114
Месяц август
да и мы с вами будем, / очйстившеся от пречистых
ребр Спаеовых истекшею Кровию.
Богородичен: Хвалим Тя, блажаще, христиан-
стии роди, и любовию зовем: / Владычице, предста-
ни погруженным в тине скверных дел,/ аще бо и
ока ляхом души наша,/ но Ты можеши омыти нас,/
искупленных Сына Твоего честною Кровию.
Кондак, глас 4:
С ветила разумная, сошедшеся, хвалами воспо-
ем, людие,/ просияли бо суть в мире сем:/
Пймен многими подвиги,/ Кукша же со учеником
Никоном проповедию Слова, / и сйи трие, единоум-
но предстояще Святей Троице, / яко солнце сияют
и просвещают/ любовию память их восхваля-
ющих.
Песнь 7
Ирмос: В пещй авраамстии дтроцы персйдстей, /
любовию благочестия паче,/ нежели пламенем,
опаляеми, взываху:/ благословен еси в храме
славы Твоея, Господи,
Яко единоумное сословие, отцы святйи,/ аще и
далече отстояще телом, / но духом совокуплени, ко
Господу востекбсте вкупе воспети:/ благословен
еси в храме сливы Твоей, Господи.
Твое, блаженне Кукше, со учеником Никоном от
неверных вятчан усечение / Пймен, далече отстоя,
прозре и велегласно посреде церкве Печерския
воззва: / брат наш Кукша в сей день убиен есть, в
час приносимый жертвы,/ слава силе Твоей,
Господи.
Духом Святым прорек Кукши и ученика его
Никона от неверных убиение,/ и сам дух свой
предал есть в руце Богу. / Триех сих преподобных
ради / и наша духи приимй в славу Твою, Господи.
Богородичен: Духа Святаго нашествием Прием-
шая во чреве,/ в час, егда ймамы предати духи
наша Господу и предстати судйщу Его, / ходатай-
ством Твоим предстани и умоли о нас благость
Его,/ ничтоже бо невозможно ходатайству
Твоему.