392
Месяц август
Не ввери нас человеческому предстательству, /
Пресвятая Владычице,/ но приимй моление раб
Твоих,/ скорбь бо обдержйт ны,/ терпети не
можем демонскаго стреляния,/ покрова не ймамы,
ниже где прибегнем, окаяннии,/ всегда побежда-
емы, / и утешения не ймамы, разве Тебе, Владычи-
це мира, / упование и предстательство верных, / не
презри моления нашего,/ полезно сотвори.
Канона два, един Успению, глас 4: Отверзу уста
моя: творение преподобнаго Иоанна Дамаскина,
на 6 (зри страницы 41?48) и другйй канон
Богородице, на 8, глас 5.
Песнь 1
Ирмос: Коня и всадника в море Чермное/
сокрушали брани мышцею высокою/ Христос
истрясе, Израиля же спасе,/ победную песнь
поюща.
Взятся кивот Божественный почйти в Горе
Божий, яко одушевлен, / Безсмертнаго Бога Роди-
тельницы образ в честнем храме пребыти, / егоже
торжество светло праздновати стецемся, вернии.
Гласы, яко трубы, возшумйте, благочестивых
мужей множества,/ и воззовите вельмй, священ-
ных уста, / и приимйте икону Царицыну, пришед-
шую во спасение наше.
К горе, Девы Пренепорочныя приймшей икону,
приступим, вернии, / и благоухания Божественна-
го прийти потщимся, / в сей бо излияся миродыха-
ющее и души облагоухающее благовоние.
Гора явленнейшая Ты бысть, Пречистая Влады-
чице, на Нюже Господь возшед, явйся,/ к Нейже
прибегающее, спасаемся.
Песнь 3
Ирмос: Водрузйвый на ничесомже землю повеле-
нием Твоим/ и повесивый неодержимо
тяготеющую/ на недвижимей, Христе, камени
заповедей Твоих,/ Церковь Твою утверди, Едине
Ближе и Человеколюбие.
В песнех тимпанских ныне воспоем Чйстей
Богородйтелышце / и со освященных соборы чу-
дотворный Той образ окружим, радующеся,/ яко
Престол есть Божий Святый.