ЧИ́Н БО́ЖЕ́СТВЕННЫЯ ЛИТУРГИ́И ПРЕЖДЕОСВЯ́ЩЕ́ННЫХ.

ЧИ́Н БО́ЖЕ́СТВЕННЫЯ ЛИТУРГИ́И ПРЕЖДЕОСВЯ́ЩЕ́ННЫХ. ВО СВЯ́ТУ́Ю И ВЕЛИ́КУЮ ЧЕТЫРЕДЕСЯ́ТНИЦУ, ЕГДА́ И́МАТЬ СВЯ́ЩЕ́ННИК СОТВОРИ́ТИ ПРЕЖДЕОСВЯ́ЩЕ́ННУЮ, В ПРОСКОМИ́ДИИ В НЕДЕ́ЛЮ, ТВОРИ́Т Я́КОЖЕ ОБЫ́ЧНО. И ПО Е́ЖЕ РЕ́ЗАТИ ПЕ́РВЫЙ ХЛЕ́Б, И ЖРЕ́ТИ, И ПРОБОДА́ТИ, РЕ́ЖЕТ И ДРУГИЯ ХЛЕ́БЫ, ГЛАГО́ЛЯ НА ЕДИ́НОМ КО́ЕМЖДО СИЯ: В ВОСПОМИНА́НИЕ: Я́КО ОВЧА́: И, ЖРЕ́ТСЯ: И, ЕДИ́Н ОТ ВО́ИН: ТА́ЖЕ ВЛИВА́ЕТ ВО СВЯ́ТУ́Ю ЧА́ШУ ВИНО́ И ВО́ДУ, ГЛАГО́ЛЯ ОБЫЧНАЯ, И ПОКРЫВА́ЕТ Я́ СВЯ́ЩЕ́ННЫМИ ПОКРО́ВЦЫ, И КАДИ́Т, ГЛАГО́ЛЯ МОЛИ́ТВУ ПРЕДЛОЖЕ́НИЯ. И ТА́КО НАЧИНА́ЕТ БО́ЖЕ́СТВЕННУЮ ЛИТУРГИ́Ю, И ИСПОЛНЯ́ЕТ Ю́ Я́КО ОБЫ́ЧНО. ЕГДА́ ЖЕ И́МАТЬ НАЗНА́МЕНАТИ ХЛЕ́БЫ, ПО ПРИЗЫВА́НИИ ДУ́ХА СВЯ́ТА́ГО, ГЛАГО́ЛЕТ: СОТВОРИ́ ХЛЕ́Б У́БО СЕ́Й: ЕДИ́НСТВЕННЕ, Я́КО ЕДИ́Н Е́СТЬ ХРИСТО́С: А ХЛЕ́БЫ СИЯ, МНО́ЖЕСТВЕННЫМ ЧИСЛО́М, НЕ ГЛАГО́ЛАТИ. И ЕГДА́ И́МАТЬ ВОЗНЕСТИ́, ВОЗНОША́ЕТ ВСЯ ВКУ́ПЕ, И РАЗДРОБЛЯ́ЕТ ПРИНОСИ́МЫЙ ПЕ́РВЫЙ ХЛЕ́Б, И ПОЛАГА́ЕТ ЧА́СТИЦУ ВО СВЯ́ТУ́Ю ЧА́ШУ, И ВЛИВА́ЕТ И ТЕПЛОТУ́ Я́КО ОБЫ́ЧАЙ. ТА́ЖЕ ВЗЕ́М СВЯ́ТУ́Ю ЛЖИ́ЦУ ДЕСНО́Ю РУКО́Ю, ОМОЧА́ЕТ Ю́ ВО СВЯ́ТЕ́Й КРО́ВИ. ЛЕ́ВОЮ ЖЕ РУКО́Ю Е́МЛЕТ КИ́ЙЖДО ХЛЕ́Б, И НАНО́СИТ СВЯ́ТУ́Ю ЛЖИ́ЦУ, СО СВЯ́ТО́Ю КРО́ВИЮ, ОМОЧЕ́ННУЮ, И ПРИКАСА́ЕТСЯ Е́Ю СВЯ́ТО́МУ ХЛЕ́БУ КРЕСТООБРА́ЗНО, ВО СТРАНУ́, НА НЕ́ЙЖЕ НАЧЕРТА́СЯ КРЕСТ, ПОД МЯ́ГКОСТИЮ. И ПОЛАГА́ЕТ И́ В ХЛЕБОНО́СЕЦ. ТА́ЖЕ Е́МЛЕТ И ДРУГИЯ, И ТВОРИ́Т ТА́КОЖДЕ НА ЕДИ́НОМ КО́ЕМЖДО, И СПРЯ́ТОВАЕТ И́Х ВСЕ́Х В ХЛЕБОНО́СЕЦ. ТА́ЖЕ СВЯ́ЩЕ́ННИК МО́ЛИТСЯ Я́КО ОБЫ́ЧНО, И ПРИЧАЩА́ЕТСЯ Я́КО ОБЫ́ЧНО, И ИСПОЛНЯ́ЕТ БО́ЖЕ́СТВЕННОЕ СВЯ́ЩЕННОДЕ́ЙСТВИЕ ПО УЧИНЕ́ННОМУ. ЕГДА́ ЖЕ И́МАТЬ СВЯ́ЩЕННОДЕ́ЙСТВОВАТИ ПРЕЖДЕОСВЯ́ЩЕ́ННУЮ, ВШЕ́Д ВО СВЯ́ТИ́ЛИЩЕ ОБЛАЧИ́ТСЯ ВО СВЯ́ЩЕ́ННИЧЕСКУЮ ОДЕ́ЖДУ, НАЗНА́МЕНУЯЙ, И ЦЕЛУ́ЯЙ ТО́КМО, НИЧТО́ЖЕ ПРИГЛАГО́ЛЯ, РА́ЗВЕ: ГО́СПОДУ ПОМО́ЛИМСЯ, НАД ЕДИ́НОЮ КО́ЕЮЖДО ОДЕ́ЖДЕЮ. И ВЗЕ́М ДИА́КОН ВРЕ́МЯ ИСХО́ДИТ, И СТА́В НА ОБЫ́ЧНОМ МЕ́СТЕ, ВОЗГЛАША́ЕТ: БЛА́ГОСЛОВИ́ ВЛАДЫ́КО. СВЯ́ЩЕ́ННИК ЖЕ ВОЗГЛАША́ЕТ: БЛА́ГОСЛОВЕ́НО ЦА́РСТВО ОТЦА́, И СЫ́НА, И СВЯ́ТА́ГО ДУ́ХА, НЫ́НЕ И ПРИ́СНО, И ВО ВЕ́КИ ВЕКО́В. И А́БИЕ ЕККЛИСИА́РХ: ПРИИДИ́ТЕ, ПОКЛОНИ́МСЯ: ТРИ́ЖДЫ. И ГЛАГО́ЛЕТ ПРЕДНАЧИНА́ТЕЛЬНЫЙ ПСАЛО́М. СВЯ́ЩЕ́ННИК ЖЕ ГЛАГО́ЛЕТ МОЛИ́ТВЫ СВЕТИЛЬНИЧНЫЯ, СИ́РЕЧЬ ВЕЧЕ́РНИЯ, С ЧЕТВЕ́РТЫЯ МОЛИ́ТВЫ, ЗАНЕ́ ТРИ́ ПЕ́РВЫЯ ПО ЕКТЕНИА́Х ГЛАГО́ЛЮТСЯ. ПО ИСПОЛНЕ́НИИ ЖЕ ПСАЛМА́, ГЛАГО́ЛЕТ ДИА́КОН ЕКТЕНИЮ́. И ПО ВОЗГЛА́СЕ, СТИХОСЛО́ВИТСЯ: КО ГО́СПОДУ ВНЕГДА́ СКОРБЕ́ТИ МИ́: БЫВА́ЕМЫМ И ПОКЛО́НОМ НА АЛЛИЛУ́ИА. НА КО́ЕМЖДО ЖЕ АНТИФО́НЕ БЫВА́ЕТ ЕКТЕНИА́ МА́ЛАЯ ОТ ДИА́КОНА: И ВОЗГЛА́С ОТ СВЯ́ЩЕ́ННИКА. НАЧЕ́НШУСЯ ЖЕ СТИХОСЛО́ВИЮ, ОТХО́ДИТ СВЯ́ЩЕ́ННИК ВО СВЯ́ТО́Е ПРЕДЛОЖЕ́НИЕ: И ВЗЕ́М ПРЕЖДЕОСВЯ́ЩЕ́ННЫЙ ХЛЕ́Б ОТ ХЛЕБОНО́СЦА, ПОЛАГА́ЕТ И́ СО БЛА́ГОГОВЕ́НИЕМ МНО́ГИМ ВО СВЯ́ТЫ́Й ДИ́СКОС, ВЛОЖИ́В ВО СВЯ́ТУ́Ю ЧА́ШУ ВИНО́ И ВО́ДУ ОБЫ́ЧНО, НИЧТО́ЖЕ ГЛАГО́ЛЯ. И ВЗЕ́М КАДИ́ЛЬНИЦУ, КАДИ́Т ЗВЕЗДИ́ЦУ И ПОКРО́ВЫ: И ПОКРЫ́В Я́ НИЧТО́ЖЕ ОТНЮ́Д ГЛАГО́ЛЯ, НИЖЕ́ МОЛИ́ТВУ ПРЕДЛОЖЕ́НИЯ, НО ТО́КМО: МОЛИ́ТВАМИ СВЯ́ТЫ́Х ОТЕ́Ц НА́ШИХ, ГО́СПОДИ ИИСУ́СЕ ХРИСТЕ́ БО́ЖЕ НА́Ш, ПОМИ́ЛУЙ НА́С. ПРЕЖДЕОСВЯЩЕ́ННА БО Е́СТЬ, И СОВЕРШЕ́ННА СИЯ́ ЖЕ́РТВА. ПО КАФИ́СМЕ ЖЕ, ГО́СПОДИ ВОЗЗВА́Х: ВО ГЛА́С САМОГЛА́СНА ДНЕ́. ПОСТА́ВИМ СТИХО́В 10. И ПОВТОРЯ́ЕМ САМОГЛА́СЕН: ТА́ЖЕ МУ́ЧЕНИЧЕН: И ТРИ́ ПОДО́БНЫ ТРИО́ДИ: И ТРИ́ МИНЕ́И, ПОВТОРЯ́ЮЩЕ ЕДИ́Н. СЛА́ВА, И НЫ́НЕ, БОГОРО́ДИЧЕН. ВХО́Д БЕЗ ЕВА́НГЕЛИА. ЕГДА́ ЖЕ И́МАТЬ ЧЕСТИ́СЯ ЕВА́НГЕЛИЕ, В ПРА́ЗДНОВАНИЕ ХРА́МА, ИЛИ́ СВЯ́ТА́ГО, ТОГДА́ ВХО́Д ТВОРИ́Т СО ЕВА́НГЕЛИЕМ. ДИА́КОН: ПРЕМУ́ДРОСТЬ, ПРО́СТИ. И ПОЮ́Т: СВЕ́ТЕ ТИ́ХИЙ: ДИА́КОН: ВО́НМЕМ. СВЯ́ЩЕ́ННИК: МИ́Р ВСЕМ. ДИА́КОН: ПРЕМУ́ДРОСТЬ. ЧТЕ́Ц: ПРОКИ́МЕН, И БЫТИЕ́. ВТОРЫ́Й ПРОКИ́МЕН. И ПОСЕ́М ВОЗГЛАША́ЕТ ДИА́КОН: ПОВЕЛИ́ТЕ. СВЯ́ЩЕ́ННИК ЖЕ, ВЗЕ́М ОБЕ́МА РУКА́МА КАДИ́ЛЬНИЦУ И СВЕ́ЩНИК СО СВЕЩЕ́Ю, СТОИ́Т ПРЕД СВЯ́ТО́Ю ТРАПЕ́ЗОЮ, ЗРЯ́ К ВОСТО́КОМ, И НАЗНА́МЕНУЯ КРЕСТ, ГЛАГО́ЛЕТ: ПРЕМУ́ДРОСТЬ, ПРО́СТИ. ТА́ЖЕ ОБРАТЯ́СЯ НА ЗА́ПАД К НАРО́ДУ, ГЛАГО́ЛЕТ: СВЕ́Т ХРИСТО́В ПРОСВЕЩА́ЕТ ВСЕ́Х. ЧТЕ́Ц: ПРИ́ТЧЕЙ ЧТЕ́НИЕ. ДИА́КОН: ВО́НМЕМ. И ПРИ́ТЧА. И ПО ИСПОЛНЕ́НИИ, ГЛАГО́ЛЕТ СВЯ́ЩЕ́ННИК: МИ́Р ТИ́. ДИА́КОН: ПРЕМУ́ДРОСТЬ. ЧТЕ́Ц ПОЕ́Т: ДА ИСПРА́ВИТСЯ МОЛИ́ТВА МОЯ́, Я́КО КАДИ́ЛО ПРЕД ТОБО́Ю, ВОЗДЕЯ́НИЕ РУКУ́ МОЕ́Ю, ЖЕ́РТВА ВЕЧЕ́РНЯЯ. И ПО ПЕ́НИИ ЧТЕЦА́, ЛИ́К ПОЕ́Т