6-й день
219
НА ЛИТУРГИИ
Служба праздника и Богородицы.
Аще случится празднование Божией Матери иконы ЗРИ
ради Ея Елецкия вне попразднства Сретения Господня,
то ставим на Господи, воззвах: стихир 8, повторяюще
я. Слава, и ныне, Огнь купины: такожде и яже в стиховных
и в хвалйтных стихира на славу зде писася, поется тогда на
Слава, и ныне: седальны же поются единожды, Слава, и
ныне: вторицею, тропарь же на вечерни трижды. На
утрени по Бог Господь: дважды, Слава, и ныне, третицею.
Канон же поем на 8, ирмос втораго гласа дважды,
катавасия: Отверзу уста моя: По великом славословии
тропарь Богородице единожды. Аще ли случится сей
праздник в неделю мытареву или иную, аще ли в субботу
мясопустную, или сыропустную, или во дни седмицы
сырныя, или первыя седмицы святыя Четыредесятницы,
то зри устав о храмех от главы 25-я до главы 32-я.
Молитва
Премилосердая наша Заступнице, и душ наших
благая Хранительнице, и телес наших милосердая
Целйтельнице, Богородице Дево! Вемы, яко недо-
стойни есмы, не точию Твоих дарований прича-
стницы быти, но и очей своих на чудотворный
Твой образ возвести, зане души наша грехов
исполнены суть и очи завистными и блудными
воззреньми осквернени суть. Обаче Твое состра-
дание человеком, в нуждах и скорбех пребыва-
ющим, воспоминающе, им же Твоего Божественна-
го Сына на первое чудо в Кане Галилейстей
преклонила еси, и даже до днесь Того праведный
гнев от грешников отвращаеши, паки и паки на
мольбу Тебе, пред чудотворным Твоим образом,
подвизаемся и со смиренным упованием Тебе
просим: испроси грехом нашим прощение, от
пагубных страстей исцеление, от нечувствия и от
сна духовнаго пробуждение и о добродетелех
христианских ревность. Сими убо дарованьми
души наша украсивши, избави нас от горестей,
в уныние некрепкая сердца наша повергающих,
исцели болезни молящихся и о нихже молитву тйи
приносят, от напрасныя смерти жизнь нашу
сохрани и сию христианскою кончиною во время
подобно увенчати сподоби. Но и земное наше
пребывание от взаймныя злобы и зависти огради,