МЕСЯЦА ФЕВРАЛЯ В 11-Й ДЕНЬ
Преподобнаго отца нашего Димитрия,
Прилуцкаго чудотворца
НА МАЛОЙ ВЕЧЙРНИ
А             Стихиры на 4, глас 1.
Подобен: Небесных чинов:
обродетелию Божественною, преблаженне
Димйтрие,/ на Небесныя славныя круги
возшел еси,/ не во мраце зашед неведе-
ния, / но в благодати Божественней явился
еси,/ приемля неизреченная сияния.
Умом просвещенным, / душу твою, отче, просве-
тив, освятился/ и от земных преставился еси в
Христово Царствие, Димйтрие преблаженне./ В
постницех ты светел явился еси, / пищи нестарее-
мыя ныне насыщался,/ Божественною славою
облистаемь.
Троица Безначальная и Единосущная,/ яви тя
Себе селение, Богоносе Димйтрие,/ и показа тя
пресветла светильника./ От житейских мятежей
уклонился еси сердцем/ и житие с Небесными
приобрел еси.
Слава, глас 3:
Преподобие отче Димйтрие, / крепким пощением
и жестоким воздержанием, / потом и труды стезю
сию совершил еси / и, яко в сладостех, почивавши,
радуяся,/ Евангельски же молитвою и постом
полки демонския прогонявши./ Темже со Ангелы
водворяешися во Царствии Небеснем/ и ныне
Христа Бога моли / о верою хвалящих всечестную
память твою.