ТО́ЖЕ. ТА́ЖЕ, ЧТЕ́Ц СТИ́Х 1: ГО́СПОДИ, ВОЗЗВА́Х К ТЕБЕ́, УСЛЫ́ШИ МЯ́, ВОНМИ́ ГЛА́СУ МОЛЕ́НИЯ МОЕГО́, ВНЕГДА́ ВОЗЗВА́ТИ МИ́ К ТЕБЕ́. ЛИ́К: ДА ИСПРА́ВИТСЯ: ЧТЕ́Ц, СТИ́Х 2: ПОЛОЖИ́ ГО́СПОДИ, ХРАНЕ́НИЕ УСТО́М МОИМ, И ДВЕ́РЬ ОГРАЖДЕ́НИЯ О УСТНА́Х МОИ́Х. ЛИ́К: ДА ИСПРА́ВИТСЯ: ЧТЕ́Ц, СТИ́Х 3: НЕ УКЛОНИ́ СЕ́РДЦЕ МОЕ́ В СЛОВЕСА́ ЛУКА́ВСТВИЯ, НЕПЩЕВА́ТИ ВИНЫ́ О ГРЕСЕ́Х. ЛИ́К: ДА ИСПРА́ВИТСЯ: И ПА́КИ ЧТЕ́Ц ПОЕ́Т: ДА ИСПРА́ВИТСЯ МОЛИ́ТВА МОЯ́, Я́КО КАДИ́ЛО ПРЕД ТОБО́Ю. И ЛИ́К ПОЕ́Т: ВОЗДЕЯ́НИЕ РУКУ́ МОЕ́Ю: ПОДОБА́ЕТ ВЕ́ДАТИ, ЕГДА́ ЧТЕ́Ц ПОЕ́Т: ДА ИСПРА́ВИТСЯ МОЛИ́ТВА МОЯ́, Я́КО КАДИ́ЛО ПРЕД ТОБО́Ю: ВСИ́ ЛЮ́ДИЕ СУ́ЩИИ ВО ХРА́МЕ И ВО ОЛТАРЕ́, СТОЯ́Т НА КОЛЕ́НАХ МОЛЯ́ЩЕСЯ. ЕГДА́ ЖЕ НА́ЧНЕТ: ВОЗДЕЯ́НИЕ РУКУ́ МОЕ́Ю: ВОСТАЮ́Т. НА ПРО́ЧИИХ ЖЕ СТИХА́Х, ДА ИСПРА́ВИТСЯ, ПЕ́НИЯ, ЕГДА́ КОТО́РЫЙ ЛИ́К ПОЕ́Т, И ВСЯ́ СТРАНА́ СТОИ́Т: ВТОРЫ́Й ЖЕ ЛИ́К И СТРАНА́ НАРО́ДА КОЛЕНА ПРИКЛОНЯ́ЮТ. ИЕРЕ́Й ЖЕ СТОЯ́ ВО ОЛТАРЕ́ ПРЕД СВЯ́ТО́Ю ТРАПЕ́ЗОЮ, ПРИЯ́В КАДИ́ЛЬНИЦУ С ФИМИА́МОМ, И КАДИ́Т: ПОСЛЕДИ́ ЖЕ НА ДА ИСПРА́ВИТСЯ, ОТДА́В КАДИ́ЛЬНИЦУ И СА́М ИЕРЕ́Й ПРИКЛОНЯ́ЕТ КОЛЕНА МОЛЯ́СЯ. И ПО ИСПОЛНЕ́НИИ ТВОРИ́М ПОКЛО́НЫ ТРИ́. ТА́ЖЕ ДИА́КОН ГЛАГО́ЛЕТ ЕКТЕНИЮ́: И ПРО́ЧАЯ. В ВЕЛИ́КИЙ ЖЕ ВХО́Д, НЫ́НЕ СИЛЫ НЕБЕ́СНЫЯ: МОЛИ́ТВА ХЕРУВИ́МСКАЯ НЕ ГЛАГО́ЛЕТСЯ. НО КАДЯ́ СВЯ́ЩЕ́ННИК, ГЛАГО́ЛЕТ ПЯТДЕСЯ́ТНЫЙ ПСАЛО́М. И ПО ПРОИСХОЖДЕ́НИИ СВЯ́ТЫ́Х ДАРО́В, ИСПОЛНЯ́ЕМУ: НЫ́НЕ СИЛЫ НЕБЕ́СНЫЯ: ПОЛАГА́ЕМ ПОКЛО́НЫ ТРИ́, ОТКРОВЕ́НИ СУ́ЩЕ. ВЗЕ́МЛЕТ ЖЕ СВЯ́ЩЕ́ННИК ПОКРО́ВЫ ОТ СВЯ́ТЫ́Х ДАРО́В, И ПОКРЫВА́ЕТ Я́ ВОЗДУ́ХОМ. ЕГДА́ ЖЕ И́МАТЬ ВОЗНЕСТИ́ СВЯ́ТЫ́Й ХЛЕ́Б, НЕ ОТКРЫВА́ЕТ СВЯ́ТАЯ: НО ЕЩЕ́ ПОКРОВЕ́ННЫМ БО́ЖЕ́СТВЕННЫМ СУ́ЩИМ ДАРО́М, ВНО́СИТ СВЯ́ЩЕ́ННИК РУ́КУ СВОЮ́, СО СТРА́ХОМ МНО́ГИМ, И ПРИКАСА́ЕТСЯ БО́ЖЕ́СТВЕННОМУ ХЛЕ́БУ СО БЛА́ГОГОВЕ́НИЕМ И СТРА́ХОМ. ГЛАГО́ЛЮЩУ ДИА́КОНУ: ВО́НМЕМ. ВОЗГЛАША́ЕТ СВЯ́ЩЕ́ННИК: ПРЕЖДЕОСВЯ́ЩЕ́ННАЯ СВЯ́ТАЯ СВЯ́ТЫМ. И ПРО́ЧАЯ ПО ЧИ́НУ, СОВЕРША́ЕТ СВЯ́ТУ́Ю ЛИТУРГИ́Ю, Я́КО НА РЯДУ́ УКА́ЗАНО. КОНЕ́Ц. ИЗЪЯВЛЕ́НИЕ О НЕ́КИИХ ИСПРАВЛЕ́НИЯХ В СЛУЖЕ́НИИ ПРЕЖДЕОСВЯ́ЩЕ́ННЫЯ ЛИТУРГИ́И. ПОДОБА́ЕТ ВЕ́ДАТИ, Я́КО В ПРЕЖДЕОСВЯЩЕ́ННЫХ ЛИТУРГИ́АХ ПОЕ́МУ: НЫ́НЕ СИЛЫ НЕБЕ́СНЫЯ: СВЯ́ЩЕ́ННИК И ДИА́КОН ОТХО́ДЯТ В ПРЕДЛОЖЕ́НИЕ. И ВЗЕ́М СВЯ́ЩЕ́ННИК ВОЗДУ́Х, ПОЛАГА́ЕТ НА РА́МО ДИА́КОНУ: СВЯ́ТЫ́Й ЖЕ ДИ́СКОС С БО́ЖЕ́СТВЕННЫМИ ТА́ЙНАМИ ПРИЕ́МЛЕТ ДЕСНИ́ЦЕЮ, И ПОСТАВЛЯ́ЕТ НА ГЛАВУ́ СВОЮ́, ПОТИ́РЬ ЖЕ С ВИНО́М, ВЗЕ́М В ШУ́ЙЦУ СВОЮ́, ПРИ ПЕ́РСЕХ НЕСЕ́Т. ДИА́КОН ЖЕ С КАДИ́ЛЬНИЦЕЮ ТО́ЧИЮ ПРЕДХОДЯ́ КАДИ́Т ЧА́СТО: ИДУ́ЩЕ ЖЕ НИЧТО́ЖЕ ГЛАГО́ЛЮТ. В ПРИЧАЩЕ́НИИ ЖЕ, ПО Е́ЖЕ РЕЩИ́: ПРЕЖДЕОСВЯ́ЩЕ́ННАЯ СВЯ́ТАЯ СВЯ́ТЫМ. СВЯ́ЩЕ́ННИК ОТЛАГА́ЕТ СВЯ́ТЫ́Й ВОЗДУ́Х, ДИА́КОН ЖЕ ВХО́ДИТ ВО СВЯ́ТЫ́Й ОЛТА́РЬ, И СТА́В БЛИ́З СВЯ́ЩЕ́ННИКА, ГЛАГО́ЛЕТ: РАЗДРОБИ́ ВЛАДЫ́КО СВЯ́ТЫ́Й ХЛЕ́Б. СВЯ́ЩЕ́ННИК РАЗДРОБЛЯ́ЕТ ЕГО́ СО МНО́ГИМ ВНИМА́НИЕМ, НА ЧЕТЫ́РИ ЧАСТИ, ГЛАГО́ЛЯ: РАЗДРОБЛЯ́ЕТСЯ И РАЗДЕЛЯ́ЕТСЯ А́ГНЕЦ БО́ЖИЙ, РАЗДРОБЛЯ́ЕМЫЙ И НЕРАЗДЕЛЯ́ЕМЫЙ, ВСЕГДА́ ЯДО́МЫЙ И НИКОГДА́ЖЕ ИЖДИВА́ЕМЫЙ, НО ПРИЧАЩА́ЮЩИЯСЯ ОСВЯ́ЩА́ЯЙ. И ВЛАГА́ЕТ ЧА́СТИЦУ В ПОТИ́РЬ, НИЧТО́ЖЕ ГЛАГО́ЛЯ: И ДИА́КОН ВЛИВА́ЕТ ТЕПЛОТУ́ В ПОТИ́РЬ, НИЧТО́ЖЕ ГЛАГО́ЛЯ, И СТОИ́Т МА́ЛО ПОДА́ЛЕ. СВЯ́ЩЕ́ННИК ЖЕ ГЛАГО́ЛЕТ: ДИА́КОНЕ ПРИСТУПИ́: И ПРИШЕ́Д ДИА́КОН. ТВОРИ́Т ПОКЛО́Н БЛА́ГОГОВЕ́ЙНО, ПРОСЯ́ ПРОЩЕ́НИЯ, И ГЛАГО́ЛЕТ: СЕ́ ПРИХОЖДУ́ К БЕЗСМЕ́РТНОМУ ЦА́РЮ́: И, ПРЕПОДА́ЖДЬ МНЕ́, ВЛАДЫ́КО, ЧЕ́СТНО́Е И СВЯ́ТО́Е ТЕ́ЛО И КРО́ВЬ ГО́СПОДА И БО́ГА И СПА́СА НА́ШЕГО ИИСУ́СА ХРИСТА́. СВЯ́ЩЕ́ННИК ВЗЕ́М СВЯ́ТЫ́Х ТАИН ЕДИ́НУ ЧА́СТИЦУ, ДАЕ́Т ДИА́КОНУ, ГЛАГО́ЛЯ: ИМЯРЕК, СВЯ́ЩЕННОДИА́КОНУ ПРЕПОДАЕ́ТСЯ ЧЕСТНО́Е И СВЯ́ТО́Е И ПРЕЧИ́СТОЕ ТЕ́ЛО И КРО́ВЬ ГО́СПОДА И БО́ГА И СПА́СА НА́ШЕГО ИИСУ́СА ХРИСТА́, ВО ОСТАВЛЕ́НИЕ ГРЕХО́В ЕГО́, И В ЖИ́ЗНЬ ВЕ́ЧНУЮ. И ЦЕЛОВА́В ДИА́КОН ПОДАЮ́ЩУЮ ЕМУ́ РУ́КУ, ОТХО́ДИТ И СТОИ́Т СОЗАДИ́ СВЯ́ТЫ́Я ТРАПЕ́ЗЫ, И ПРИКЛОНИ́В ГЛАВУ́, МО́ЛИТСЯ Я́КО И СВЯ́ЩЕ́ННИК. ПОДО́БНЕ ВЗЕ́М И СВЯ́ЩЕ́ННИК ЕДИ́НУ ЧА́СТИЦУ СВЯ́ТЫ́Х ТАИН, ГЛАГО́ЛЕТ: ЧЕ́СТНО́Е И ПРЕСВЯ́ТО́Е ТЕ́ЛО И КРО́ВЬ ГО́СПОДА И БО́ГА И СПА́СА НА́ШЕГО ИИСУ́СА ХРИСТА́, ПРЕПОДАЕ́ТСЯ МНЕ́, ИМЯРЕК, СВЯ́ЩЕ́ННИКУ, ВО ОСТАВЛЕ́НИЕ ГРЕХО́В МОИ́Х, И В ЖИ́ЗНЬ ВЕ́ЧНУЮ. И ПРИКЛОНИ́В ГЛАВУ́, МО́ЛИТСЯ ГЛАГО́ЛЯ: ВЕ́РУЮ ГО́СПОДИ, И ИСПОВЕ́ДУЮ: И ВЕ́ЧЕРИ ТВОЕЯ́ ТА́ЙНЫЯ: И ДА НЕ В СУ́Д, ИЛИ́ ВО ОСУЖДЕ́НИЕ: [ВСЕ́ ДО КОНЦА́.] И ТА́КО ПРИЧАЩА́ЮТСЯ СВЯ́ТЫ́Х ТАИН, СО СТРА́ХОМ И