368
Месяц декабрь
чин, якоже пишет: / Христос родйся прежде пад-
ший возставити образ.
Слава, и ныне, тойже.
Каноны праздника, ирмосы обою канонов по
дважды; тропари же на 12. Катавасия, ирмосы
обою канонов. По 3-й песни, кондак праздника:
Дева днесь: и икос, и ипакой.
По 6-й песни кондак, глас 6:
И же прежде денницы от Отца без матере
родйвыйся,/ на земли без отца воплотйся
днесь из Тебе./ Темже звезда благовествует
волхвом,/ Ангели же с пастырьми поют/
несказанное Рождество Твое, Благодатная.
Икос:
Невозделанный Грозд возрастившая, тайный
Винограде, / яко на ветвиих, на объятиих ношаше
и глаголаше:/ Ты еси Плод Мой,/ Ты еси Жизнь
Моя./ Отнележе познах, яко и еже бех, есмь./ Ты
Мой Бог:/ печать бо девства Моего зрящи нераз-
рушйму,/ проповедую Тя, непреложнаго Слова
плоть бывша./ Не вем семене, вем Тя, Решйтеля
тления: / чиста бо есмь, Тебе прошедшу из Мене, /
якоже бо обрет, оставил еси утробу Мою, зрящи ю
целу./ Сего ради сликовствует вся тварь, вопи-
ющи Мне:/ радуйся, Благодатная.
И чтем пролог.
На 9-й песни Честнейшую: не поем, но поем
припевы, якоже на самый праздник.
Светилен:
Посетил ны есть свыше Спас наш, Восток
востоков,/ и сущий во тьме и сени обретохом
истину,/ ибо от Девы родйся Господь. Трижды
На хвалйтех стихиры праздника на 4, глас 4:
Веселйтеся, праведный: Богородице Дево: При-
идйте, воспойм Матерь Спасову: Отец благоизво-
ли: (зри страницу 354).
Слава, глас 6:
Днесь невидимое Естество человеком от Девы
совокупляется./ Днесь безмерное Существо в