300
Месяц декабрь
Блаженне Кирилле, / основание положив добро-
детели, / древняго человека совлечеся с похотьмй /
и во Христа облечеся войстинну, / тем и обличил
еси, преподобие,/ многая вражия ополчения,/
житель пустынный был еси, / моли спастйся душам
нашим.
Слава, глас 8: Преподобие и Богоносе отче наш
Кирилле: (зри славник на литии).
И ныне, Богородичен:
Владычице, приимй молитвы раб Твоих/ и
избави нас/ от всякия нужды и печали.
На стиховне стихиры, глас 2.
Подобен: Доме Евфрафов:
Дом Отцу Безначальному был еси,/ преподобие
Кирилле, отче наш, / Того моли подати мир Церкви
Его/ и душам нашим велию милость.
Стих: Честна пред Господем/ смерть преподоб-
ных Его.
Дом и обитель Безначальнаго Отца/ Единород-
ному Сыну был еси,/ преподобие Кирилле, отче
наш,/ Того моли помйловати люди/ и подати
душам нашим велию милость.
Стих: Блажен муж, бояйся Господа, / в заповедех
Его восхощет зело.
Дом и жилище Духу Пресвятому/ был еси,
преподобие отче наш Кирилле,/ Того моли мир
всему Православию подати/ и душам нашим
велию милость.
Слава, глас и подобен тойже:
Дом и пребывание Пресвятей и Безначальней
Троице был еси, / Кирилле преподобие, отче наш, /
юже моли мир обители твоей подати/ и душам
нашим велию милость.
И ныне:
Дом и Церковь воздвйжена/ во обители твоей,
преподобие,/ в похвалу и славу Пречйстей Бого-
родице Марии,/ Юже моли, блаженне Кирилле,
отче наш, / даровати душам нашим велию милость.
Тропарь, глас 4: Днесь возсия: (зри страницу 304).
Слава, и ныне, Богородичен.