ВСЯ́ЦЕМ УТВЕРЖДЕ́НИЕМ. ТА́ЖЕ ВЗЕ́М СВЯ́ЩЕ́ННИК ГУ́БУ, ОТИРА́ЕТ РУ́КУ, ГЛАГО́ЛЯ: СЛА́ВА ТЕБЕ́ БО́ЖЕ: ТРИ́ЖДЫ. И ЦЕЛОВА́В ГУ́БУ, ПОЛОЖИ́Т НА МЕ́СТО. ТА́ЖЕ ВЗЕ́МЛЕТ СВЯ́ТЫ́Й ПОТИ́РЬ С ПОКРО́ВЦЕМ ОБЕ́МА РУКА́МА, ПИЕ́Т ИЗ НЕГО́, НИЧТО́ЖЕ ГЛАГО́ЛЯ: ТА́КО УСТНЕ́, И СВЯ́ТЫ́Й ПОТИ́РЬ ОТИРА́ЕТ ПОКРО́ВЦЕМ И́ЖЕ В РУКА́Х, И ПОСТАВЛЯ́ЕТ ЕГО́ НА СВЯ́ТУ́Ю ТРАПЕ́ЗУ. И ПРИЕ́М АНА́ФОРУ УМЫВА́ЕТ РУ́КИ И УСТНЕ́, И СТА́В МА́ЛО КО СТРАНЕ́, ГЛАГО́ЛЕТ МОЛИ́ТВУ БЛА́ГОДАРЕ́НИЯ: БЛА́ГОДАРИ́М ТЯ́ СПА́СА ВСЕ́Х БО́ГА: ДО КОНЦА́. ДИА́КОН ЖЕ ТОГДА́ ИЗ ЧА́ШИ НЕ ПИЕ́Т, НО ПО ЗААМВО́ННЕЙ МОЛИ́ТВЕ, И ПО ПОТРЕБЛЕ́НИИ ОСТА́ВШИХСЯ ЧА́СТИЦ СВЯ́ТЫ́Х ТАИН. [А́ЩЕ ЖЕ СЛУ́ЖИТ ЕДИ́Н ИЕРЕ́Й БЕЗ ДИА́КОНА, И ТО́Й ПО ПРИЧАЩЕ́НИИ СВЯ́ТЫ́Х ТАИН, ИЗ ЧА́ШИ НЕ ПИЕ́Т, НО ПО СОВЕРШЕ́НИИ ЛИТУРГИ́И, И ПО ПОТРЕБЛЕ́НИИ СВЯ́ТЫ́Х ТАИН. И́БО А́ЩЕ И СВЯ́ЩЕ́ННО Е́СТЬ ВЛОЖЕ́НИЕМ ЧА́СТИЦЫ ВИНО́, НО НЕ ПРЕСУ́ЩЕСТВЕННО В КРО́ВЬ БО́ЖЕ́СТВЕННУЮ, ПОНЕ́ЖЕ НАД НИ́М СЛОВЕСА́ СВЯ́ЩЕ́НИЯ НЕ ЧТО́ШАСЯ ЗДЕ́, Я́КО БЫВА́ЕТ В ЛИТУРГИ́АХ ВАСИ́ЛИА ВЕЛИ́КАГО, И ИОА́ННА ЗЛАТОУ́СТАГО.] ДИА́КОН ЖЕ ВЗЕ́М СВЯ́ТЫ́Й ДИ́СКОС, НАДНО́СИТ ВЕРХУ́ СВЯ́ТА́ГО ПОТИ́РЯ, И СПРЯ́ТАЕТ СВЯ́ТАЯ, НИЧТО́ЖЕ ГЛАГО́ЛЯ, И ПОКЛОНИ́ВСЯ ТРИ́ЖДЫ, ОТВЕРЗА́ЕТ ЦАРСКАЯ ВРАТА́. БО́ЖЕ́СТВЕННАЯ СЛУ́ЖБА ПРЕЖДЕОСВЯ́ЩЕ́ННЫХ. ДИА́КОН ПО ОБЫ́ЧАЮ, СТА́В НА АМВО́НЕ, ВОЗГЛАША́ЕТ: БЛА́ГОСЛОВИ́ ВЛАДЫ́КО. СВЯ́ЩЕ́ННИК, СТОЯ́ ПРЕД СВЯ́ТО́Ю ТРАПЕ́ЗОЮ ВО ОЛТАРЕ́, ВОЗГЛА́СНО ГЛАГО́ЛЕТ: БЛА́ГОСЛОВЕ́НО ЦА́РСТВО, ОТЦА́, И СЫ́НА, И СВЯ́ТА́ГО ДУ́ХА, НЫ́НЕ И ПРИ́СНО, И ВО ВЕ́КИ ВЕКО́В. ЛИ́К: АМИ́НЬ. ПРИИДИ́ТЕ, ПОКЛОНИ́МСЯ: ТРИ́ЖДЫ. И ПРЕДНАЧИНА́ТЕЛЬНЫЙ ПСАЛО́М: И ПО ПСАЛМЕ́ ГЛАГО́ЛЕТ ДИА́КОН ЕКТЕНИЮ́: МИ́РОМ ГО́СПОДУ ПОМО́ЛИМСЯ. О СВЫ́ШНЕМ МИ́РЕ, И СПАСЕ́НИИ: О МИ́РЕ ВСЕГО́ МИ́РА: О СВЯ́ТЕ́М ХРА́МЕ СЕ́М: [О СВЯ́ТЕ́ЙШЕМ ПРАВИ́ТЕЛЬСТВУЮЩЕМ СИНО́ДЕ: О БЛА́ГОЧЕСТИ́ВЕЙШЕМ, САМОДЕРЖА́ВНЕЙШЕМ, ВЕЛИ́КОМ ГО́СПОДРЕ НА́ШЕМ ИМПЕРА́ТОРЕ: О ПОСОБИ́ТИ И ПОКОРИ́ТИ ПОД НО́ЗЕ:] О ГРА́ДЕ СЕ́М, ВСЯ́КОМ ГРА́ДЕ: О БЛА́ГОРАСТВОРЕ́НИИ ВОЗДУ́ХОВ: О ПЛА́ВАЮЩИХ, ПУТЕШЕ́СТВУЮЩИХ: О ИЗБА́ВИТИСЯ НА́М: ЗАСТУПИ́, СПАСИ́, ПОМИ́ЛУЙ: ПРЕСВЯ́ТУ́Ю, ПРЕЧИ́СТУЮ, ПРЕБЛА́ГОСЛОВЕ́ННУЮ: ВОЗГЛА́СНО: Я́КО ПОДОБА́ЕТ ТЕБЕ́ ВСЯ́КАЯ СЛА́ВА, ЧЕ́СТЬ И ПОКЛОНЕ́НИЕ, ОТЦУ́, И СЫ́НУ, И СВЯ́ТО́МУ ДУ́ХУ, НЫ́НЕ И ПРИ́СНО, И ВО ВЕ́КИ ВЕКО́В. ЛИ́К: АМИ́НЬ. МОЛИ́ТВА ПЕ́РВАГО АНТИФО́НА: ГО́СПОДИ ЩЕ́ДРЫЙ И МИ́ЛОСТИВЫЙ, ДОЛГОТЕРПЕЛИ́ВЕ И МНОГОМИ́ЛОСТИВЕ, ВНУШИ́ МОЛИ́ТВУ НА́ШУ, И ВОНМИ́ ГЛА́СУ МОЛЕ́НИЯ НА́ШЕГО: СОТВОРИ́ С НА́МИ ЗНА́МЕНИЕ ВО БЛА́ГО, НАСТА́ВИ НА́С НА ПУ́ТЬ ТВО́Й, Е́ЖЕ ХОДИ́ТИ ВО И́СТИНЕ ТВОЕ́Й: ВОЗВЕСЕЛИ́ СЕ́РДЦА́ НА́ША, ВО Е́ЖЕ БОЯ́ТИСЯ И́МЕНЕ ТВОЕГО́ СВЯ́ТА́ГО: ЗАНЕ́ ВЕ́ЛИЙ ЕСИ́, И ТВОРЯ́Й ЧУДЕСА́, ТЫ́ ЕСИ́ БО́Г ЕДИ́Н, И НЕ́СТЬ ПОДО́БЕН ТЕБЕ́ В БОЗЕ́Х ГО́СПОДИ: СИ́ЛЕН В МИ́ЛОСТИ, И БЛА́Г В КРЕ́ПОСТИ, ВО Е́ЖЕ ПОМОГА́ТИ, И УТЕША́ТИ, И СПАСА́ТИ ВСЯ УПОВА́ЮЩИЯ ВО И́МЯ СВЯ́ТО́Е ТВОЕ́. ДИА́КОН: ПА́КИ И ПА́КИ МИ́РОМ ГО́СПОДУ ПОМО́ЛИМСЯ. ЗАСТУПИ́, СПАСИ́, ПОМИ́ЛУЙ: ПРЕСВЯ́ТУ́Ю, ПРЕЧИ́СТУЮ, ПРЕБЛА́ГОСЛОВЕ́ННУЮ: ВОЗГЛА́С: Я́КО ТВОЯ́ ДЕРЖА́ВА, И ТВОЕ́ Е́СТЬ ЦА́РСТВО, И СИ́ЛА, И СЛА́ВА, ОТЦА́, И СЫ́НА, И СВЯ́ТА́ГО ДУ́ХА, НЫ́НЕ И ПРИ́СНО, И ВО ВЕ́КИ ВЕКО́В. МОЛИ́ТВА ВТОРА́ГО АНТИФО́НА: ГО́СПОДИ, ДА НЕ Я́РОСТИЮ ТВОЕ́Ю ОБЛИЧИ́ШИ НА́С, НИЖЕ́ ГНЕ́ВОМ ТВОИ́М НАКА́ЖЕШИ НА́С: НО СОТВОРИ́ С НА́МИ ПО МИ́ЛОСТИ ТВОЕ́Й, ВРАЧУ́ И ИСЦЕЛИ́ТЕЛЮ ДУ́Ш НА́ШИХ, НАСТАВЛЯ́Я НА́С КО ПРИСТА́НИЩУ ХОТЕ́НИЯ ТВОЕГО́, ПРОСВЕТИ́ О́ЧИ СЕРДЕ́Ц НА́ШИХ, В ПОЗНА́НИЕ ТВОЕЯ́ И́СТИНЫ, И ДА́РУЙ НА́М ПРО́ЧЕЕ НАСТОЯ́ЩАГО ДНЕ́, МИ́РНОЕ И БЕЗГРЕ́ШНОЕ, И ВСЕ́ ВРЕ́МЯ ЖИВОТА́ НА́ШЕГО, МОЛИ́ТВАМИ СВЯ́ТЫ́Я БОГОРО́ДИЦЫ, И ВСЕ́Х СВЯ́ТЫ́Х ТВОИ́Х. ДИА́КОН: ПА́КИ И ПА́КИ МИ́РОМ ГО́СПОДУ ПОМО́ЛИМСЯ. ЗАСТУПИ́, СПАСИ́, ПОМИ́ЛУЙ: ПРЕСВЯ́ТУ́Ю, ПРЕЧИ́СТУЮ, ПРЕБЛА́ГОСЛОВЕ́ННУЮ: ВОЗГЛА́С: Я́КО БЛА́Г И ЧЕЛОВЕКОЛЮ́БЕЦ БО́Г ЕСИ́, И ТЕБЕ́ СЛА́ВУ ВОЗСЫЛА́ЕМ, ОТЦУ́, И СЫ́НУ, И СВЯ́ТО́МУ ДУ́ХУ, НЫ́НЕ И ПРИ́СНО, И ВО ВЕ́КИ ВЕКО́В. ЛИ́К: АМИ́НЬ. МОЛИ́ТВА ТРЕ́ТИЯГО АНТИФО́НА: ГО́СПОДИ БО́ЖЕ НА́Ш, ПОМЯНИ́ НА́С ГРЕ́ШНЫХ И НЕПОТРЕ́БНЫХ РАБ ТВОИ́Х, ВНЕГДА́ ПРИЗЫВА́ТИ НА́М СВЯ́ТО́Е И ПОКЛАНЯ́ЕМОЕ И́МЯ ТВОЕ́, И НЕ ПОСРАМИ́ НА́С ОТ ЧА́ЯНИЯ МИ́ЛОСТИ ТВОЕЯ́: НО ДА́РУЙ НА́М ГО́СПОДИ, ВСЯ Я́ЖЕ КО СПАСЕ́НИЮ ПРОШЕ́НИЯ, И СПОДО́БИ НА́С ЛЮБИ́ТИ И БОЯ́ТИСЯ ТЕБЕ́ ОТ ВСЕГО́ СЕ́РДЦА НА́ШЕГО, И ТВОРИ́ТИ ВО ВСЕ́Х ВО́ЛЮ ТВОЮ́. ДИА́КОН: