308
Месяц август
На хвалйтех стихиры святаго на 4, глас 4.
Подобен: Дал еси знамение:
Дал еси притчу терпения и мужества,/ Пребла-
гим Господи,/ праведнаго Лаврентия и многочу-
деснаго,/ добродетельми, и словесы, и делы сия-
юща, / целомудрием украшаема и кротостию. / Тем
Твое неизреченное смотрение славим,/ Иисусе
Всесйльне/ и Спасе душ наших.
Праведен и незлобив, / истинен же и непорочен
и верен,/ уклонялся от всякия злобныя вещи,/
показался еси, Лаврентие блаженне,/ просвещен
добродетельми и благочестием сияя./ Тем тя
ублажаем / и святбе твое и честное днесь праздну-
ем успение,/ радующеся, Богомудре.
Целомудрием и благоверием, / яко багряницею
многоценною, одеявся, Лаврентие, / правдою же и
кротостию,/ яко божественным венцем, увязлся
еси,/ со страждущими Христа ради царствовати
возжелел еси./ И ныне Царю сил предстоящи,/
Иисусу Всемилостивому и Спасу душ наших.
Слава, глас 8:
Добродетелей твоих, Богомудре, исправления/
уясниша верных сердца,/ кто бо, слышав безмер-
ное твое смирение и терпение, не удивится,/ еже
ко всем кротость и незлобие,/ к скорбящим
милование / и к сущим в бедах скорое поможение, /
в путь шествующим благое поспешение/ и к
плавающим немятежное пристанище,/ вся бого-
лепно предварил еси, досточудне Лаврентие. / И
ныне неувядаемым увязлся еси венцем от руки
Вседержителя Бога, / Б гоже моли спастйся душам
нашим.
И ныне, Богородичен:
Все упование мое на Тя возлагаю,/ Мати Б6-
жия,/ сохрани мя под кровом Твоим.
Славословие великое. Ектений. И отпуст.
На Литургии служба праздника и преподобнаго.
Молитва
О святый и Богопрославленный праведниче и
чудотворче Лаврентие, скорый помощниче и