29-й день
763
Симоне иерарше, йже Агнца Божия первее
приносяй в жертву Вседержителю, / последи же и
себе самаго, яко агня, приведый в жертву, / спаси
мя твоими молитвами.
Священномучеников украшение, Макарие бла-
женне,/ иже прежде даже прийти престол на
земли чувственный,/ на престолы мысленныя
препослался еси,/ Богу мя примири.
Привожду Ти, о Всещедре, Иулианйю, / присно-
светящую свещу, елеем благодати обдержймую, /
еяже молитвами от всякаго зла соблюди мя.
Богородичен: Со святыми Ангелы, с Божествен-
ными Апостолы,/ со славными мученики и всеми
преподобными / Твоего моли Сына и Бога, Богоро-
дйтельнице Пречистая,/ от бед избавити души
наша.
На хвалйтех стихиры, глас 1.
Подобен: Прехвальнии мученицы:
Не терпя бесом принести жертву,/ тебе самаго
заколение Богу всяческих принеслся еси,/ в
жертву непорочную и пресовершенную, Иоанне
славне, / с тобою же и отец спожреся. / Оба,
славяще Христа вашими удесы, / непрестанно
Того о нас молите.
Мучениче всехвальне Христов Михаиле,/ муд-
рование якоже царь неужасное имея, / не стерпел
еси твари послужйти, паче Сотвбршаго, / Егоже
ради всякия раны претерпел еси и лютую смерть: /
сего ради тя Христос Господь / в Горняя преставил
есть Царствия.
Видя царя Михаила, страдальче Феодоре,/ за
владеющаго всеми Бога/ умрети изволившаго
паче, нежели царствовати,/ славу оставил еси и
всякую сладость увядаемую, / и последовал еси
ему со всяким доблеством, / сего ради со Христом
спрославляетеся.
Слава, глас 8:
Преподобнии отцы, поучйвшеся день и нощь в
законе Господни, / достойни бысте древеса живот-
наго сада быти, / и плод ваш страданьми и венцы
процвете;/ дерзновение убо имуще ко подвигопо-
ложнику Христу Богу, / и нам испросите очищение
и велию милость.