3-й день
127
Богу дерзновение;/ радуйся, град свой Углеч и
живущая в нем люди спасл еси от бед и злых
скорбей; / радуйся, крестоносным людем похвале и
утверждение; / радуйся, земли Русской заступниче
и забрало нерушимое;/ радуйся, граду нашему
Углечу великий поборниче.
Песнь 7
Ирмос: Росодательну убо пещь/ содела Ангел/
преподобным отроком,/ халдеи же опаляющее/
веление Божие мучителя увеща вопйти:/ благо-
словен еси, Боже отец наших.
Молим тя, благоверный княже Романе,/ виждь
нашу нестерпимую печаль, и болезни, / и скорби, и
страсти,/ но умилосердися, от всех бед свободй;/
благословен Бог отец наших.
Показася граду Углечу, яко светило негасимое, /
благоверный княже Романе,/ добродетельми сво-
ими просветил еси всех нас/ и, трудолюбным
житием на земли пожив,/ сего ради вселйся во
обитель Небеснаго Царствия;/ благословен Бог
отец наших.
Радуйся, благоверный княже Романе,/ просве-
тйвше своими чудесы вотчину свою, град Углеч, /
и страны Русския земли;/ радуйся, победйвше
диавола, / и посрамйвше житие нынешняго суетна-
го света,/ и обретше неизреченную благодать от
Бога/ в безконечном во оном веце со Ангелы и
святыми;/ благословен Бог отец наших.
Богородичен: Надеждо всем, Госпоже Богороди-
це, / разгони, Владычице, враги души моей/ и
направи на стезю праву,/ пощади, Помощнице и
Надеждо христианская; / благословен Бог отец
наших.
Ин
Ирмос: Тебе, умную, Богородице, пещь, /разсмот-
ряем, вернии, / якоже бо отроки спасе три Превоз-
носимый,/ мир обнови, во чреве Твоем всецел,/
хвальный отцев Бог и препрославлен.
Во всех странах пройде вещание,/ яко граду
Углечу явйся чудотворец преславен,/ дарующий
множество исцелений всем, приходящим к нему
и верою поющим его; / отцем Бог благословен еси.