336
Месяц декабрь
Пророчества Михеина чтение (главы 4 и 5):
Во днех онех глаголет Господь:/ соберу сокру-
шенную и отриновенную прииму,/ яже отрйнух./
И положу сотренную во останок / и отриновенную
в язык крепок,/ и воцарится Господь над ними в
горе Сионстей/ от ныне и во веки./ И ты,
Вифлееме, доме Евфрафов,/ еда мал еси, еже быти
в тысящах Иудовых./ Из тебе бо Мне изыдет
Старейшина,/ еже быти в Князя во Израили;/ и
исходи Его из начала, от дней века./ Сего ради
даст я,/ до времене раждающия породит,/ и
прочий от братии Его обратятся к сыном Израиле-
вым./ И станет, и узрит,/ и упасет паству Свою
крепостию Господь./ И в славе Имене Господа
Бога своего пребудут,/ зане ныне возвеличится
даже до конец земли.
Таже возгласит чтец, глас 6, и нам, воставшим,
глаголет тропарь сей:
Тайно родился еси в вертепе, / но Небо Тя всем
проповеда, / якоже уста, звезду предлагая, Спасе, /
и волхвы Ти приведе, верою покланяющияся
Тебе;/ с нймиже помилуй нас.
Стих 1: Основания Его на горах святых,/ любит
Господь врата Сионя паче всех селений Иаков-
лих,/ преславная глаголашася о Тебе, граде Бо-
жий./ Помяну Раав и Вавилона, ведущим мя.
И поем конец:
И волхвы Ти приведе, верою покланяющияся
Тебе,/ с нймиже помилуй нас.
Стих 2: И се иноплеменницы, и Тир, и людие
Ефиопстии,/ сйи бьппа тамо./ Мати Сион речет:/
Человек и Человек родйся в нем, / и Той основа и
Вышний.
И паки:
И волхвы Ти приведе, верою покланяющияся
Тебе,/ с нймиже помилуй нас.
Стих 3: Господь повесть в писании людей/ и
князей сих, бывших в нем, / яко веселящихся всех
жилище в Тебе.
И волхвы Ти приведе, верою покланяющияся
Тебе,/ с нймиже помилуй нас.