ПА́КИ И ПА́КИ МИ́РОМ ГО́СПОДУ ПОМО́ЛИМСЯ. ЗАСТУПИ́, СПАСИ́, ПОМИ́ЛУЙ: ПРЕСВЯ́ТУ́Ю, ПРЕЧИ́СТУЮ, ПРЕБЛА́ГОСЛОВЕ́ННУЮ: СВЯ́ЩЕ́ННИК ВОЗГЛАША́ЕТ: Я́КО ТЫ́ ЕСИ́ БО́Г НА́Ш, БО́Г МИ́ЛОВАТИ И СПАСА́ТИ, И ТЕБЕ́ СЛА́ВУ ВОЗСЫЛА́ЕМ, ОТЦУ́, И СЫ́НУ, И СВЯ́ТО́МУ ДУ́ХУ, НЫ́НЕ И ПРИ́СНО, И ВО ВЕ́КИ ВЕКО́В. ЛИ́К: АМИ́НЬ. И ПОЕ́ТСЯ: ГО́СПОДИ, ВОЗЗВА́Х К ТЕБЕ́: И ДИА́КОН КАДИ́Т ПО ЧИ́НУ: И ВХО́Д С КАДИ́ЛЬНИЦЕЮ. МОЛИ́ТВА ВХО́ДА: ВЕ́ЧЕР И ЗАУ́ТРА И ПОЛУ́ДНЕ, ХВА́ЛИМ, БЛА́ГОСЛОВИ́М, БЛА́ГОДАРИ́М И МО́ЛИМ ТИ СЯ ВЛАДЫ́КО ВСЕ́Х, ИСПРА́ВИ МОЛИ́ТВУ НА́ШУ Я́КО КАДИ́ЛО ПРЕД ТОБО́Ю, И НЕ УКЛОНИ́ СЕ́РДЦ НА́ШИХ В СЛОВЕСА́ ИЛИ́ В ПОМЫШЛЕ́НИЯ ЛУКА́ВСТВИЯ: НО ИЗБА́ВИ НА́С ОТ ВСЕ́Х ЛОВЯ́ЩИХ ДУ́ШИ НА́ША, Я́КО К ТЕБЕ́, ГО́СПОДИ ГО́СПОДИ, О́ЧИ НА́ШИ, И НА ТЯ́ УПОВА́ХОМ, ДА НЕ ПОСРАМИ́ШИ НА́С БО́ЖЕ НА́Ш. Я́КО ПОДОБА́ЕТ ТЕБЕ́ ВСЯ́КАЯ СЛА́ВА, ЧЕ́СТЬ И ПОКЛОНЕ́НИЕ, ОТЦУ́, И СЫ́НУ, И СВЯ́ТО́МУ ДУ́ХУ, НЫ́НЕ И ПРИ́СНО, И ВО ВЕ́КИ ВЕКО́В. АМИ́НЬ. ПО КОНЦЕ́ ЖЕ СТИХИ́Р, ГЛАГО́ЛЕТ ДИА́КОН, ИЛИ́ СВЯ́ЩЕ́ННИК ВОЗГЛА́СНО: ПРЕМУ́ДРОСТЬ, ПРО́СТИ. И ПОЮ́Т ЛИ́КИ: СВЕ́ТЕ ТИ́ХИЙ: ДИА́КОН: ВО́НМЕМ. СВЯ́ЩЕ́ННИК. МИ́Р ВСЕМ. ДИА́КОН: ПРЕМУ́ДРОСТЬ. ЧТЕ́Ц, ПРОКИ́МЕН, И БЫТИЕ́: И ВТОРЫ́Й ПРОКИ́МЕН. ПОСЕ́М ВОЗГЛАША́ЕТ ДИА́КОН: ПОВЕЛИ́ТЕ. И ПО ИСПОЛНЕ́НИИ СЕГО́, ДЕРЖЯ́ СВЯ́ЩЕ́ННИК СВЕ́ЩНИК СО СВЕЩЕ́Ю И С КАДИ́ЛЬНИЦЕЮ ОБЕ́МА РУКА́МА, ГЛАГО́ЛЕТ ВОЗГЛА́СНО, ЗРЯ́ К ВОСТО́КОМ: ПРЕМУ́ДРОСТЬ, ПРО́СТИ. ТА́ЖЕ ОБРАТЯ́СЯ НА ЗА́ПАД К НАРО́ДУ, ГЛАГО́ЛЕТ: СВЕ́Т ХРИСТО́В ПРОСВЕЩА́ЕТ ВСЕ́Х. И ЧТЕ́Ц ГЛАГО́ЛЕТ ПАРЕМИЮ́, А́ЩЕ ВО У́ТРИЙ ДЕ́НЬ КОМУ́ И́МАТЬ БЫ́ТИ БДЕ́НИЕ, ИЛИ́ ПОЛИЕЛЕ́Й, ЧТУ́ТСЯ ПАРЕМИИ́ ПРА́ЗДНИКУ ИЛИ́ СВЯ́ТО́МУ. ПО ДА ИСПРА́ВИТСЯ ЖЕ, ГЛАГО́ЛЕТ ДИА́КОН ЕКТЕНИЮ́. [А́ЩЕ ПРА́ЗДНУЕТСЯ СВЯ́ТО́МУ, ИЛИ́ ХРА́МОВЫЙ ПРА́ЗДНИК ПРИЛУЧИ́ТСЯ В ПОСТНЫЯ ДНИ, ТОГДА́ ГЛАГО́ЛЕТ ДИА́КОН ИЛИ́ ИЕРЕ́Й: ВО́НМЕМ. И ЧТЕ́Ц ПРОКИ́МЕН АПО́СТОЛА, И ЧТЕ́ТСЯ АПО́СТОЛ, И АЛЛИЛУ́ИА ПОЕ́ТСЯ, И ЧТЕ́НИЕ ЕВА́НГЕЛИА, ТА́ЖЕ ЕКТЕНИА́ СИЯ́:] РЦЕ́М ВСИ́ ОТ ВСЕЯ́ ДУШИ́, И ОТ ВСЕГО́ ПОМЫШЛЕ́НИЯ НА́ШЕГО РЦЕ́М. ЛИ́К: ГО́СПОДИ ПОМИ́ЛУЙ. ГО́СПОДИ ВСЕДЕРЖИ́ТЕЛЮ, БО́ЖЕ ОТЕ́Ц НА́ШИХ, МО́ЛИМ ТИ СЯ, УСЛЫ́ШИ И ПОМИ́ЛУЙ. ЛИ́К: ГО́СПОДИ ПОМИ́ЛУЙ. ПОМИ́ЛУЙ НА́С БО́ЖЕ, ПО ВЕЛИ́ЦЕЙ МИ́ЛОСТИ ТВОЕ́Й, МО́ЛИМ ТИ СЯ, УСЛЫ́ШИ И ПОМИ́ЛУЙ. ЛИ́К: ГО́СПОДИ ПОМИ́ЛУЙ, ТРИ́ЖДЫ. ЕЩЕ́ МО́ЛИМСЯ О БЛА́ГОЧЕСТИ́ВЕЙШЕМ, САМОДЕРЖА́ВНЕЙШЕМ, ВЕЛИ́КОМ ГО́СПОДРЕ НА́ШЕМ ИМПЕРА́ТОРЕ НИКОЛА́Е АЛЕКСА́НДРОВИЧЕ ВСЕЯ́ РОССИ́И: О ДЕРЖА́ВЕ, ПОБЕ́ДЕ, ПРЕБЫВА́НИИ, МИ́РЕ, ЗДРА́ВИИ, СПАСЕ́НИИ ЕГО́, И ГО́СПОДУ БО́ГУ НА́ШЕМУ НАИПА́ЧЕ ПОСПЕШИ́ТИ И ПОСОБИ́ТИ ЕМУ́ ВО ВСЕ́Х, И ПОКОРИ́ТИ ПОД НО́ЗЕ ЕГО́ ВСЯ́КАГО ВРАГА́ И СУПОСТА́ТА. ЛИ́К: ГО́СПОДИ ПОМИ́ЛУЙ, ТРИ́ЖДЫ. МОЛИ́ТВА ПРИЛЕ́ЖНАГО МОЛЕ́НИЯ: ГО́СПОДИ БО́ЖЕ НА́Ш, ПРИЛЕ́ЖНОЕ СИЕ́ МОЛЕ́НИЕ ПРИИМИ́ ОТ ТВОИ́Х РАБ И ПОМИ́ЛУЙ НА́С ПО МНО́ЖЕСТВУ МИ́ЛОСТИ ТВОЕЯ́, И ЩЕДРО́ТЫ ТВОЯ НИЗПОСЛИ́ НА НЫ́, И НА ВСЯ ЛЮ́ДИ ТВОЯ, ЧА́ЮЩИЯ ОТ ТЕБЕ́ БОГА́ТЫЯ МИ́ЛОСТИ. ЕЩЕ́ МО́ЛИМСЯ О СУПРУ́ГЕ ЕГО́, БЛА́ГОЧЕСТИ́ВЕЙШЕЙ ГО́СПОДРНЕ ИМПЕРАТРИ́ЦЕ АЛЕКСА́НДРЕ ФЕО́ДОРОВНЕ: О МА́ТЕРИ ЕГО́, БЛА́ГОЧЕСТИ́ВЕЙШЕЙ ГО́СПОДРНЕ ИМПЕРАТРИ́ЦЕ МАРИ́И ФЕО́ДОРОВНЕ: О НАСЛЕ́ДНИКЕ ЕГО́, БЛА́ГОВЕ́РНОМ ГО́СПОДРЕ ЦЕСАРЕ́ВИЧЕ И ВЕЛИ́КОМ К57Е ГЕО́РГИИ АЛЕКСА́НДРОВИЧЕ, И О ВСЕ́М ЦА́РСТВУЮЩЕМ ДО́МЕ. ЛИ́К: ГО́СПОДИ ПОМИ́ЛУЙ, ТРИ́ЖДЫ. ЕЩЕ́ МО́ЛИМСЯ О СВЯ́ТЕ́ЙШЕМ ПРАВИ́ТЕЛЬСТВУЮЩЕМ СИНО́ДЕ, [А́ЩЕ ПОД МИТРОПОЛИ́ТОМ, ПРИГЛАГО́ЛЕТ: И О МИТРОПОЛИ́ТЕ НА́ШЕМ, ИМЯРЕК, ЕГО́ЖЕ О́БЛАСТЬ,] И ВСЕ́Й ВО ХРИСТЕ́ БРА́ТИИ НА́ШЕЙ. ЛИ́К: ГО́СПОДИ ПОМИ́ЛУЙ, ТРИ́ЖДЫ. ЕЩЕ́ МО́ЛИМСЯ О ВСЕ́М И́Х ХРИСТОЛЮБИ́ВОМ ВО́ИНСТВЕ. ЛИ́К: ГО́СПОДИ ПОМИ́ЛУЙ, ТРИ́ЖДЫ. ЕЩЕ́ МО́ЛИМСЯ О БРА́ТИЯХ НА́ШИХ, СВЯ́ЩЕ́ННИЦЕХ, СВЯ́ЩЕННОМОНА́СЕХ, И ВСЕ́М ВО ХРИСТЕ́ БРА́ТСТВЕ НА́ШЕМ. ЛИ́К: ГО́СПОДИ ПОМИ́ЛУЙ, ТРИ́ЖДЫ. ЕЩЕ́ МО́ЛИМСЯ О БЛА́ЖЕ́ННЫХ И ПРИСНОПА́МЯТНЫХ СВЯ́ТЕ́ЙШИХ ПАТРИА́РСЕХ ПРАВОСЛА́ВНЫХ, И БЛА́ГОЧЕСТИ́ВЫХ ЦА́РЕ́Х, И БЛА́ГОВЕ́РНЫХ ЦА́РИ́ЦАХ, И СОЗДА́ТЕЛЕХ СВЯ́ТЫ́Я ОБИ́ТЕЛИ СЕЯ́, И О ВСЕ́Х ПРЕЖДЕПОЧИ́ВШИХ ОТЦЕ́Х И БРА́ТИЯХ, ЗДЕ́ ЛЕЖА́ЩИХ, И ПОВСЮ́ДУ ПРАВОСЛА́ВНЫХ. ЛИ́К: ГО́СПОДИ ПОМИ́ЛУЙ, ТРИ́ЖДЫ. ЕЩЕ́ МО́ЛИМСЯ О ПЛОДОНОСЯ́ЩИХ, И ДОБРОДЕ́ЮЩИХ ВО СВЯ́ТЕ́М И ВСЕЧЕСТНЕ́М ХРА́МЕ СЕ́М, ТРУЖДА́ЮЩИХСЯ, ПОЮ́ЩИХ И ПРЕДСТОЯ́ЩИХ ЛЮ́ДЕХ, ОЖИДА́ЮЩИХ ОТ ТЕБЕ́ ВЕЛИ́КИЯ И БОГА́ТЫЯ МИ́ЛОСТИ. ЛИ́К: ГО́СПОДИ ПОМИ́ЛУЙ, ТРИ́ЖДЫ. ВОЗГЛАШЕ́НИЕ: Я́КО МИ́ЛОСТИВ И Ч30КОЛЮ́БЕЦ БО́Г ЕСИ́, И