312
Месяц декабрь
показашеся./ Христос раждается прежде падший
воскресйти образ.
И ныне, Богородичен:
Богородице, Ты еси лоза истинная,/ возрастив-
шая нам Плод живота,/ Тебе молимся:/ молйся,
Владычице, со святыми апостолы/ помйловати
души наша.
Таже тропари сия по дважды поем. Глас 6:
Сей Бог наш,/ не вменится ин к Нему,/ родйвый-
ся от Девы, и с человеки поживе; / во яслех убогих /
Сын Единородный лежать видится человек/ и
пеленами повивается, йже славы Господь./
И волхвом звезда возвещает в Его поклонение./
И мы пойм:/ Троице Святая, спаси души наша.
Дважды.
Таже поем, глас 8:
Стих: Бог от юга прийдет/ и Святый из Горы
приосененныя чащи.
Прежде Рождества Твоего,/ трепетно зряще
таинство Твое, Господи, / разумная воинства див-
ляхуся:/ якоже бо Младенец родйтися благоизво-
лил еси,/ небо украсйвый звездами,/ и во яслех
безсловесных возлежйши, / дланию содержай всея
земли концы./ Таковым бо смотрением уведено
бысть милосердие Твое, Христе,/ велия милость
Твоя, слава Тебе.
Стих: Господи, услышах слух Твой и убояхся;/
Господи, разумех дела Твоя и ужасохся.
И паки поем тойже тропарь. Посем Слава, глас 3:
Иосифе, рцы нам:/како, Юже от святых приял
еси, / Деву непраздну приведший в Вифлеем? / Аз,
рече, пророки испытах / и, весть прием от Ангела,
уверихся,/ яко Бога родит Мария несказанно;/
Емуже на поклонение волсвй от востоков при-
йдут, / с дары честными служаще. / Воплотйвыйся
нас ради, Господи,/ слава Тебе.
И ныне, паки тойже тропарь.
Прокимен, глас 4: Отроча родйся нам, / Сын, и
дадеся нам. Стих: Егоже начальство бысть на раме
Его.