Тропари двунадесятых праздников
Рождество Пресвятой Богородицы – 8(21) сентября
Тропарь, глас 4-й
Рождество Твое Богородице Дево, радость возвести всей вселенней: из Тебе
бо возсия Солнце правды Христос Бог наш, и разрушив клятву, даде
благословение, и упразднив смерть,дарова нам живот вечный.
Кондак, глас 4-й
Иоаким и Анна поношения безчадства, и Адам и Ева от тли смертныя
свободистася, Пречистая во святем Рождевстве Твоем. То празднуют и людие
Твои, вины прегрешений избавльшеся, внегда звати Ти: неплоды раждает
Богородицу и питательницу жизни нашея.
Введение во храм Пресвятой Богородицы – 21 ноября (4 декабря)
Тропарь, глас 4-й
Днесь благоволения Божия предображение и человеков спасение
проповедание, в храме Божии ясно Дева является и Христа всем
предвозвещает. Той и мы велегласно возопиим: радуйся смотрения
Зиждителева исполнение.
Кондак, глас 4-й
Пречитсый храм Спасов, многоценный чертог и Дева, священное сокровище
славы Божия, днесь вводится в дом Господень, благодать совводящи, яже в
Дусе Божественном, Юже воспевают Ангели Божии; Сия есть Селение
небесное.
Благовещение Пресвятой Богородицы – 25 марта (7апреля)
Тропарь, глас 4-й
Днесь спасения нашего главизна, и еже от века таинства явление; Сын
Божий Сын Девы бывает, и Гавриил благодать благовествует. Темже и мы с
ним Богородице возопиим: радуйся, Благодатная, Господь с Тобою.
Кондак, глас 8-й.
Взбранной Воеводе победительная, яко избавльшеся от злых,
благодарственная восписуем Ти раби Твои Богородице, но яко имущая
державу непобедимимую, от всяки нас бед свободи, да зовем Ти: радуйся
Невесто Неневестная.
Сретение Господне – 2 (15) февраля
Тропарь, глас 1-й
Радуйся, Благодатная Богородице Дево, из Тебе бо возсия Солнце правды,
Христос Бог наш, просвещаяй сущия во тьме. Веселися и ты, старче
праведный, приемый во объятия Свободителя душ наших, дарующаго нам
воскресение.
Кондак, глас 1-й
Утробу Девичу освятивый рождеством Твоим, и руце Симеоне благословивый,
якоже подобаше, предрив, и ныне спасл еси нас, Христе Боже; но умири во
бранех жительство,едине Человеколюбче.
Рождество Христово – 25 декабря (7 января)
Тропарь, глас 4-й
Рождество Твое, Христе Боже наш, возсия мирови свет разума, в нем бо
звездам служащии звездою учахуся Тебе кланятися, Солнцу правды, и Тебе
ведети с высоты Востока. Господи, слава Тебе!
Кондак, глас 3-й
Дева днесь Пресущественнаго раждает, и земля вертеп Непреступному
приносит; Ангели с пастырьми славословят, волсви же со звездою
путешествуют; нас бо ради родися Отроча младо, превечный Бог.
Крещение Господне – 6 (19) января
Тропарь, глас 1-й
Во Иордане крещающуся Тебе, Господи, Тройческое явися поклонение:
Родителев бо глас свидетельствоваше Тебе, возлюбленнаго Тя Сына именуя,
и Дух, ввиде голубине, извествоваше словесе утверждение. Явлейся, Христе
Боже, и мир просвещей, слава Тебе.
Кондак, глас 4-й
Явился еси днесь вселенней, и свет Твой, Господи, знаменася на нас, в
разуме поющих Тя; пришел еси и явился еси, Свет непреступный.
Преображение Господа нашего Иисуса Христа – 6 (19) августа
Тропарь глас 7-й
Преобразился еси на горе, Христе Боже, показавый учеником Твоим славу
Твою, якоже можаху; да возсияет и нам грешным свет Твой присносущный,
молитвами Богородицы, Светодавче, слава Тебе.
Кондак, глас 7-й.
0
<
D
F
H
J
l
n
H
J
n
На горе преобразился еси, и якоже вмещаху ученицы Твои, славу Твою,
Христе Боже, видеша; да егда Тя узрят распинаема, страдание убо
уразумеют вольное, мирови же проповедят, яко Ты еси воистинну Отчее
сияние.
Вход Господень в Иерусалим (Вербное вокресенье) –
последнее воскресенье перед Пасхой
Тропарь глас 4-й
Спогребшеся Тебе крещением, Христе Боже наш, безсмертныя жизни
сподобихомся воскресением Твоим, и воспевающе зовем: осанна в вышних,
благословен грядый во имя Господне.
Кондак, глас 6-й
На престоле на небеси, нна жребяти наземли носимый, Христе Боже, Ангелов
хваление и детей воспевание приял еси зовущих Ти: благословен еси,
грядый Адама воззвати.
Воздвижение Честнаго и Животворящего Креста – 14 (27) сентября
Тропарь глас 1-й.
Спаси, Господи, люди Твоя и благослови достояние Твое,победы на
сопротивныя даруя и Твое сохраняя Крестом Твоим Жительство.
Кондак, глас 4-й
Возенсыйся на крест волею, тезоименитому Твоему новому жительству
щедроты Твоя даруй,Христе Боже; возвесели нас силою Твоею, победы дая
нам на супостаты, пособие имущим Твое, оружие мира, непобедимую победу.
Вознесение Господне – 40-й день после Пасхи
Тропарь глас 4-й
Вознеслся еси во славе, Христе Боже наш, радость сотворивый учеником
обетованием Святаго Духа, извещенным им бывшим благослове-нием, яко Ты
еси Сын Божий, Избавитель мира.
Кондак, глас 6-й
Еже о нас исполнив смотрение, и яже на земли соединив небесным,
вознеслся во славе, Христе Боже наш, никакоже отлучаяся, но пребывая
неотступный, и вопия любящим Тя: Аз есмь с вами и никтоже на вы.
Пятидесятница (Троица) – 50-й день после Пасхи
Тропарь глас 8-й
Благословен еси Христе Боже наш, Иже премудры ловцы явлей, низпослав им
Духа Святаго, и теми уловлей вселенную, Человеколюбче, слава Тебе.
Кондак, глас 8-й
Егда снизшед языки слия, разделяше язаки Вышний, егда же
огненныя раздаяше, в соединение вся призва; и солгласно славим
Всесвятаго Духа.
Успение Пресвятой Богородицы – 15 (28) августа
Тропарь глас 1-й
В рождевстве девство сохранила еси, во успении мира не оставила еси,
Богородице, преставилася еси к животу, Мати сущи Живота, и молитвами
Твоими избавляеши от смерти души наша.
Кондак, глас 2-й
Вмолитвах неусыпающую Богородицу и в предстательствах непреложное
упование, гроб и умерщвление не удержаста: якоже бо Живота Матерь, к
животу престави во утробу Вселивыйся приснодевственую.
Всех святых – первое воскресенье после Пятидесятницы
Тропарь глас 4-й
Иже во всем мире мученик Твоих, яко багряницею и виссом, кровьми Церковь
Твоя украсившися, теми вопиет Ти, Христе Боже; людем Твоим щедроты Твоя
низпосли, мир жительству Твоему даруй и душам нашим велию милость.
Кондак, глас 8-й
Яко начатки естства, Насадителю твари, приноисит Тя, Господи, богоносныя
мученики; тех молитвами в мире глубоце Церковь Твою, жительсто Твое
Богорородицею соблюде Многомилостиве.