих о тебе Богу: Аллилуия.
Возсиял еси, блаженне Власие, яко финикс процветший в меру возраста совершения Христова, от Него же прием небесныя дарования, купно с лики святых во славе на небеси ныне пребываеши, и нас, молитвами твоими во дворы Господни вселитися готовиши, прилежно вопиющих ти таковая:
Хотяше почтити тя, страстотерпче Христов Власие, вдовица некая нища яство уготова, в темнице тебе принесе, и падши к ногама твоима, моляше, да бы ял еси. Ты же отче святый, благословив вдовицу, заповедал еси ей, глаголя: Жено, твори такожде память мою, и ничтоже оскудеет в дому твоем, и аще ин кто подобен ти будет и память мою сотворит, даров Божиих исполнится и благословен будет во вся дни живота своего. И виде жена послeди, яко благослови ю Бог довольством многим, поведаша всюду яже глаголал еси к ней, поющи Богу: Аллилуия.
Новыя муки, горшия первых, ища вселукавый мучитель. Егда из темницы паки на судище возва тя, славне мучениче, хотя испытати, принесеши ли жертву богам, или хощеши зле погибнути. Нечестия сия ты отринул еси и силою Божественную укрепился еси, темже ни биения, ни раны, ниже на древе повешание и строгание телесе твоего, ими же мучим был еси, никакоже возмогоша победити славное твое терпение. Ты же рекл еси мучителю: бози, иже небеси и земли не сотвориша, да погибнут. Не боюся твоих временных мук, ибо взираю на будущия благая, любящим Бога уготованная. Сего ради тебе, доблестному воину Христову, воспеваем таковая:
Странен и недомыслим образ страдания твоего мучителю показался еси, нечестивого бо того веления тебе небрегшу, подверже тя, священномучениче Власие, мучениям тяжким. Жены же седмь благочестивыя, страдания твоя видевше, не убояшася, но кровь Твою страдальческую с земли собираху, исповедницы Христовы себе являху, Богу же воспеваху: Аллилуия.
Всем сердцем и всею душею Христа возлюбил еси, к Нему же богомудрыя жены, яко пастырь добрый, твоим подвигом страдальческим привлекл еси, тем же, блаженне Власие, похваляюще страдания твоя, с любовию зовем тебе:
Всякия лести безбожно отвергше, тебе же, блаженне Власие, последовавша, жены богомудрыя, идольскую прелесть посрамити тщашеся, боги дати им игемона спросиша, яко бо жертвы жрети тем хотяху, и ко езеру устремишася. Воины, стрегущии их, мняху, яко прежде омовение по обычаю хотят совершити, оне же кумиры тыя во глубину езера ввергоша и тако боги их поругаша. Богу же Истинному воспеша: Аллилуия.
Витийство многовещанных пений, ими же достойно воспети тя дерзаем, не довлеют ти, прехвальне Власие. Ни кая бо земная похвала славе небесней равна быти может. Ты же, предстояй ныне во славе Христовой, призри на нас, тебе молящихся и с любовию зовущих:
Спасти хотя души своя, последствующия тебе жены, богоблаженне Власие, егда на место мучения приведени быша, молитву о них прияти от тебе Бога молиша, зане на путь истины привел еси их, темже убо на усечение мечем честныя главы своя предаша, и к мучеником христовым тако приобщишася, на небесех с лики святых поюще: Аллилуия.
Стена мучеником, слава христианом, столп и утверждение веры и благочестия был еси, священномучениче Власие. Буди и нам грешным, к тебе прибегающим, управитель изряден, веры хранитель, в скорбех и болезнех утешитель и целитель, в бедах и в напастех избавитель и покровитель и во всяких нуждах усердный пред предстатель сицевое пение тебе приносящим и с любовию зовущим:
Песнь хвалебную приносим ти, священномучениче Власие, о мужестве твоем и вере крепкой, юже явил еси, Христа исповедуя, егда виде мучитель твой, яко ни во что же вменяеши ни лести его лукавыя, ни мучения тяжкия ими же от Христа отвратити тебе желаше, вопроси тя: Аще во езеро ввергну тя, помилует ли тя Христос твой. Ему же, достохвальне отче, не обинуяся рекл еси: Аз чту Бога Истинного живаго и во веки спасен буду, и на водах узриши силу Бога моего. И егда во езеро ввержен был еси, назнаменовав воду крестом, яко по суху, шел еси, посем же кончину мученическую за Христа во главу усечен мечем, приял еси, хвалу Богу воспевая: Аллилуия.
Светодатель Христос Господь, видя душу твою, чистотою блещащуюся, не даде тебе быти под спудом, священномучениче Власие, но постави тя на свещниче архиерейства. Сего ради, не токмо в житии, но и по смерти светел светильник Христов показался еси, яко великий пастырь добре упасл еси паству твою, юже попеченьми своими и при кончине не оставил еси, не осебе точию, но о всем мире, наипаче же о тех, иже восхотят память твою сотворити, молитву усердную Богу принесл еси и блаженный глас Владыки Христа: Вся прошения твоя исполню, - услышати сподобился еси. Темже молися о нас ко Господу, да просветит нас светом Своего Богоразумия и избавит от церковных нестроений, ересей и расколов и благочестие утвердит в нас, поющих тебе таковая:
Благодать Божия, яже в тебе, священномучениче Власие, прежде усеченияглавы твоея, честное лице твое светом Христовым озари послежде от гроба твоего многоразличные исцеления источи, к похвалению тебе всех понуждая, Богу же научая пети : Аллилуия.
Поем твоя дивныя подвиги и страдания, священномучениче Власие, имиже память твою светло украсил еси. Темже, благодаряще Бога, дивнаго во святых своих, хвалебныя пения воспеваем тебе таковая:
О, многострадальный и всехвальный отче, священномучениче Власие, нынешнее наше приими приношение. Избави нас от всяких болезней душевных и телесных, защити нас от враг видимых и невидимых и от всякого мучения сохрани нас теплым твоим ходатайством пред престолом Всевышняго, да с тобою воспеваем Богу: Аллилуия. Аллилуия. Аллилуия. (трижды) |