|
|
|
|
|
||
 |
||
|
|
||
|
МЕСЯЦА ДЕКАБРЯ В 25-Й ДЕНЬ
Еже по плоти Рождество Господа Бога
и Спаса нашего Иисуса Христа При часе 7-м дне ударяет в великий кампан и во вся
тяжкая; и, собравшеся во храм, начинаем вечерню по обычаю. Диакон глаголет: Благослови, владыко. Иерей: Благословено Царство: и по Аминь: предстоятель: Царю Небесный: Трисвятое и по Отче наш: Господи, помилуй: 12, Слава, и ныне: Приидйте, поклонимся: трижды. И псалом: Благослови, душе моя, Господа: Посем диакон глаголет ектению великую. И аще убо в субботу вечера, поем Блажен муж: кафизму всю, аще же в неделю вечера, поем точию 1-й антифон. Аще ли ин день, стихология не бывает, но по ектений абие поем: Господи, воззвах к Тебе: на глас 2. Иерей же творит проскомидию. Таже диакон кадит храм по обычаю, лнкове же поют стихиры праздника на 8. Глас 2, самогласны. Германово:
риидйте, возрадуемся Господеви, насто- ящую тайну сказующе: / средостение граде- жа разрушйся,/ пламенное оружие плещи дает,/ и Херувим отступает от древа жиз- ни, / и аз райския пищи причащаюся, / от негоже произгнан бых преслушания ради;/ неизменный бо образ Отечь,/ образ присносущия Его,/ зрак раба приемлет,/ от Неискусобрачныя Матере прошед,/ не преложение претерпев,/ еже бо бе пребысть, Бог Сый истинен,/ и еже не бе прият, Человек быв человеколюбия ради./ Тому возопи- йм:/ рождейся от Девы Боже, помилуй нас.  |
||
|
|
||