74
Месяц август
160.  Начало словес Твоих истина, и во век вся
судьбы правды Твоей.
Славлю Твое, Боже Мой,/ к Сыну Матерь
глаголет,/ крайнее благоутробие.
161.  Князи погнаша мя туне, и от словес Твоих
убояся сердце мое.
Славлю Тя, Сыне Мой,/ и покланяюся славе
Твоего велйчествия.
162.  Возрадуюся аз о словесех Твоих, яко обре-
таяй корысть многу.
Близ Отца Моего приидй, ближняя Моя,/ от
земли воставши.
163.  Неправду возненавйдех и омерзйх, закон
же Твой возлюбйх,
Ты сад заключенный,/ идеже древо жизни и
безсмертия.
164.  Седмерйцею днем хвалйх Тя о судьбах
правды Твоея.
Ты еси источник запечатленный, / в немже
поток сладости всенеизреченныя.
165.  Мир мног любящим закон Твой, и несть им
соблазна.
Песнословлю, Сыне Мой,/ Божества Твоего
Пребожественнаго державу.
166.  Чаях спасения Твоего, Господи, и заповеди
Твоя возлюбйх.
Песнословлю, Боже мой,/ снизхождение Твое и
человеколюбие.
167.  Сохрани душа моя свидения Твоя и возлю-
би я зело.
Приидй, красная Моя, / да наслаждаешися кра-
соты Сына Твоего и Создателя.
168.  Сохранйх заповеди Твоя и свидения Твоя,
яко вси путие мой пред Тобою, Господи.
Приидй, Мати Моя, / в радость Божественную и
в Царство.
169.  Да приблйжится моление мое пред Тя,
Господи, по словесй Твоему вразуми мя.
Приидй, Марйе, / идеже спокланяемь есть Отец,
Сын и Дух.
170.  Да внйдет прошение мое пред Тя, Господи,
по словесй Твоему избави мя.