24-й день
315
грешнаго,/ и, ймиже веси судьбами, спаси мя,
недостойнаго раба Твоего,/ яко благословен еси
во веки веков, аминь.
На третием и шестом часех кадит диакон
Евангелие и иконы, и настоятеля, и лики токмо.
И глаголем час шестый
Приидйте, поклонимся: трижды.
И псалом 71:
Боже, суд Твой цареви даждь/ и правду Твою
сыну цареву:/ судйти люд ем Твоим в правде и
нищим Твоим в суде./ Да восприймут горы мир
людей и холми правду. / Судит нищим людским, / и
спасет сыны убогих, и смирит клеветника./ И
пребудет с солнцем/ и прежде луны рода родов./
Снйдет, яко дождь на руно,/ и, яко капля, каплю-
щая на землю./ Возеияет во днех Его правда
и множество мира,/ дондеже отымется луна./
И обладает от моря до моря/ и от рек до конец
вселенный./ Пред ним припадут ефиопляне,/ и
вразй Его персть полижут. / Царие Фарсййстии и
острови дары принесут. / Царие Аравстии и Сава
дары приведут./ И поклонятся Ему вси царие
земстии, / вси языцы поработают Ему. / Яко избави
нища от сильна / и убога, Емуже не бе помощника. /
Пощадит нища и убога / и души убогих спасет. / От
лихвы и от неправды избавит души их, / и честно
Имя Его пред ними. / И жив будет, и дастся Ему от
злата аравййска, / и помолятся о Нем выну: / весь
день благословят Его./ Будет утверждение на
земли на версех гор,/ превознесется паче Ливана
плод Его./ И процветут от града, яко трава
земная./ Будет Имя Его благословенно во веки,/
прежде солнца пребывает имя Его,/ и благосло-
вятся в Нем вся колена земная,/ вси языцы
ублажат Его./ Благословен Господь, Бог Изра-
илев,/ творяй чудеса един./ И благословено имя
славы Его во век и в век века; / и исполнится славы
Его вся земля:/ буди, буди.