19-й день
75
Йны стихиры Пресвятей Богородице,
глас и подобен тбйже:
Одождй ми, Владычице, / Твоей милости бездну, /
и опалынееся зноем страстей сердце мое,/ яко
милостива, напой, Отроковице, / и умиления капли
точйти/ непрестанно сотвори, молюся,/ ймиже
утешения сподоблюся, Чистая,/ еже получйти
ймут/ йже искренно плакавшийся.
Демонскими колеблема прилоги /ив ров погибе-
ли ввержена, ущедри, Владычице,/ и утверди мя
на камени добродетелей,/ и, советы врагов разо-
ривши,/ сподбби мя творйти повеления Сына
Твоего и Бога нашего, / яко да получу оставление
в День суда.
В разбойники впадох/ скверноубййственныя,
Всенепорочная,/ и нетленныя одежды Вышния
светлости/*сих нахожденьми совлечен бых, Отро-
ковице,/ и от них немйлостивно уязвйхся,/ и
низвержен бых в место озлобления еле жив,/ но
предвари, и руку Твою простри, / и воздвигни мя,
молюся.
Слава, и ныне, глас и подобен тбйже:
На одре низлежу уныния, Всенепорочная,/ и
леностно прохожду житие,/ и ужаеаюся конца
моего времене, Богородице,/ да не, якоже лев,
нещадно расторгнет/ смиренную мою душу змий
вселукавый. / Темже Твоею благостию,/ прежде
конца предваривши,/ к покаянию мя воздвигни.
Крестобогородичен.
Подобен: Яко добля:
Распинаема Христа Человеколюбца вйдящи,
Пречистая, / и ребра ископоваема копием, / плачу-
щи, вопияше:/ что сие, Сыне Мой?/ что Ти
безблагодатнии людие воздаша, / за яже сотворил
еси добрая им,/ и тщйшися безчадствовати Мя,
Вселюбезнейший? / Удивляюся, Благоутробне,
Твоему вольному распятию.
Тропарь, глас 4:
К сословию послан мучеников,/ мученик был
еси истинен,/ пострадав за Христа крепчай-
ше, всехвальне, / мощми же возвратился еси верою
пославшей тя, Вонифатие блаженне,/ моли Хри-
ста Бога прийти нам грехов прощение.