13-й день
451
Мардарий / со Евгением славнии, / тех молитвами,
Господи, спаси души наша.
Йны стихиры, глас тойже.
Подобен: Яко добля:
Яко добре воинствовав Царю сил,/ тебе самаго,
Евстратие,/ предал еси вольно на мучение/ и
нуждную смерть, / приводя с собою лик мучеников,
блаженне./ С нимиже пострадал еси/ и победы
приял еси венцы; / с теми молйся / о нас, всеславне.
Богомудрый Евстратий,/ доблий Авксентий,/
славный Евгений и Мардарий / со Орестом добль-
ствоваша, враги победивше / и возсиявше яве, яко
звезды многосветлы,/ уяснйша верных сердца/ и
прелести отгнаша тьму/ светозарением Духа.
Неослабно биемь,/ и огнем изнуряемь,/ и в
сапоги железны, всемудре, пригвождаемь, / и в
путех гонймь,/ в темнице заключаешь/ и, яко
жертва чиста, в пещи пекомь, / принеслся еси тебе
ради Пожершемуся, / яко благовонно сожжение на
Вышнюю трапезу,/ мучениче Евстратие.
Слава, глас 6:
Приидйте, мучениколюбцы, / Христовых стра-
дальцев в песнех почтим, / Евстратия, непобедйма-
го мученика, / Авксентия, и Евгения, и Мардария,
и Ореста, / пятозарный мучеников лик, / йже добре
подвизавшееся на невидимаго врага,/ и, венцы
победными увязени, / молятся Христу о йже верою
и любовию совершающих память их.
И ныне, Богородичен: Кто Тебе не ублажит:
Прокимен дне, и чтения 3.
Пророчества Исаиина чтение (глава 43):
Тако глаголет Господь:/ вси языцы собрашася
вкупе,/ и соберутся князи от них,/ кто возвестит
сия в них?/ Или яже от начала, кто слышана
сотворит вам?/ Да приведут свидетели своя и
оправдятся,/ и да услышат, и да рекут истину./
Будите Ми свидетели, и Аз Свидетель,/ глаголет
Господь Бог, и отрок, егоже избрах, / да познаете, и
веруете Ми, и разумеете, яко Аз еемь;/ прежде
Мене не бысть ин бог и по Мне не будет. / Аз еемь
Бог, и несть, разве Мене, спасаяй. / Аз возвестйх и