156
Месяц август
Премудрый и Всеблагйй Господи, Спасителю
наш! Просветйвый сиянием пришествия Твоего
мира концы и сопризвавый нас в Церковь Твою
Святую с обетованием наследия нетленных и
вечных благ, призри милоетивно и на нас, недо-
стойных рабов Твоих, и не помяни беззаконий
наших, но по безмерному благоутробию Твоему
ослаби,^ остави, прости нам вся прегрешения
наша. Аще бо и преступаем святую волю Твою, но
не отметаемся Тебе, Бога и Спаса нашего: Тебе
единому согрешаем, но и Тебе единому служим, в
Тя едйнаго веруем, к Тебе единому прибегаем и
Твой точию рабй быти хощем, Помяни немощь
естества нашего и обдержащия нас повсюду
искушения врага и прелести и соблазны мира,
йхже ради без Тебе, якоже рекл еси, не можем
творйти ничесоже, и Сам очисти и спаси нас, Сам
просвети умы наша, еже непоколебимо веровати в
Тя, Едйнаго Спаса и Избавителя нашего, Сам
подвигни сердца наша, еже всецело любйти Тя,
Едйнаго Бога и Творца нашего, Сам направи
стопы наша, еже непреткновенно ходйти во свете
заповедей Твоих. Ей, Господи, Спасителю наш,
яви нам великую и богатую милость Твою, Иже по
неизглагбланней любви Твоей и страдати за нас
изволил еси, и всесильною Божественною Твоею
благодатию, предстательством же Пречйстыя и
Пренепорочныя Святыя Матере Твоей Марии,
Еяже честное и блаженное успение и к Тебе, Сыну
и Богу, Пренебесное возшествие ныне празднуем,
и молитвами угодников Твоих, страну нашу че-
стными телесы освящающих и выну пред Тобою за
нас ходатайствующих, сотвори, да в преподобии и
правде поживем вся дни живота нашего, и тако
достойни будем во второе славное пришествие
Твое услышати от Тебе милостивое призывание в
Царствие Небесное, еже получйти сподоби нас,
грешных и недостойных рабов Твоих, и в наслаж-
дении неизреченных красот его славити Тя вкупе
с Безначальным Твоим Отцем и Присносущным
Божественным Духом во веки веков. Аминь.
Исторические сведения смотри на страницах 97?104.