25-й день
337
Таже, Слава: поет лик правый конец тропаря. И
ныне: левый поет такожде конец. Посем глаголет
чтец весь тропарь. И поет сам конец его:
Тайно родился еси в вертепе, / но Небо Тя всем
проповеда, / якоже уста, звезду предлагая, Спасе, /
и волхвы Ти приведе, верою покланяющияся
Тебе,/ с нймиже помилуй нас.
И чтутся паки по обычаю чтения сия.
Пророчества Исаиина чтение (глава 11):
Тако глаголет Господь: / изыдет Жезл от корене
Иессеова, / и Цвет от корене его взыдет, / и почиет
на Нем Дух Божий, / Дух мудрости и разума, / Дух
совета и крепости,/ Дух ведения и благочестия,/
Дух страха Божия исполнит Его./ Не по славе
судит,/ ниже по глаголанию обличит,/ но судит
правдою смиренных суд,/ и обличит правостию
славныя земли,/ и поразит землю словом уст
Своих,/ и Духом устен убиет нечестйваго./ И
будет правдою препоясан по чреслех Своих/ и
истиною обвит по ребром Своим. / Тогда пожирует
волк со агнцем,/ и рысь почиет с козлищем,/ и
телец, и лев, и юнец вкупе пожируют, / и отроча
мало поведет их./ Телец и лев вкупе пасутся,/ и
вкупе чада их будут;/ и лев, яко вол,/ снесть
плевы. / И отроча младо на пещеру аспидску / и на
ложе племене аспидска руку возложит./ И не
сотворят зла, / ниже ймут погубйти ни едйнаго же
на горе святей Моей, / занеже напблнися вся земля
познати Господа, / яко воде миозе покрыти моря. /
И будет в день он корень Иессеев/ и возстаяй
владети языки; / на него язьщы уповают, / и будет
покой его честь.
Пророчества Варухова чтение (главы 3 и 4):
Сей Бог наш,/ и не приложится ин к Нему./
Изобрете всяк путь художества, / и даде й Иакову,
отроку Своему,/ и Израилю, возлюбленному от
Него./ Посем же на земли явйся/ и с человеки
поживе./ Сия книга повелений Божиих,/ и закон
сый во веки, / в си, держащийся ея,в живот внйдут, /
оставивший же ю, умрут. / Обратйся, Иакове, и
имйся ей./ Пойди к сиянию прямо света ей./ Не
даждь иному славы твоей / и полезных тебе языку