12-й день
437
православною мыслим, святителю Мелетие, / моли
Христа Бога грехов оставление даровати/ праз-
днующим любовию святую память твою.
Слава, и ныне, Богородичен:
Плотским недугом многовйдным и душевным
страстем многообразным / исцеление обрет Тобою,
Пренепорочная, / печалем же разрешение, бедам и
скорбем пременение готово и скоро избавление,/
верою несомненною и теплым сердцем исповедаю
Твоя милости, Владычице,/ сыном же человече-
ским многая Твоя чудеса; / и молюся, кровом крил
Твоих присно соблюсти и сохранйти мя всегда.
Крестобогородичен:
Агнца, и Пастыря, и Избавителя/ Агница зрящи
на Кресте, восклицаше, плачущи / и, горько рыда-
ющи, вопияше:/ мир убо радуется, приемляй
Тобою избавление, / утроба же Моя горит, зрящи
Твое распятие, еже терпйши за милосердие мило-
сти./ Долготерпелйве Господи, милости бездно и
источниче неизчерпаемый, / умилосердися и да-
руй согрешений оставление/ верою поющим Бо-
жественныя страсти Твоя.
Песнь 4
Ирмос: Ты моя крепость, Господи,/ Ты моя и
сила, / Ты мой Бог, Ты мое радование, / не оставлъ
недра Отча/ и нашу нищету посетив./ Тем с
пророком Аввакумом зову Ти:/ силе Твоей слава,
Человеколюбче.
Явственно, священнотайнниче, преизящество-
вав, Петра престол наследовал еси верховнаго, /
от Христа рукоположеннаго, / егоже и нраву
поревновав, / Сына Бога живаго Спаса прославил
еси,/ учением бнаго последуя.
Всеразлйчными украшен дарованьми, единона-
чалия проповедник был еси, / во Отце и Единород-
нем Слове познаваемаго и Божественнем Дусе,
всемудре, / Единицу убо существом, в Трех Лицех
сушу,/ научил еси, преподобие.
Воспитався добротами, Богоученне, и зарею тоя
воображаемь, / и просветйвся Божественными
блистаньми по причастию,/ церкви свет вторый
был еси, Богоявление, / просвещение благочестия
являя верою притекающим.