ТЕБЕ́ СЛА́ВУ ВОЗСЫЛА́ЕМ, ОТЦУ́, И СЫ́НУ, И СВЯ́ТО́МУ ДУ́ХУ, НЫ́НЕ И ПРИ́СНО, И ВО ВЕ́КИ ВЕКО́В. ЛИ́К: АМИ́НЬ. ПА́КИ ДИА́КОН ГЛАГО́ЛЕТ ЕКТЕНИЮ́: ПОМОЛИ́ТЕСЯ ОГЛАШЕ́ННИИ ГО́СПОДЕВИ. ЛИ́К: ГО́СПОДИ ПОМИ́ЛУЙ. ВЕ́РНИИ О ОГЛАШЕ́ННЫХ ПОМО́ЛИМСЯ, ДА ГОСПО́ДЬ ПОМИ́ЛУЕТ И́Х. ЛИ́К: ГО́СПОДИ ПОМИ́ЛУЙ. ОГЛАСИ́Т И́Х СЛО́ВОМ И́СТИНЫ. ЛИ́К: ГО́СПОДИ ПОМИ́ЛУЙ. ОТКРЫ́ЕТ И́М ЕВА́НГЕЛИЕ ПРА́ВДЫ. ЛИ́К: ГО́СПОДИ ПОМИ́ЛУЙ. СОЕДИНИ́Т И́Х СВЯ́ТЕ́Й СВОЕ́Й СОБО́РНЕЙ И АПО́СТОЛЬСТЕЙ ЦЕ́РКВИ. ЛИ́К: ГО́СПОДИ ПОМИ́ЛУЙ. СПАСИ́, ПОМИ́ЛУЙ, ЗАСТУПИ́ И СОХРАНИ́ И́Х БО́ЖЕ, ТВОЕ́Ю БЛА́ГОДА́ТИЮ. ЛИ́К: ГО́СПОДИ ПОМИ́ЛУЙ. ОГЛАШЕ́ННИИ, ГЛАВЫ ВА́ША ГО́СПОДЕВИ ПРИКЛОНИ́ТЕ. ЛИ́К: ТЕБЕ́ ГО́СПОДИ. МОЛИ́ТВА О ОГЛАШЕ́ННЫХ, ПРЕ́ЖДЕ СВЯ́ТА́ГО ВОЗНОШЕ́НИЯ: БО́ЖЕ БО́ЖЕ НА́Ш, СОЗДА́ТЕЛЮ И СОДЕ́ТЕЛЮ ВСЕ́Х, И́ЖЕ ВСЕМ ХОТЯ́Й СПАСТИ́СЯ И В РА́ЗУМ И́СТИНЫ ПРИИТИ́, ПРИ́ЗРИ НА РАБЫ ТВОЯ ОГЛАШЕ́ННЫЯ, И ИЗБА́ВИ И́Х ДРЕ́ВНИЯ ПРЕ́ЛЕСТИ И КО́ЗНЕЙ СОПРОТИ́ВНАГО: И ПРИЗОВИ́ И́Х В ЖИ́ЗНЬ ВЕ́ЧНУЮ, ПРОСВЕЩА́Я И́Х ДУ́ШИ И ТЕЛЕСА́, И СОПРИЧИТА́Я И́Х СЛОВЕ́СНОМУ ТВОЕМУ́ СТА́ДУ, НА НЕ́МЖЕ И́МЯ ТВОЕ́ СВЯ́ТО́Е НАРИЦА́ЕТСЯ. ВОЗГЛА́СНО: ДА И ТИ́И С НА́МИ СЛА́ВЯТ ПРЕЧЕ́СТНО́Е И ВЕЛИКОЛЕ́ПОЕ И́МЯ ТВОЕ́, ОТЦА́, И СЫ́НА, И СВЯ́ТА́ГО ДУ́ХА, НЫ́НЕ И ПРИ́СНО, И ВО ВЕ́КИ ВЕКО́В. ЛИ́К: АМИ́НЬ. ЕЛИ́ЦЫ ОГЛАШЕ́ННИИ, ИЗЫДИ́ТЕ: ОГЛАШЕ́ННИИ ИЗЫДИ́ТЕ. ЕЛИ́ЦЫ ОГЛАШЕ́ННИИ, ИЗЫДИ́ТЕ, ДА НИ КТО́ ОТ ОГЛАШЕ́ННЫХ, ЕЛИ́ЦЫ ВЕ́РНИИ, ПА́КИ И ПА́КИ МИ́РОМ ГО́СПОДУ ПОМО́ЛИМСЯ. ЛИ́К: ГО́СПОДИ ПОМИ́ЛУЙ. [ЗРИ́] СИЯ ТО́ЧИЮ ГЛАГО́ЛЮТСЯ ДА́ЖЕ ДО ТРЕ́ТИЯ И ЧЕТВЕ́РТЫЯ СЕДМИ́ЦЫ ПОСТА́: ОТ СРЕДЫ́ ЖЕ СРЕДОПО́СТНЫЯ, ПО Е́ЖЕ РЕЩИ́ СВЯ́ЩЕ́ННИКУ: ДА И ТИ́И С НА́МИ СЛА́ВЯТ: ГЛАГО́ЛЮТСЯ И СИЯ ДИА́КОНСТВА ОТ ДИА́КОНА, НА ПРЕЖДЕОСВЯ́ЩЕ́ННЫХ ТО́ЧИЮ ЛИТУРГИ́АХ, А́ЩЕ И ПРА́ЗДНУЕМЫЙ ДЕ́НЬ, КРОМЕ́ СУББО́Т И НЕДЕ́ЛЬ. ЕЛИ́ЦЫ ОГЛАШЕ́ННИИ, ИЗЫДИ́ТЕ: ОГЛАШЕ́ННИИ, ИЗЫДИ́ТЕ: ЕЛИ́ЦЫ К ПРОСВЕЩЕ́НИЮ, ИЗЫДИ́ТЕ. ПОМОЛИ́ТЕСЯ И́ЖЕ К ПРОСВЕЩЕ́НИЮ. ЛИ́К: ГО́СПОДИ ПОМИ́ЛУЙ. ВЕ́РНИИ, О И́ЖЕ КО СВЯ́ТО́МУ ПРОСВЕЩЕ́НИЮ ГОТО́ВЯЩИХСЯ БРА́ТИЯХ, И СПАСЕ́НИИ И́Х, ГО́СПОДУ ПОМО́ЛИМСЯ. ЛИ́К: ГО́СПОДИ ПОМИ́ЛУЙ. Я́КО ДА ГОСПО́ДЬ БО́Г НА́Ш УТВЕРДИ́Т И́Х И УКРЕПИ́Т. ЛИ́К: ГО́СПОДИ ПОМИ́ЛУЙ. ПРОСВЕТИ́Т И́Х ПРОСВЕЩЕ́НИЕМ РА́ЗУМА И БЛА́ГОЧЕ́СТИЯ. ЛИ́К: ГО́СПОДИ ПОМИ́ЛУЙ. СПОДО́БИТ И́Х ВО ВРЕ́МЯ БЛА́ГОПОТРЕ́БНО БА́НИ ПАКИБЫТИЯ́, ОСТАВЛЕ́НИЯ ГРЕХО́В, И ОДЕ́ЖДИ НЕТЛЕ́НИЯ. ЛИ́К: ГО́СПОДИ ПОМИ́ЛУЙ. ПОРОДИ́Т И́Х ВОДО́Ю И ДУ́ХОМ. ЛИ́К: ГО́СПОДИ ПОМИ́ЛУЙ. ДА́РУЕТ И́М СОВЕРШЕ́НИЕ ВЕ́РЫ. ЛИ́К: ГО́СПОДИ ПОМИ́ЛУЙ. СОПРИЧТЕ́Т И́Х СВЯ́ТО́МУ СВОЕМУ́ И ИЗБРА́ННОМУ СТА́ДУ. ЛИ́К: ГО́СПОДИ ПОМИ́ЛУЙ. СПАСИ́, ПОМИ́ЛУЙ, ЗАСТУПИ́ И СОХРАНИ́ И́Х БО́ЖЕ, ТВОЕ́Ю БЛА́ГОДА́ТИЮ. ЛИ́К: ГО́СПОДИ ПОМИ́ЛУЙ. И́ЖЕ КО ПРОСВЕЩЕ́НИЮ, ГЛАВЫ ВА́ША ГО́СПОДЕВИ ПРИКЛОНИ́ТЕ. ЛИ́К: ТЕБЕ́ ГО́СПОДИ. МОЛИ́ТВА О ГОТО́ВЯЩИХСЯ КО СВЯ́ТО́МУ ПРОСВЕЩЕ́НИЮ: ЯВИ́ ВЛАДЫ́КО ЛИЦЕ́ ТВОЕ́, НА И́ЖЕ КО СВЯ́ТО́МУ ПРОСВЕЩЕ́НИЮ ГОТО́ВЯЩИХСЯ И ЖЕЛА́ЮЩИХ ГРЕХО́ВНУЮ СКВЕ́РНУ ОТТРЯСТИ́: ОЗАРИ́ И́Х ПОМЫШЛЕ́НИЕ, ИЗВЕСТИ́ Я́ В ВЕ́РЕ, УТВЕРДИ́ В НАДЕ́ЖДИ, СОВЕРШИ́ В ЛЮБВИ́, У́ДЫ ЧЕ́СТНЫ ХРИСТА́ ТВОЕГО́ ПОКАЖИ́, ДА́ВШАГО СЕБЕ́ ИЗБАВЛЕ́НИЕ О ДУША́Х НА́ШИХ. ВОЗГЛА́С: Я́КО ТЫ́ ЕСИ́ ПРОСВЕЩЕ́НИЕ НА́ШЕ, И ТЕБЕ́ СЛА́ВУ ВОЗСЫЛА́ЕМ, ОТЦУ́, И СЫ́НУ, И СВЯ́ТО́МУ ДУ́ХУ, НЫ́НЕ И ПРИ́СНО, И ВО ВЕ́КИ ВЕКО́В. ЛИ́К: АМИ́НЬ. ДИА́КОН: ЕЛИ́ЦЫ КО ПРОСВЕЩЕ́НИЮ, ИЗЫДИ́ТЕ: И́ЖЕ КО ПРОСВЕЩЕ́НИЮ, ИЗЫДИ́ТЕ. ЕЛИ́ЦЫ ОГЛАШЕ́ННИИ, ИЗЫДИ́ТЕ: ДА НИ КТО́ ОТ ОГЛАШЕ́ННЫХ, ЕЛИ́ЦЫ ВЕ́РНИИ, ПА́КИ И ПА́КИ МИ́РОМ ГО́СПОДУ ПОМО́ЛИМСЯ. ЛИ́К: ГО́СПОДИ ПОМИ́ЛУЙ. ДА́ЖЕ ДО ЗДЕ́ Я́ЖЕ ОТ СРЕДЫ́ СРЕДОПО́СТНЫЯ. МОЛИ́ТВА ВЕ́РНЫХ ПЕ́РВАЯ: БО́ЖЕ ВЕЛИ́КИЙ И ХВА́ЛЬНЫЙ, И́ЖЕ ЖИВОТВОРЯ́ЩЕЮ ХРИСТА́ ТВОЕГО́ СМЕ́РТИЮ, В НЕТЛЕ́НИЕ НА́С ОТ ТЛЕ́НИЯ ПРЕСТА́ВИВЫЙ, ТЫ́ ВСЯ НАША ЧУВСТВА СТРА́СТНАГО УМЕРЩВЛЕ́НИЯ СВОБОДИ́, БЛА́ГА́ГО ТЕМ ВЛАДЫ́КУ ВНУ́ТРЕННИЙ ПО́МЫСЛ ПРИСТА́ВИВ: И О́КО У́БО ДА НЕПРИО́БЩНО БУ́ДЕТ ВСЯ́КАГО ЛУКА́ВАГО ЗРЕ́НИЯ, СЛУ́Х ЖЕ СЛОВЕСЕ́М ПРАЗДНЫМ НЕВХО́ДЕН, ЯЗЫ́К ЖЕ ДА ОЧИ́СТИТСЯ ОТ ГЛАГО́Л НЕПОДО́БНЫХ. ОЧИ́СТИ ЖЕ НА́ША УСТНЕ́ ХВА́ЛЯЩИЯ ТЯ́ ГО́СПОДИ, РУ́КИ НА́ША СОТВОРИ́ ЗЛЫ́Х У́БО ОША́ЯТИСЯ ДЕЯ́НИЙ, ДЕ́ЙСТВОВАТИ ЖЕ ТО́ЧИЮ Я́ЖЕ ТЕБЕ́ БЛА́ГОУГО́ДНАЯ, ВСЯ НА́ША У́ДЫ И МЫ́СЛЬ ТВОЕ́Ю УТВЕРЖДА́Я БЛА́ГОДА́ТИЮ. ДИА́КОН: ЗАСТУПИ́, СПАСИ́, ПОМИ́ЛУЙ И СОХРАНИ́ НА́С БО́ЖЕ, ТВОЕ́Ю БЛА́ГОДА́ТИЮ. ЛИ́К: ГО́СПОДИ ПОМИ́ЛУЙ. ДИА́КОН: