|
|
|
|
|
|||
|
394
|
Месяц декабрь
|
||
|
|
|||
|
и Богоявлением едина суббота и неделя,и поем Неделю по
Рождестве Христове наутрие праздника Рождества Хри- стова в понедельник декабря в 26-й день, якоже указася на ряду в понедельник наутрие праздника. На Литургии: чтем Апостол и Евангелие Недели, яже по
Рождестве Христове. А субботе, яже по Рождестве Христо- ве, чтем Апостол и Евангелие в субботу на отдание праздника Рождества Христова прежде, таже субботе пред Богоявлением. Прокимен же, аллилуйя и причастен, праздника. А в 1-е января прокимен, Апостол и Евангелие чтем Недели пред Богоявлением, якоже в настоящей главе в ряду изъявйтся. зри Аще ли Рождество Христово в понедельник:
И тогда бывает между Рождеством Христовым и Богояв-
лением суббота и неделя едина, и суббота по Рождестве Христове тогда бывает декабря в 30-й день. На Литургии: прокимен, Апостол, аллилуйя, Евангелие и причастен, прежде чтем субботе по Рождестве Христове, таже Апостол и Евангелие субботе пред Богоявлением., А Недели, яже по Рождестве Христове, чтем на Литургии во отдание праздника Рождества Христова, Апостол и Еван- гелие, якоже указася на ряду. А Недели, яже пред Богоявлением, прокимен, Апостол, аллилуйя и Евангелие чтем января в 1-й день, якоже укажется на ряду, егда случится Обрезание и память святаго Василия Великаго в неделю. зри Аще ли Рождество Христово во вторник:
И тогда бывает между Рождеством Христовым и Богояв-
лением две субботы, а неделя едина. И суббота, яже по Рождестве Христове, тогда бывает декабря в 29-й день. На Литургии: прокимен, Апостол, аллилуйя, Евангелие и причастен, прежде субботе по Рождестве Христове и потом младенцем. А Недели, яже по Рождестве Христове, поем службу декабря в 30-й день, якоже указася на ряду. А Недели, яже пред Богоявлением, Евангелие утреннее и на Литургии прокимен, Апостол, аллилуйя и Евангелие чтем прежде января в 1-й день, и потом Обрезания, и святаго Василия Великаго едино. Причастен: Хвалите Господа: Другий: В память вечную: зри Аще ли Рождество Христово в среду,
или в четверток, или в пяток:
И тогда бывают между Рождеством Христовым и Богояв- лением две субботы и недели. В 1-ю убо неделю чтется Апостол и Евангелие субботе и Недели по Рождестве Христове. А во 2-ю субботу и неделю чтется Апостол и Евангелие субботе и Недели, яже пред Богоявлением. зри Аще ли Рождество Христово в субботу:
И тогда бывают между Рождеством Христовым и Богояв-
лением две недели, а суббота едина. И Недели, яже по Рождестве Христове, поем службу наутрие Рождества |
|||
|
|
|||