[ГЛАВА 24] О ВЖИГАНИИ СВЕЩ, КАКО ПОДОБАЕТ В

[ГЛАВА 24] О ВЖИГАНИИ СВЕЩ, КАКО ПОДОБАЕТ В ЦЕРКВИ ВЖИГАТИ, В НЕДЕЛЮ, И НА ПРАЗДНИКИ ХРИСТОВЫ, И БОГОРОДИЦЫ, И СВЯТЫХ, И ПРОЧИЯ ДНИ. НА МАЛЕЙ ВЕЧЕРНИ, ПО БЛАГОСЛОВЕНИИ ИЕРЕЕВЕ, ДОЛЖНО ЕСТЬ ВЖИГАТИ СВЕЩУ ПРЕД ОБРАЗОМ СПАСА ХРИСТА, И ЕГОЖЕ ЕСТЬ ХРАМ НА ДЕСНЕЙ СТРАНЕ, И ПРЕД ОБРАЗОМ ПРЕСВЯТЫЯ БОГОРОДИЦЫ НА ЛЕВОЙ СТРАНЕ, И ПРЕД АНАЛОГИЕМ: УГАШАТИ ЖЕ СИХ НА ОТПУСТЕ ВЕЧЕРНЕМ. НА ВЕЛИЦЕЙ ЖЕ ВЕЧЕРНИ, ПРЕЖДЕ КАЖДЕНИЯ ИЕРЕЕВА, ДОЛЖНО ЕСТЬ ВЖИГАТИ СВЕЩИ ЯКОЖЕ УКАЗАСЯ НА МАЛЕЙ ВЕЧЕРНИ, И ПРЕД ВЛАДЫЧНИМ ОБРАЗОМ В ТЯБЛЕ, АЩЕ ИМАТЬ СВЯТЫЙ БДЕНИЕ. И ПО 1-М АНТИФОНЕ КАФИСМЫ, В НАЧАЛЕ ГОСПОДИ ВОЗЗВАХ, ВЖИГАТИ И ПРОЧИЯ СВЕЩИ: УГАШАТИ ЖЕ НА КОНЕЧНОМ ТРИСВЯТОМ. НА УТРЕНИ, НА БОГ ГОСПОДЬ, ПОДОБАЕТ ВЖИГАТИ СВЕЩИ, ЯКОЖЕ ПРЕЖДЕ ИЗЪЯВИСЯ. В НАЧАЛЕ ЖЕ ПОЛИЕЛЕА ПОДОБАЕТ ВЖИГАТИ ВСЯ СВЕЩИ, И ОСТАВЛЯТИ Я ГОРЕТИ ДО СКОНЧАНИЯ 3 ПЕСНИ, И ТОГДА ПАКИ ПОГАШАТИ Я. И НА 8 ПЕСНИ ВЖИГАЕМ ПАКИ ВСЯ, И ОСТАВЛЯЕМ Я ГОРЕТИ ДО КОНЦА ВЕЛИКАГО СЛАВОСЛОВИЯ. НА ЛИТУРГИИ, ПРЕЖДЕ НАЧАЛА ЛИТУРГИИ, ВО ОЛТАРЕ ВЖИГАТИ СВЕЩУ НА ЖЕРТВЕННИЦЕ. И ЕГДА ИЕРЕЙ ОБЛАЧИТСЯ В РИЗЫ, И ПРИСПЕВШУ ВРЕМЕНИ ЗВОНА, ПРЕЖДЕ ВЖИГАТИ СВЕЩУ НА ПРЕСТОЛЕ, ТАЖЕ В ЦЕРКВИ, ЯКОЖЕ ПРЕДРЕЧЕСЯ. В НАЧАЛЕ ЖЕ СВЯТАГО ЕВАНГЕЛИА, ВЖИГАТИ ВСЯ СВЕЩИ, И ОСТАВЛЯТИ Я ГОРЕТИ ДО ЗААМВОННЫЯ МОЛИТВЫ.