ПРЕМУ́ДРОСТЬ. СВЯ́ЩЕ́ННИК ВОЗГЛАША́ЕТ: Я́КО ПОДОБА́ЕТ ТЕБЕ́ ВСЯ́КАЯ СЛА́ВА, ЧЕ́СТЬ И ПОКЛОНЕ́НИЕ, ОТЦУ́, И СЫ́НУ, И СВЯ́ТО́МУ ДУ́ХУ, НЫ́НЕ И ПРИ́СНО, И ВО ВЕ́КИ ВЕКО́В. ЛИ́К: АМИ́НЬ. ДИА́КОН: ПА́КИ И ПА́КИ МИ́РОМ ГО́СПОДУ ПОМО́ЛИМСЯ. ЛИ́К: ГО́СПОДИ ПОМИ́ЛУЙ. О СВЫ́ШНЕМ МИ́РЕ, И СПАСЕ́НИИ ДУ́Ш НА́ШИХ, ГО́СПОДУ ПОМО́ЛИМСЯ. ЛИ́К: ГО́СПОДИ ПОМИ́ЛУЙ. О МИ́РЕ ВСЕГО́ МИ́РА, БЛА́ГОСТОЯ́НИИ СВЯ́ТЫ́Х БО́ЖИИХ ЦЕ́РКВЕ́Й, И СОЕДИНЕ́НИИ ВСЕ́Х, ГО́СПОДУ ПОМО́ЛИМСЯ. ЛИ́К: ГО́СПОДИ ПОМИ́ЛУЙ. О СВЯ́ТЕ́М ХРА́МЕ СЕ́М, И С ВЕ́РОЮ, БЛА́ГОГОВЕ́НИЕМ И СТРА́ХОМ БО́ЖИИМ ВХОДЯ́ЩИХ ВО́НЬ, ГО́СПОДУ ПОМО́ЛИМСЯ. ЛИ́К: ГО́СПОДИ ПОМИ́ЛУЙ. О ИЗБА́ВИТИСЯ НА́М ОТ ВСЯ́КИЯ СКО́РБИ, ГНЕ́ВА И НУ́ЖДЫ, ГО́СПОДУ ПОМО́ЛИМСЯ. ЛИ́К: ГО́СПОДИ ПОМИ́ЛУЙ. МОЛИ́ТВА ВТОРА́Я ВЕ́РНЫХ: ВЛАДЫ́КО СВЯ́ТЫ́Й ПРЕБЛА́ГИ́Й, МО́ЛИМ ТЯ́, В МИ́ЛОСТИ БОГА́ТАГО, МИ́ЛОСТИВА БЫ́ТИ НА́М ГРЕШНЫМ: И ДОСТО́ЙНЫ НА́С СОТВОРИ́ ПОДЪЯ́ТИЯ ЕДИНОРО́ДНАГО ТВОЕГО́ СЫ́НА И БО́ГА НА́ШЕГО, ЦА́РЯ́ СЛА́ВЫ: СЕ́ БО ПРЕЧИ́СТОЕ ЕГО́ ТЕ́ЛО, И ЖИВОТВОРЯ́ЩАЯ КРО́ВЬ, В НАСТОЯ́ЩИЙ ЧА́С ВХОДЯ́ЩАЯ, НА ТА́ЙНЕЙ СЕ́Й ПРЕДЛОЖИ́ТИСЯ ХО́ЩЕТ ТРАПЕ́ЗЕ, ОТ МНО́ЖЕСТВА ВО́ИНСТВА НЕБЕ́СНАГО НЕВИ́ДИМО ДОРИНОСИ́МА, И́ХЖЕ ПРИЧА́СТИЕ НЕОСУЖДЕ́ННО НА́М ДА́РУЙ, ДА ТЕ́МИ МЫ́СЛЕННЫМ О́КОМ ОЗАРЯ́ЕМИ, СЫ́НОВЕ СВЕ́ТА И ДНЕ́ БУ́ДЕМ. ДИА́КОН: ЗАСТУПИ́, СПАСИ́, ПОМИ́ЛУЙ И СОХРАНИ́ НА́С БО́ЖЕ, ТВОЕ́Ю БЛА́ГОДА́ТИЮ. ЛИ́К: ГО́СПОДИ ПОМИ́ЛУЙ. ДИА́КОН: ПРЕМУ́ДРОСТЬ. СВЯ́ЩЕ́ННИК ВОЗГЛАША́ЕТ: ПО ДА́РУ ХРИСТА́ ТВОЕГО́, С НИ́МЖЕ БЛА́ГОСЛОВЕ́Н ЕСИ́, С ПРЕСВЯ́ТЫ́М И БЛА́ГИ́М И ЖИВОТВОРЯ́ЩИМ ТВОИ́М ДУ́ХОМ, НЫ́НЕ И ПРИ́СНО, И ВО ВЕ́КИ ВЕКО́В. ЛИ́К: АМИ́НЬ. И ПОЕ́ТСЯ: НЫ́НЕ СИЛЫ НЕБЕ́СНЫЯ С НА́МИ НЕВИ́ДИМО СЛУ́ЖАТ: СЕ́ БО ВХО́ДИТ ЦА́РЬ СЛА́ВЫ, СЕ́ ЖЕ́РТВА ТА́ЙНАЯ СОВЕРШЕ́НА ДОРИНО́СИТСЯ: ВЕ́РОЮ И ЛЮБО́ВИЮ ПРИСТУ́ПИМ, ДА ПРИЧАСТНИЦЫ ЖИ́ЗНИ ВЕ́ЧНЫЯ БУ́ДЕМ. АЛЛИЛУ́ИА, АЛЛИЛУ́ИА, АЛЛИЛУ́ИА. СЕМУ́ ЖЕ ПЕВА́ЕМУ, ВХО́ДИТ ДИА́КОН СЕ́ВЕРНОЮ СТРАНО́Ю ВО СВЯ́ТЫ́Й ОЛТА́РЬ И КАДИ́Т СВЯ́ТУ́Ю ТРАПЕ́ЗУ, И СВЯ́ТО́Е ПРЕДЛОЖЕ́НИЕ И СВЯ́ЩЕ́ННИКА, И СТА́ВШЕ ВКУ́ПЕ, ГЛАГО́ЛЮТ: НЫ́НЕ СИЛЫ НЕБЕ́СНЫЯ: ТРИ́ЖДЫ. И ПОКЛОНИ́ВШЕСЯ ТРИ́ЖДЫ, ОТХО́ДЯТ И ПРЕНО́СЯТ СВЯ́ТЫЯ ДА́РЫ ПО ОБЫ́ЧАЮ: ИДУ́ЩЕ ЖЕ НИЧТО́ЖЕ ГЛАГО́ЛЮТ. И ВШЕ́Д ПОЛАГА́ЕТ Я́ СВЯ́ЩЕ́ННИК ПО ОБЫ́ЧАЮ НА СВЯ́ТЕ́Й ТРАПЕ́ЗЕ, И ПОКРЫВА́ЕТ ВОЗДУ́ХОМ, НИЧЕСО́ЖЕ ГЛАГО́ЛЯ НАД НИ́МИ, ТО́ЧИЮ КАДИ́Т Я́. ТА́ЖЕ ДИА́КОН ВЗЕ́М ВРЕ́МЯ, ИСХО́ДИТ НА ОБЫ́ЧНОЕ МЕ́СТО, И ГЛАГО́ЛЕТ ДИА́КОНСТВА: ИСПО́ЛНИМ ВЕЧЕ́РНЮЮ МОЛИ́ТВУ НА́ШУ ГО́СПОДЕВИ. ЛИ́К: ГО́СПОДИ ПОМИ́ЛУЙ. О ПРЕДЛОЖЕ́ННЫХ И ПРЕЖДЕОСВЯ́ЩЕ́ННЫХ ЧЕ́СТНЫ́Х ДАРЕ́Х, ГО́СПОДУ ПОМО́ЛИМСЯ. ЛИ́К: ГО́СПОДИ ПОМИ́ЛУЙ. Я́КО ДА ЧЕЛОВЕКОЛЮ́БЕЦ БО́Г НА́Ш, ПРИЕ́М Я́ ВО СВЯ́ТЫ́Й, И ПРЕНЕБЕ́СНЫЙ, И МЫ́СЛЕННЫЙ СВО́Й ЖЕ́РТВЕННИК, В ВОНЮ́ БЛАГОУХА́НИЯ ДУ́ХО́ВНАГО, ВОЗНИСПО́СЛЕТ НА́М БО́ЖЕ́СТВЕННУЮ БЛА́ГОДА́ТЬ, И ДА́Р СВЯ́ТА́ГО ДУ́ХА, ПОМО́ЛИМСЯ. ЛИ́К: ГО́СПОДИ ПОМИ́ЛУЙ. О ИЗБА́ВИТИСЯ НА́М ОТ ВСЯ́КИЯ СКО́РБИ, ГНЕ́ВА И НУ́ЖДЫ, ГО́СПОДУ ПОМО́ЛИМСЯ. ЛИ́К: ГО́СПОДИ ПОМИ́ЛУЙ. СВЯ́ЩЕ́ННИК МО́ЛИТСЯ: И́ЖЕ НЕИЗРЕЧЕ́ННЫХ И НЕВИ́ДИМЫХ ТАИН БО́ЖЕ, У НЕГО́ЖЕ СУ́ТЬ СОКРО́ВИЩА ПРЕМУ́ДРОСТИ И РА́ЗУМА УТАЕ́НА: И́ЖЕ СЛУЖЕ́НИЕ СЛУ́ЖБЫ СЕЯ́ ОТКРЫ́ВЫЙ НА́М, И ПОЛОЖИ́ВЫЙ НА́С ГРЕ́ШНЫХ ЗА МНО́ГОЕ ТВОЕ́ Ч30КОЛЮ́БИЕ, ВО Е́ЖЕ ПРИНОСИ́ТИ ТЕБЕ́ ДА́РЫ ЖЕ И ЖЕ́РТВЫ О НА́ШИХ ГРЕСЕ́Х, И О ЛЮДСКИ́Х НЕВЕ́ДЕНИИХ: СА́М НЕВИ́ДИМЫЙ ЦА́РЮ́, ТВОРЯ́Й ВЕЛИКАЯ И НЕИЗСЛЕ́ДОВАННАЯ, СЛАВНАЯ ЖЕ И ИЗРЯДНАЯ, И́МЖЕ НЕ́СТЬ ЧИСЛА́, ПРИ́ЗРИ НА НЫ́ НЕДОСТО́ЙНЫЯ РАБЫ ТВОЯ, И́ЖЕ СВЯ́ТО́МУ СЕМУ́ ЖЕ́РТВЕННИКУ А́КИ ХЕРУВИ́МСКОМУ ТВОЕМУ́ ПРЕДСТОЯ́ЩИЯ ПРЕСТО́ЛУ НА НЕ́МЖЕ ЕДИНОРО́ДНЫЙ ТВО́Й СЫ́Н И БО́Г НА́Ш, ПРЕДЛЕЖА́ЩИМИ СТРА́ШНЫМИ ПОЧИВА́ЕТ ТА́ИНСТВЫ, И ВСЯ́КИЯ НА́С, И ВЕРНЫЯ ЛЮ́ДИ ТВОЯ, СВОБОДИ́В НЕЧИСТОТЫ́, ОСВЯ́ТИ́ ВСЕ́Х НА́С ДУ́ШИ И ТЕЛЕСА́, ОСВЯ́ЩЕ́НИЕМ НЕОТЕ́МЛЕМЫМ: ДА ЧИ́СТОЮ СО́ВЕСТИЮ, НЕПОСРА́МЛЕННЫМ ЛИЦЕ́М, ПРОСВЕЩЕ́ННЫМ СЕ́РДЦЕМ, БО́ЖЕ́СТВЕННЫХ СИ́Х ПРИЧАЩА́ЮЩЕСЯ СВЯ́ТЫ́НЬ, И ОТ НИ́Х ОЖИВОТВОРЯ́ЕМИ, СОЕДИНИ́МСЯ САМОМУ́ ХРИСТУ́ ТВОЕМУ́, И́СТИННОМУ БО́ГУ НА́ШЕМУ, РЕ́КШЕМУ: ЯДЫ́Й ПЛО́ТЬ МОЮ́, И ПИЯ́Й КРО́ВЬ МОЮ́, ВО МНЕ́ ПРЕБЫВА́ЕТ, И А́З В НЕ́М, Я́КО ДА ВСЕ́ЛЬШУСЯ В НА́С, И ХОДЯ́ЩУ СЛО́ВУ ТВОЕМУ́ ГО́СПОДИ, БУ́ДЕМ ХРА́М ПРЕСВЯ́ТА́ГО И ПОКЛАНЯ́ЕМАГО ТВОЕГО́ ДУ́ХА, ИЗБА́ВЛЕНИ ВСЯ́КИЯ ДИА́ВОЛЬСКИЯ КО́ЗНИ, ДЕЯ́НИЕМ, ИЛИ́ СЛО́ВОМ, ИЛИ́ МЫ́СЛИЮ ДЕ́ЙСТВУЕМЫЯ, И ПОЛУЧИ́М ОБЕТОВАННАЯ НА́М БЛА́ГАЯ, СО ВСЕ́МИ СВЯ́ТЫ́МИ ТВОИ́МИ, ОТ ВЕ́КА ТЕБЕ́ БЛА́ГОУГОДИ́ВШИМИ. ДИА́КОН: ЗАСТУПИ́, СПАСИ́, ПОМИ́ЛУЙ И СОХРАНИ́ НА́С БО́ЖЕ, ТВОЕ́Ю БЛА́ГОДА́ТИЮ. ЛИ́К: ГО́СПОДИ ПОМИ́ЛУЙ. ВЕ́ЧЕРА ВСЕГО́ СОВЕРШЕ́ННА, СВЯ́ТА, МИ́РНА И БЕЗГРЕ́ШНА, У ГО́СПОДА ПРО́СИМ. ЛИ́К: ПОДА́Й ГО́СПОДИ. А́НГЕЛА МИ́РНА, ВЕ́РНА НАСТА́ВНИКА, ХРАНИ́ТЕЛЯ ДУ́Ш И ТЕЛЕ́С НА́ШИХ, У ГО́СПОДА ПРО́СИМ. ЛИ́К: ПОДА́Й ГО́СПОДИ. ПРОЩЕ́НИЯ И ОСТАВЛЕ́НИЯ ГРЕХО́В И ПРЕГРЕШЕ́НИЙ НА́ШИХ, У ГО́СПОДА ПРО́СИМ. ЛИ́К: ПОДА́Й ГО́СПОДИ. ДО́БРЫХ И ПОЛЕ́ЗНЫХ ДУША́М НА́ШИМ, И МИ́РА МИ́РОВИ, У ГО́СПОДА ПРО́СИМ. ЛИ́К: ПОДА́Й ГО́СПОДИ. ПРО́ЧЕЕ ВРЕ́МЯ ЖИВОТА́ НА́ШЕГО В МИ́РЕ И ПОКАЯ́НИИ СКОНЧА́ТИ, У ГО́СПОДА ПРО́СИМ. ЛИ́К: ПОДА́Й ГО́СПОДИ. ХРИСТИА́НСКИЯ КОНЧИ́НЫ ЖИВОТА́ НА́ШЕГО, БЕЗБОЛЕ́ЗНЕНЫ, НЕПОСТЫ́ДНЫ, МИ́РНЫ И ДО́БРАГО ОТВЕ́ТА НА СТРА́ШНЕМ СУДИ́ЩИ ХРИСТО́ВЕ ПРО́СИМ. ЛИ́К: ПОДА́Й ГО́СПОДИ. СОЕДИНЕ́НИЕ ВЕ́РЫ, И ПРИЧА́СТИЕ СВЯ́ТА́ГО ДУ́ХА ИСПРОСИ́ВШЕ, СА́МИ СЕБЕ́, И ДРУГЪДРУ́ГА, И ВЕ́СЬ ЖИВО́Т НА́Ш ХРИСТУ́ БО́ГУ ПРЕДАДИ́М. ЛИ́К: ТЕБЕ́ ГО́СПОДИ. СВЯ́ЩЕ́ННИК ВОЗГЛАША́ЕТ: И СПОДО́БИ НА́С ВЛАДЫ́КО, СО ДЕРЗНОВЕ́НИЕМ НЕОСУЖДЕ́ННО СМЕ́ТИ ПРИЗЫВА́ТИ ТЕБЕ́ НЕБЕ́СНАГО БО́ГА ОТЦА́, И ГЛАГО́ЛАТИ. ЛЮ́ДИЕ: О́ТЧЕ НА́Ш: СВЯ́ЩЕ́ННИК ВОЗГЛАША́ЕТ: Я́КО ТВОЕ́ Е́СТЬ ЦА́РСТВО, И СИ́ЛА, И СЛА́ВА, ОТЦА́, И СЫ́НА, И СВЯ́ТА́ГО ДУ́ХА, НЫ́НЕ И ПРИ́СНО, И ВО ВЕ́КИ ВЕКО́В. ЛИ́К: АМИ́НЬ. СВЯ́ЩЕ́ННИК: МИ́Р ВСЕМ. ЛИ́К: И ДУ́ХОВИ ТВОЕМУ́. ДИА́КОН: ГЛАВЫ НА́ША ГО́СПОДЕВИ ПРИКЛО́НИМ. ЛИ́К: ТЕБЕ́ ГО́СПОДИ. СВЯ́ЩЕ́ННИК ПРЕКЛОНЯ́СЯ МО́ЛИТСЯ: БО́ЖЕ, ЕДИ́НЫЙ БЛА́ГИ́Й И БЛА́ГОУТРО́БНЫЙ, И́ЖЕ В ВЫСО́КИХ ЖИВЫ́Й И НА СМИРЕ́ННЫЯ ПРИЗИРА́ЯЙ: ПРИ́ЗРИ БЛАГОУТРО́БНЫМ О́КОМ НА ВСЯ ЛЮ́ДИ ТВОЯ, И СОХРАНИ́ И́Х, И СПОДО́БИ ВСЯ НЫ́ НЕОСУЖДЕ́ННО ПРИЧАСТИ́ТИСЯ ЖИВОТВОРЯ́ЩИХ ТВОИ́Х СИ́Х ТАИН: ТЕБЕ́ БО СВОЯ ПОДКЛОНИ́ХОМ ГЛАВЫ, ЧА́ЮЩЕ ОТ ТЕБЕ́ БОГА́ТЫЯ МИ́ЛОСТИ. ВОЗГЛА́С: БЛА́ГОДА́ТИЮ И ЩЕДРО́ТАМИ И ЧЕЛОВЕКОЛЮ́БИЕМ ЕДИНОРО́ДНАГО СЫ́НА ТВОЕГО́, С НИ́МЖЕ БЛА́ГОСЛОВЕ́Н ЕСИ́, С ПРЕСВЯ́ТЫ́М, И БЛА́ГИ́М, И ЖИВОТВОРЯ́ЩИМ ТВОИ́М ДУ́ХОМ, НЫ́НЕ И ПРИ́СНО, И ВО ВЕ́КИ ВЕКО́В. ЛИ́К: АМИ́НЬ. СВЯ́ЩЕ́ННИК МО́ЛИТСЯ: ВОНМИ́, ГО́СПОДИ ИИСУ́СЕ ХРИСТЕ́ БО́ЖЕ НА́Ш, ОТ СВЯ́ТА́ГО ЖИЛИ́ЩА ТВОЕГО́, И ОТ ПРЕСТО́ЛА СЛА́ВЫ ЦА́РСТВИЯ ТВОЕГО́, И ПРИИДИ́ ВО Е́ЖЕ ОСВЯ́ТИ́ТИ НА́С, И́ЖЕ ГОРЕ́ ОТЦУ́ СОСЕДЯ́Й, И ЗДЕ́ НА́М НЕВИ́ДИМО СПРЕБЫВА́ЯЙ, И СПОДО́БИ ДЕРЖА́ВНОЮ ТВОЕ́Ю РУКО́Ю ПРЕПОДА́ТИ НА́М ПРЕЧИ́СТОЕ ТЕ́ЛО ТВОЕ́ И ЧЕ́СТНУ́Ю КРО́ВЬ, И НА́МИ ВСЕМ ЛЮ́ДЕМ. ПО МОЛИ́ТВЕ ЖЕ СВЯ́ЩЕ́ННИК И ДИА́КОН ПОКЛАНЯ́ЮТСЯ ТРИ́ЖДЫ, ГЛАГО́ЛЮЩЕ: БО́ЖЕ, ОЧИ́СТИ МЯ́ ГРЕ́ШНАГО. СВЯ́ЩЕ́ННИК ЖЕ, ПОКРОВЕ́ННЫМ СУ́ЩИМ БО́ЖЕ́СТВЕННЫМ ДАРО́М, ВЛОЖИ́В РУ́КУ, КАСА́ЕТСЯ ЖИВОТВОРЯ́ЩАГО ХЛЕ́БА СО БЛА́ГОГОВЕ́НИЕМ И СТРА́ХОМ МНО́ГИМ. И ГЛАГО́ЛЮЩУ ДИА́КОНУ: ВО́НМЕМ. ВОЗГЛАША́ЕТ СВЯ́ЩЕ́ННИК: ПРЕЖДЕОСВЯ́ЩЕ́ННАЯ СВЯ́ТАЯ СВЯ́ТЫМ. ЛИ́К: ЕДИ́Н СВЯ́Т: ТА́ЖЕ СВЯ́ЩЕ́ННИК ОТЛАГА́ЕТ СВЯ́ТЫ́Й ВОЗДУ́Х, И ТВОРИ́Т ПО ОБЫ́ЧАЮ СВЯ́ТО́Е ПРИЧА́СТИЕ БО́ЖЕ́СТВЕННЫХ ДАРО́В. ЛИ́К ЖЕ ПОЕ́Т КИНОНИ́К: ВКУСИ́ТЕ И ВИ́ДИТЕ, Я́КО БЛА́Г ГОСПО́ДЬ: АЛЛИЛУ́ИА, АЛЛИЛУ́ИА, АЛЛИЛУ́ИА. [А́ЩЕ СВЯ́ТА́ГО, ИЛИ́ ХРА́МА ЧТЕ́Н АПО́СТОЛ И ЕВА́НГЕЛИЕ, И ДРУГИ́Й КИНОНИ́К ПОЕ́ТСЯ, И́ЖЕ УКА́ЗАН.] ПО СВЯ́ТО́М ЖЕ ПРИЧАЩЕ́НИИ СВЯ́ЩЕ́ННИК МО́ЛИТСЯ ТА́ЙНО: БЛА́ГОДАРИ́М ТЯ́ СПА́СА ВСЕ́Х БО́ГА О ВСЕ́Х, И́ХЖЕ ПОДА́Л ЕСИ́ НА́М БЛА́ГИ́Х, И О ПРИЧА́СТИИ СВЯ́ТА́ГО ТЕ́ЛА И КРО́ВЕ ХРИСТА́ ТВОЕГО́, И МО́ЛИМ ТИ СЯ ВЛАДЫ́КО Ч30КОЛЮ́БЧЕ, СОХРАНИ́ НА́С ПОД КРО́ВОМ КРИЛУ́ ТВОЕ́Ю, И ДА́ЖДЬ НА́М ДА́ЖЕ ДО ПОСЛЕ́ДНЯГО НА́ШЕГО ИЗДЫХА́НИЯ, ДОСТО́ЙНЕ ПРИЧАЩА́ТИСЯ СВЯ́ТЫ́НЬ ТВОИ́Х, В ПРОСВЕЩЕ́НИЕ ДУШИ́ И ТЕ́ЛА, В ЦА́РСТВА НЕБЕ́СНАГО НАСЛЕ́ДИЕ. ДИА́КОН ЖЕ СПРЯ́ТАВ СВЯ́ТАЯ ПО ОБЫ́ЧАЮ, И ВЗЕ́М СВЯ́ТЫ́Й ПОТИ́РЬ, ГЛАГО́ЛЕТ: СО СТРА́ХОМ БО́ЖИИМ, И ВЕ́РОЮ ПРИСТУПИ́ТЕ. ЛИ́К ЖЕ ПОЕ́Т: БЛА́ГОСЛОВЛЮ́ ГО́СПОДА НА ВСЯ́КОЕ ВРЕ́МЯ, ХВАЛА́ ЕГО́ ВО УСТЕ́Х МОИ́Х: ХЛЕ́Б НЕБЕ́СНЫЙ, И ЧА́ШУ ЖИ́ЗНИ ВКУСИ́ТЕ, И ВИ́ДИТЕ, Я́КО БЛА́Г ГОСПО́ДЬ. АЛЛИЛУ́ИА, АЛЛИЛУ́ИА, АЛЛИЛУ́ИА. ПОСЕ́М СВЯ́ЩЕ́ННИК ГЛАГО́ЛЕТ: СПАСИ́ БО́ЖЕ ЛЮ́ДИ ТВОЯ, И БЛАГОСЛО́ВИ́ ДОСТОЯ́НИЕ ТВОЕ́. И ПОКАДИ́В СВЯ́ТАЯ, ОТДАЕ́Т КАДИ́ЛО ДИА́КОНУ: И ВЗЕ́М СВЯ́ТЫ́Й ДИ́СКОС ПОСТАВЛЯ́ЕТ НА ГЛАВУ́ ДИА́КОНЮ И ДИА́КОН ВЗЕ́М И́ СО БЛА́ГОГОВЕ́НИЕМ, ЗРЯ́ ВНЕ́ В ДВЕ́РИ, НИЧТО́ЖЕ ГЛАГО́ЛЯ, ОТХО́ДИТ КО ПРЕДЛОЖЕ́НИЮ, И ПОСТАВЛЯ́ЕТ И́. СВЯ́ЩЕ́ННИК ЖЕ ПОКЛОНИ́ВСЯ, ВЗЕ́М СВЯ́ТЫ́Й ПОТИ́РЬ, И ОБРА́ЩЬСЯ В