26-й день
83
Ин кондак, глас 8.
Подобен: Взбраиной:
К Взбранней Воеводе и Заступнице, Деве и
Богородице,/ в чйстей совести, верою утвер-
дйвшеся, русстии народи,/ невозвратно надежду
имуще, притецем, / к чудотворному Ея и пречисто-
му образу, и возопием Ей:/ радуйся, Невесто
Неневестная.
Седален, глас 4.
Подобен: Удивйся Иосиф:
Народи боголюбйвии, приидйте в сретение:/ се
бо приходит Дева, всех пророков превышши, /
честным Своим образом, Жизнодателя миру на
руках имеющи,/ град Свой сохраняти стражду-
щий, варварскую дерзость низложйти, / вообрази-
тся всем Хранительница тверда,/ держава и
ограждение верно молящимся.
Слава, и ныне, тойже.
Песнь 4
Ирмос: Неизследный Божий Совет, / еже от Девы
воплощения/ Тебе, Вышняго,/ пророк Аввакум
усмотряя, зовяшег/ слава силе Твоей, Господи.
Гору превелик», юже Даниил виде, от неяже
камень отсечеся без руки/ и вся соблазны истнй,
верныя же просвети,/ истинное светозарное
солнце показа, лучами просвещающи, Богородице
Приснодево.
Вооружаются на люди Твоя, Чистая Богороди-
це, сынове Агарины, / злый совет творяще, грады
разоряюще, верныя же погубляюще,/ но Ты,
Всепетая, Твоею мйлостию вся низложи, / исмаиль-
тяны враги покаряющи отечеству нашему.
Небо одушевлено, едина Богомати, Свет велий
приемши, / вся просвещающи, тьму держащих бед
разжени/ и нас Вышняго причастия сподоби.
Давид пред кивотом ликовствует, левйти же
воспевают, / паче же пред Тобою, Богородйтельни-
це Чистая, / Россия хвалами яко Царицу воспева-
ет,/ гласы молебными прилежно Ти вопиющи:/
радуйся, Заступнице града нашего.