11-й день
327
Б егая молвы и мятежа, / пленяющаго ум челове-
ческий в напасти,/ вся отверг, преблаженне,/ на
безмолвное отшел еси место,/ в темную вселйвся
пещеру,/ и ту сотворил еси аки рай некий
прекрасен,/ многими же труды в ней пожив,/
невидимый враги одолел еси/ и Ангелом собесед-
ник показался еси./ И ныне с ними Владыце
Христу предстоя, / моли и о нас, святе Феодоре, / да
избавимся от всякия молвы и напасти.
Стих: Честна пред Господ ем/ смерть преподоб-
ных Его.
Лествицу вйдяще, отцы священнейший, / от
горы святыя Печерския к небесй утвержденну, /
на нейже Божия Мати положи Свое селение,/ и
ангельстии лйцы со святыми по ней к Небесй
восхождаху, / тех стопам последовали есте, аки
безплотни,/ и, возшедше ведением и деянием,/
ныне предстоите Святей Троице, / идеже помяните
и нас, покланяющихся мощем вашим, преблажен-
нии.
Слава, глас 1:
Многими подвиги просиявше в мире,/ святйи
мученицы, Феодоре чудне с Василием доблемуд-
рым, / преиспещренною рйзою одеястеся / и живе-
те ныне во свете присносущнем, / отнюдуже при-
нйкше на земная,/ светлых дарований ваших
лучами/ нас, во тьме жития сего бедствующих,
просветите/ и испросите от Христа Бога велию
милость.
И ныне, праздника.
Тропарь, глас 1:
С оюзом любве связавшеся, преподобнии, / всяк
союз козней вражиих попрасте, / страдание же
и смерть неповинне/ от сребролюбиваго князя
претерпесте добле,/ тем молим вас, вкупе пожив-
ших/ и венцы мучения приемших,/ молйтеся Гос-
подеви о нас,/ яко да во мнозей любви, вере и
надежди добре поживите,/ всегда ублажаем вас,/
Феодоре и Васйлие доброй обе днии.
Слава, и ныне, праздника.