ДВЕ́РИ, ЗРИ́Т К ЛЮ́ДЕМ, ГЛАГО́ЛЯ ТА́ЙНО: БЛА́ГОСЛОВЕ́Н БО́Г НА́Ш: И ВОЗГЛА́СНО: ВСЕГДА́, НЫ́НЕ И ПРИ́СНО, И ВО ВЕ́КИ ВЕКО́В. И ОТНО́СЯТ СВЯ́ТАЯ К ЖЕ́РТВЕННИКУ. ЛИ́К: АМИ́НЬ. ДА ИСПО́ЛНЯТСЯ УСТА́ НА́ША ХВАЛЕ́НИЯ ТВОЕГО́ ГО́СПОДИ, Я́КО ДА ПОЕ́М СЛА́ВУ ТВОЮ́, Я́КО СПОДО́БИЛ ЕСИ́ НА́С ПРИЧАСТИ́ТИСЯ СВЯ́ТЫМ ТВОИМ, БО́ЖЕ́СТВЕННЫМ, БЕЗСМЕ́РТНЫМ И ЖИВОТВОРЯ́ЩИМ ТА́ЙНАМ: СОБЛЮДИ́ НА́С ВО ТВОЕ́Й СВЯ́ТЫ́НИ, ВЕ́СЬ ДЕ́НЬ ПОУЧА́ТИСЯ ПРА́ВДЕ ТВОЕ́Й. АЛЛИЛУ́ИА, АЛЛИЛУ́ИА, АЛЛИЛУ́ИА. ДИА́КОН ГЛАГО́ЛЕТ: ПРО́СТИ ПРИИ́МШЕ БО́ЖЕ́СТВЕННЫХ, СВЯ́ТЫ́Х, ПРЕЧИ́СТЫХ, БЕЗСМЕ́РТНЫХ, НЕБЕ́СНЫХ И ЖИВОТВОРЯ́ЩИХ СТРА́ШНЫХ ХРИСТО́ВЫХ ТАИН, ДОСТО́ЙНО БЛА́ГОДАРИ́М ГО́СПОДА. ЛИ́К: ГО́СПОДИ ПОМИ́ЛУЙ. ЗАСТУПИ́, СПАСИ́, ПОМИ́ЛУЙ И СОХРАНИ́ НА́С БО́ЖЕ, ТВОЕ́Ю БЛА́ГОДА́ТИЮ. ЛИ́К: ГО́СПОДИ ПОМИ́ЛУЙ. ВЕ́ЧЕРА ВСЕГО́ СОВЕРШЕ́ННА, СВЯ́ТА, МИ́РНА И БЕЗГРЕ́ШНА ИСПРОСИ́ВШЕ, СА́МИ СЕБЕ́, И ДРУГЪДРУ́ГА, И ВЕ́СЬ ЖИВО́Т НА́Ш ХРИСТУ́ БО́ГУ ПРЕДАДИ́М. ЛИ́К: ТЕБЕ́ ГО́СПОДИ. СВЯ́ЩЕ́ННИК ВОЗГЛАША́ЕТ: Я́КО ТЫ́ ЕСИ́ ОСВЯ́ЩЕ́НИЕ НА́ШЕ, И ТЕБЕ́ СЛА́ВУ ВОЗСЫЛА́ЕМ, ОТЦУ́, И СЫ́НУ, И СВЯ́ТО́МУ ДУ́ХУ, НЫ́НЕ И ПРИ́СНО, И ВО ВЕ́КИ ВЕКО́В. ЛИ́К: АМИ́НЬ. ИЕРЕ́Й: С МИ́РОМ ИЗЫ́ДЕМ. ЛИ́К: О И́МЕНИ ГОСПО́ДНИ. ДИА́КОН: ГО́СПОДУ ПОМО́ЛИМСЯ. ЛИ́К: ГО́СПОДИ ПОМИ́ЛУЙ. МОЛИ́ТВА ЗААМВО́ННАЯ ВОЗГЛАША́ЕМАЯ: ВЛАДЫ́КО ВСЕДЕРЖИ́ТЕЛЮ, И́ЖЕ ВСЮ́ ТВА́РЬ ПРЕМУ́ДРОСТИЮ СОДЕ́ЛАВ, И НЕИЗРЕЧЕ́ННЫМ ТВОИ́М ПРО́МЫСЛОМ И МНО́ГОЮ БЛА́ГОСТИЮ ВВЕДЫ́Й НА́С В ПРЕЧЕСТНЫЯ ДНИ СИЯ, КО ОЧИЩЕ́НИЮ ДУША́М И ТЕ́ЛОМ, К ВОЗДЕРЖА́НИЮ СТРАСТЕ́Й, К НАДЕ́ЖДИ ВОСКРЕ́СНИЯ: И́ЖЕ ЧЕТЫ́РЕДЕСЯТЬМИ ДЕ́НЬМИ СКРИЖАЛИ ВРУЧИ́В, БОГОНАЧЕРТАННАЯ ПИ́СМЕНА, УГО́ДНИКУ ТВОЕМУ́ МОИСЕ́ОВИ, ПОДА́ЖДЬ И НА́М БЛА́ЖЕ, ПО́ДВИГОМ ДО́БРЫМ ПОДВИЗА́ТИСЯ, ТЕЧЕ́НИЕ ПОСТА́ СОВЕРШИ́ТИ, ВЕ́РУ НЕРАЗДЕ́ЛЬНУ СОБЛЮСТИ́, ГЛАВЫ НЕВИ́ДИМЫХ ЗМИЕ́В СОКРУШИ́ТИ, ПОБЕДИ́ТЕЛЕМ ЖЕ ГРЕХА́ ЯВИ́ТИСЯ, И НЕОСУЖДЕ́ННО ДОСТИ́ГНУТИ ПОКЛОНИ́ТИСЯ И СВЯ́ТО́МУ ВОСКРЕ́СНИЮ. Я́КО БЛА́ГОСЛОВИ́СЯ, И ПРОСЛА́ВИСЯ ПРЕЧЕ́СТНО́Е И ВЕЛИКОЛЕ́ПОЕ И́МЯ ТВОЕ́, ОТЦА́, И СЫ́НА, И СВЯ́ТА́ГО ДУ́ХА, НЫ́НЕ И ПРИ́СНО, И ВО ВЕ́КИ ВЕКО́В. ЛИ́К: АМИ́НЬ. БУ́ДИ И́МЯ ГОСПО́ДНЕ БЛА́ГОСЛОВЕ́НО: ТРИ́ЖДЫ. СЛА́ВА, И НЫ́НЕ, ПСАЛО́М 33: БЛА́ГОСЛОВЛЮ́ ГО́СПОДА: МОЛИ́ТВА ГЛАГО́ЛЕМА, ВНЕГДА́ ПОТРЕБИ́ТИ СВЯ́ТАЯ: ГО́СПОДИ БО́ЖЕ НА́Ш, ВВЕДЫ́Й НА́С ВО ВСЕЧЕ́СТНЫЯ ДНИ СИЯ, И О́БЩНИКИ НА́С СОТВОРИ́В СТРА́ШНЫХ ТВОИ́Х ТАИН, СОВОКУПИ́ НА́С СЛОВЕ́СНОМУ ТВОЕМУ́ СТА́ДУ, И НАСЛЕ́ДНИКИ ПОКАЖИ́ ЦА́РСТВИЯ ТВОЕГО́, НЫ́НЕ И ПРИ́СНО, И ВО ВЕ́КИ ВЕКО́В, АМИ́НЬ. СВЯ́ЩЕ́ННИК ЖЕ ИСХО́ДИТ, И СТА́В НА ОБЫ́ЧНОМ МЕ́СТЕ, РАЗДАЕ́Т АНТИ́ДОР. ПО СКОНЧА́НИИ ЖЕ ПСАЛМА́ И РАЗДАЯ́НИИ АНТИ́ДОРА, ГЛАГО́ЛЕТ: БЛАГОСЛОВЕ́НИЕ ГОСПО́ДНЕ НА ВА́С, ТОГО́ БЛА́ГОДА́ТИЮ И Ч30КОЛЮ́БИЕМ, ВСЕГДА́, НЫ́НЕ И ПРИ́СНО, И ВО ВЕ́КИ ВЕКО́В. ЛИ́К: АМИ́НЬ. СВЯ́ЩЕ́ННИК: СЛА́ВА ТЕБЕ́ ХРИСТЕ́ БО́ЖЕ, УПОВА́НИЕ НА́ШЕ, СЛА́ВА ТЕБЕ́. ЛИ́К: СЛА́ВА, И НЫ́НЕ: ГО́СПОДИ ПОМИ́ЛУЙ, ТРИ́ЖДЫ. БЛА́ГОСЛОВИ́. СВЯ́ЩЕ́ННИК: ХРИСТО́С И́СТИННЫЙ БО́Г НА́Ш, МОЛИ́ТВАМИ ПРЕЧИ́СТЫЯ СВОЕЯ́ МА́ТЕРЕ: И ПРО́ЧАЯ ПО ДНИ́, И СВЯ́ТА́ГО, ИМЯРЕК, ЕГО́ЖЕ Е́СТЬ ДЕ́НЬ. И И́ЖЕ ВО СВЯ́ТЫ́Х ОТЦА́ НА́ШЕГО ГРИГО́РИА ДВОЕСЛО́ВА, И ВСЕ́Х СВЯ́ТЫ́Х, ПОМИ́ЛУЕТ И СПАСЕ́Т НА́С, Я́КО БЛА́Г И ЧЕЛОВЕКОЛЮ́БЕЦ. СИ́ЦЕ ЖЕ ТВОРИ́Т ОТПУ́СТ ДО СТРАСТНЫ́Я СЕДМИ́ЦЫ: ВО СТРАСТНУ́Ю БО СЕДМИ́ЦУ СВО́Й ОТПУ́СТ ГЛАГО́ЛЕТСЯ. ПО ОТПУ́СТЕ ЖЕ, МОЛИТВЫ БЛА́ГОДАРНЫЯ. НЫ́НЕ ОТПУЩА́ЕШИ: ТРИСВЯ́ТО́Е. ПО О́ТЧЕ НА́Ш: ТРОПА́РЬ, ГЛА́С 4: И́ЖЕ ОТ БО́ГА СВЫ́ШЕ БО́ЖЕ́СТВЕННУЮ БЛА́ГОДА́ТЬ ВОСПРИЕ́М, СЛА́ВНЕ ГРИГО́РИЕ, И ТОГО́ СИ́ЛОЮ УКРЕПЛЯ́ЕМЬ, ЕВА́НГЕЛЬСКИ ШЕ́СТВОВАТИ ИЗВО́ЛИЛ ЕСИ́. ОТОНУ́ДУЖЕ У ХРИСТА́ ВОЗМЕ́ЗДИЕ ТРУДО́В ПРИЯ́Л ЕСИ́ ВСЕБЛА́ЖЕ́ННЕ: ЕГО́ЖЕ МОЛИ́, ДА СПАСЕ́Т ДУ́ШИ НА́ША. СЛА́ВА, КОНДА́К, ГЛА́С 3: ПОДОБОНАЧА́ЛЬНИК ПОКАЗА́ЛСЯ ЕСИ́ НАЧА́ЛЬНИКА ПА́СТЫРЕМ ХРИСТА́, И́НОКОВ ЧРЕДЫ, О́ТЧЕ ГРИГО́РИЕ, КО ОГРА́ДЕ НЕБЕ́СНЕЙ НАСТАВЛЯ́Я, И ОТТУ́ДУ НАУЧИ́Л ЕСИ́ СТА́ДО ХРИСТО́ВО ЗА́ПОВЕДЕМ ЕГО́: НЫ́НЕ ЖЕ С НИ́МИ РА́ДУЕШИСЯ, И ЛИКУ́ЕШИ В НЕБЕ́СНЫХ КРО́ВЕХ. И НЫ́НЕ, БОГОРО́ДИЧЕН: ПРЕДСТА́ТЕЛЬСТВО ХРИСТИА́Н НЕПОСТЫ́ДНОЕ, ХОДА́ТАЙСТВО КО ТВОРЦУ́ НЕПРЕЛО́ЖНОЕ, НЕ ПРЕ́ЗРИ ГРЕ́ШНЫХ МОЛЕ́НИЙ ГЛА́СЫ: НО ПРЕДВАРИ́ Я́КО БЛА́ГА́Я НА ПО́МОЩЬ НА́С, ВЕ́РНО ЗОВУ́ЩИХ ТИ́: УСКОРИ́ НА МОЛИ́ТВУ, И ПОТЩИ́СЯ НА УМОЛЕ́НИЕ, ПРЕДСТА́ТЕЛЬСТВУЮЩИ ПРИ́СНО БОГОРО́ДИЦЕ, ЧТУ́ЩИХ ТЯ́. КОНЕ́Ц БО́ЖЕ́СТВЕННЫЯ ЛИТУРГИ́И ПРЕЖДЕОСВЯ́ЩЕ́ННЫХ.