170
-
Месяц август
По 1-м стихословии седален, глас 5:
Днесь веселится Небо свыше, и обитель Почаев-
ская светло радуется, / святая же Церковь Божия,
яко пресветлыми лучами,/ многими чудес светло-
стьмй от всечестныя раки преподобнаго озаряема,
торжествует, / вся страны и всяк язык созыв ающи
ублажйти велйкаго угодника Ббжия./ Темже со-
шедшеся вси, того славную память в песнех и
пениих почтим,/ просяще у Христа Бога нашего
молитвами его мира мйрови и велия милости.
Слава, и ныне, Богородичен:
Утреневаху иногда пред иконою Твоею, Пречи-
стая,/ йноды Почаевстии и прочий Почаевстии
людие, / от татар во обители Твоей обложеннии,
Твоей помощи просяще,/ и, явлением Твоим и
Твоего угодника, преподобнаго отца нашего
Иова, / благопоспешно от врагов спасаемии, вопи-
яху Тебе: / разве Тебе и всеблаженнаго заступника
нашего иныя помощи не вемы.
По 2-м стихословии седален, глас 2:
Недоумеет всяк язык иноверных благорешйти
по достоянию,/ како, явив пренебесную славу
твою в открытии мощей твоих, преподобие,/ на
лоне святыя Церкве Православный, / аще послеж-
де тыя в руце иносильных предати и соизволил
еси,/ обаче паки оныя православным возвратйти
сотворил еси./ Мы же веруем и исповедуем, яко
сие тако устроил еси/ вящшаго ради прославле-
ния своего и обители своей Почаевския, / яко и от
латиноунйтов благоговейно почитаемь был еси,/
да явйши всем несказанно, / яко войстинну едина
есть святая Церковь наша Православная,/ в
нейже Бог прославляет святыя Своя, / подай нам
молитвами их мир и велию милость.
Слава, и ныне, Богородичен:
Утренююще, Всепетая, вопием Ти: / спасай и нас
молитвами отца нашего Иова,/ якоже избавила
еси купно с ним обитель Твою от владычества
иновернаго./ Ты бо еси Едина Заступница наша
усердная,/ разве Тебе иныя не вемы.