42
Месяц август
возлюбил еси едйнаго Бога,/ разжегся зарею
мысленною,/ ревнуя житием своим в чудесех
своих великому Сергию преподобному.
Хотевше тя окаяннии бесове от сегб святаго
места отлучйти, / иногда же на тя людей вооружй-
ша, / ты же, блаженне, отыде в дальную пустыню, /
Бог же тебе возврати в пребывание твое.
Богородичен: Христианом Заступницу, вернии,
ублажаем:/ укрепи нас, Владычице, недостойных
раб Своих,/ и град наш соблюди и жительство
сие/ молитвами угодника Твоегб Арсения препо-
добнаго.
Песнь 6
Ирмос: В бездне греховней валяяся,/ неизслед-
ную милосердия Твоегб призываю бездну:/ от тли,
Боже, мя возведи.
В пустыни, яко во ограде, поживе, блаженне,/
молитвы непрестанныя, яко меч в руце, имел еси /
и всю бесовскую ярость до конца сокрушил еси.
Владьще своему подобней,/ воздержание и тер-
пение стяжа, веру и любовь йстинну / и всенощ-
ное стояние возлюби, / молитвы, и слезы, и возды-
хание в сердцы имея, блаженне.
В память твою радостно веселятся и ликуют
иноческая собрания, вопиюще тебе: / поминай нас
всегда,/ почитающих тя, преблаженне Арсение.
Богородичен: В бездне греховней одержим есмь
аз, окаянный,/ и припадаю к Тебе, Владычице:/
приимй молитвы наша, / и сохрани нас от всякаго
навета вражия, и спаси нас.
Кондак, глас 8.
Подобен: Избранной Воеводе:
Ж итейския молвы отбег, /ив пустыню вселился
еси, / и тамо житием жестоким пожил еси, / и
зверя свирепаго аркуда * молитвами укротил еси, /
и многим был еси наставник ко спасению, / и того
ради получил еси жизнь вечную на Небесех. /
Всегда зря Святую Троицу, / моли избавится нам
от бед, да зовем ти:/ радуйся, отче наш Арсение,
пустынный жителю.
* аркуда ? медведя