20-й день
633
Моли о нас, грешных, Дево, Мати Господня,/ со
священным Корнйлием предстояще пред Богом,/
да спасение душ улучим.
Тропарь, глас 6:
П сково-Печерская обитель,/ издревле славная
чудесы иконы Богоматерни, / многия иноки
Богови воепита,/ тамо и преподобный Корнилий/
подвигом добрым подвизася, / чудную Богоматерь
славя,/ иноверный просвещая,/ иноки и многия
люди спасая,/ обитель же свою дивно украшая и
ограждая. / Тамо и мученичества венец I по многих
летех пастырства своего доблестне прият. / Темже
воспойм, людие, / Христа Бога и Пречистую Его
Матерь возблагодарим, / яко дарова нам преподоб-
ному ченика славна/ и молитвенника о душах
наших достоблаженна.
НА УТРЕНИ
Седален глас 1:
Ангелов лики восполнил еси, преподобие Кор-
нйлие,/ образ имый ангельский,/ священством
одеян и мученичеством украшен, / цельбу душам и
телесем подаеши/ с верою несумненною прибега-
ющим к тебе.
Слава, и ныне, Богородичен:
Возвыси рог христианский/ и низложи безбож-
ныя шатания, Богородйтельнице, / спасающи сие
стадо Твое, / в нем же великое Твое имя многопетое
величается присно и славится.
Величание, прокимен и Евангелие преподобни-
ческая.
По 50-м псалме стихира, глас 6:
Излияся благодать от устен твоих, отче, / и был
еси учитель языков/ и монахов наставник
добрый/, излиявся своею кровию,/ Христу пред-
стал еси, Корнйлие,/ Его же моли непрестанно/
спастйся душам нашим.
Канон Богородице, глас 8: Многими содержимь
напастьми: и святому, глас 8.
Песнь 1
Ирмос: Воду прошед, яко сушу, I и егйпетскаго
зла избежав, / израильтянин вопияше:/ Избавите-
лю и Богу нашему пойм.