130
Месяц декабрь
Стих: Господи, услышах слух Твой и убояхся,/
Господи, разумех дела Твоя и ужасохся.
Тя, Младенца пресовершенна, зрю,/ в яслех
возлежаща,/ не вем же тайны глубину несказан-
ну:/ како и по рождестве нетленна пребых,/
законы прешедши естества? / Кую убо хвалу Тебе
принесу? / Како прославлю Тя? / Дева Отроковица
вещаше.
Слава, глас 8:
Приидйте, вси вернии, / согласно воспойм Петра
всеблаженнаго, / благочестия светило, / воздержа-
ния правило, / терпения столп, простоты сокрови-
ще,/ смирения реку обильную,/ нищих утешение,
странных странноприемника, / и истинный любве
Христовы делателя войстинну блаженнаго./ Сей
убо жив и, прешед,/ человеком заступник и
спаситель показася,/ болезней и страстей неис-
цельных врач/ и от всяческих напастей свободй-
тель,/ и Христа молит спастйся душам нашим.
И ныне, глас тойже:
Восприимй, Вифлееме, Божию митрополию:/
Свет бо незаходймый в Тебе родйтися приходит. /
Ангели, удивйтеся на Небесй, / человецы, просла-
вите на земли,/ волсвй, от Персиды преславный
дар принесите,/ пастырие, свиряюще, трисвятое
пение сладце воспойте:/ всякое дыхание да хва-
лит Вседетеля.
Тропарь, глас 4:
Я же прежде безплодная, земле, ныне веселйся: /
се бо Христос светильника в тебе показа, / яве
сияюща в мире / и исцелевающа недуги и болезни
наша. / Сего ради ликуй и веселйся со дерзновени-
ем: / святитель бо есть Вышняго, / сия соделоваяй.
Ин тропарь, глас 8:
Л икуй светло, благославнейший граде
Москва/, имеяй в себе архиерея Петра,/ яко
зарю солнца, всю Россию чудо деянии озаряюща: /
той бо немощи врачует/ и недуги, яко тьму,
прогонит от вопиющих ему:/ радуйся, иерарше
Бога Вышняго, / тобою сия пастве твоей соделова-
ющаго.