184
Месяц февраль
ных, / и от обстоящия напасти нас свободй, /
призывающих Тя на помощь, Всепречйстая.
Первозданный Адам и Ева Тобою, Владычице,
избавистася от слез,/ с ними же и нас, припада-
ющих и молящихся Ти,/ избави слез, печалей и
скорбей/ и подаждь полезное нам утешение о
Бозе, Спасе нашем.
Песнь 6
Ирмос: Божественное сие и всечестнде/ совер-
шающе празднество,/ Богомудрии, Богоматере,/
приидйте, руками восплещим, / от Нея рождшаго-
ся Бога славим,
Услыши печальный вопль раб Твоих, требу-
ющих помощи Твоей, Богомати, / Ты бо еси упова-
ние наше,/ потщйся печаль нашу на радость
преложйти.
Избави нас, Владычице, от языка льстива/ и от
человека неправедна измй нас,/ вся бо Ты може-
П1и, яко Мати Зиждителя нашего сущи.
Вемы Тя, Богоблагодатная, скорое погибших
взыскание, / нас, немощных, крепость и утвержде-
ние; / духом, усты и сердцем зовем Ти: / от напастей
и печали свободй нас, Владычице, к Тебе прибега-
ющих.
Избави нас от напастей и бед, Богоневесто, / Тя
бо устрой Бог на спасение и заступление наше
Ходатаицу,/ сего ради и нам, недостойным, исхо-
датайствуй от печали избавление.
Кондак, глас 6:
П редстательство христиан непостыдное, / хода-
тайство ко Творцу непреложное,/ не презри
грешных молений гласы, / но предвари, яко Бла-
гая, на помощь нас, / верно зовущих Ти: / ускорй на
молитву и потщйся на умоление,/ предстатель-
ствующи присно, Богородице, чтущих Тя.
Другий кондак, глас тойже:
Н е имамы иныя помощи,/ не имамы иныя
надежды,/ разве Тебе, Пречистая Дево,/ Ты
нам помозй,/ на Тебе надеемся/ и Тобою хвалим-
ся:/ Твой бо есмы рабй,/ да не постыдимся.
Песнь 7
Ирмос: Не послужйша твари Богомудрии,/паче
Создавшаго,/ но, огненное прещение мужески