3-й день
81
Вход. Свете тихий. Прокимен дне и чтения
святительская (зри страницы 413?415).
На литии стихиры праздника, якоэке и на
стиховне, глас 7 (зри страницу 28).
Слава, святителя, глас 8:
Святителю Николае,/ пожив и потрудйвся неу-
станно вся дни живота твоего/ в Японии языче-
стей мудростию и правдою,/ преложил еси злобу
людей строптивых в кротость и любление. / Темже
егда скончал еси подвиг твой приснопамятный / и
прешел еси отсюду в вечная жилища, / в си воспла-
кашася твоего лишения/ и припадают даже до
ныне ко гробу твоему/ просяще помощи молитв
твоих,/ иже добре соблюдшаго завет
апостольский/ и приобретшаго яко епископ
Церкве свидетельство внешних, не токмо своих./
Не престай убо назирая стадо твое,/ во еже
крещенным чадам твоим преспевати благочести-
ем, / некрещенным же умилйтися когда / и внйти в
лоно Церкве Православныя/ и всем спастйся с
любовию празднующим святую память твою.
И ныне, праздника, глас тойже: Иже на Херувй-
мех носимый: (зри страницу 28).
Тропарь святителя, глас 4:
Я ко апостолом сопричастника в трудех и
возмездиих / Церковь тя с любовию почитает, /
святителю отче Николае равноапостольне. / Поло-
жив бо многими подвиги начало Православия в
Японии язычестей,/ умножил еси в ней чада
спасения, / и по кончине прият тя Бог во обители
апостол Своих по достоянию./ Сего ради молим
тя/ молйся Господеви пребыти и в предняя делу
твоему незыблему на веки,/ и ввестйся в лоно
Церкве Православныя всем погйбнути имущим,/
умирйтися мйрови/ и спастйся душам нашим.
Слава, и ныне, праздника, глас 1:
Р адуйся, Благодатная Богородице Дево, / из
Тебе бо возсия Солнце Правды, Христос Бог
наш, / просвещаяй сущия во тьме! / Веселйся и ты,
старче праведный, / приемый во объятия Свободй-
теля душ наших,/ дарующаго нам воскресение.