27-й день
729
Крестобогородичен.
Подобен тойже:
Агнца и Пастыря Тя/ на Древе яко виде,/
Агница рождшая рыдаше/ и Матерски Тебе
вещаше:/ Сыне возжеленне,/ како на древе Кре-
стнем повешен еси, Долготерпеливе? / како руце и
нози Твои, Слове,/ пригвоздйшася от беззакон-
ных,/ и кровь Твою излиял еси, Владыко?
Тропарь, глас 8:
С лез твоих теченьми пустыни безплодное возде-
лал еси, / и йже из глубины воздыханьми во сто
трудов уплодоносил еси,/ и был еси светильник
вселенней,/ сияя чудесы, Прокопие отче наш./
Моли Христа Бога спастйся душам нашим.
Канон, егоже краегранесие: Твоя подвиги благо-
лепие пою, блаженне. Творение Феофаново.
Глас 6.
Песнь 1
Ирмос: Яко по суху, пешешествовав Израиль/
по бездне стопами,/ гонителя фараона/ видя
потопляема,/ Богу, победную песнь пойм,
вопияше.
Благочестия любовию объят быв / и Божествен-
ным рачением треволнения мирская оттряс л еси,
преподобие,/ Богу победную песнь взывая,/ яко
прославися.
Светоносное твое житие, и светлое души, и
спротяженное, / благочестию срастворенно добро-
детели воображение,/ в тебе, преподобие, яве
соделаша.
Преестественным учением и светозарным Хри-
стовым освещаемь, / страстныя прилоги воздержа-
нием увядйл еси,/ вопия победную песнь Вседер-
жителю.
Богородичен: Воплощенное Слово Боголепно
заченши, Пречистая, еже прежде безплотное,/
нам паче естества родила еси, Чистая,/ по Рожде-
стве Дева пребывши.
Песнь 3
Ирмос: Несть свят,/ якоже Ты, Господи Боже
мой,/ вознесый рог верных Твоих, Блаже,/ и
утвердйвый нас на камени/ исповедания Твоего.