16- и день
145
величающе, / воспеваем Тя, / яко Творца и Избави-
теля и Бога нашего.
И ныне, Успения, глас 8: Уверяя, Иисус, Сын
Твой, Богородице, и Бог наш: (писана в сей день
на стиховне, зри страницы 107?108).
Таже вход. Прокимен дне. И чтения.
Притчей чтение (глава 8):
Господь созда Мя начало путей Своих в дела
Своя,/ прежде век основа Мя;/ в начале, прежде
неже землю сотворйти/ и прежде неже бездны
соделати,/ прежде неже произыти источником
водным, / прежде неже горам водрузйтися, / преж-
де же всех холмов раждает Мя. / Господь сотвори
страны и пустыни,/ и концы населены под
небесем./ Егда готовяше небо, с Ним бех,/ и егда
отлучаше Себе престол на ветрех,/ егда крепки
творяше ВЫП1НИЯ облаки; / и яко тверды полагаше
источники поднебесный,/ внегда полагати морю
предел его,/ и воды не мимойдут уст Его,/ и
крепка творяше основания земли,/ бех к Нему
подобна. / Аз бех, о нейже радов ашеся, / по вся же
дни веселяхся пред лицем Его на всяко время.
Премудрости Соломоновы чтение (глава 7):
Всех Художница научи мя, Премудрость;/ есть
бо в той Дух разума свят, / единородный, многоча-
стный,/ тонкий, благодвйжный, / светлый, нес-
кверный, ясный,/ невредйтельный, влаголюби-
вый, остр,/ невозбранен, благоделателен, челове-
колюбив,/ известный, крепкий, безпечальный, /
всесильный, всевйдяй/ и сквозе вся проходяй
духи разумичныя, чйстыя, тончайшия. / Всякаго
бо движения подвйжнейша есть Премудрость:/
достигает же и проницает сквозе всяческая ради
Своей чистоты./ Пара бо есть силы Божия/ и
излияние Вседержителя славы чистое: / сего ради
ничтоже осквернено на ню нападает./ Сияние бо
есть Света Присносущнаго, / и зерцало непорочно
Божия действия,/ и образ благостыни Его.
Пророчества Исаиина чтение (глава 25):
Господи, Боже мой, прославлю Тя, / воспою Имя
Твое, яко сотворил еси чудная дела,/ совет