4-й день
145
Слава, глас и подобен тойже:
Да исполнится бтчее благоволение: / приидох на
землю, одеявся в нищету,/ Небо Мне престол,
земля же подножие, / тебе же вьпо преклоняю, / на
сие бо приидох, / Мене крести, / во Мне человеков
очищающа прегрешения.
И ныне, глас и подобен тойже:
Ты, Израиля столпом и облаком первее
световодя/ и орошая в пустыни,/ Ты, владыче-
ствуяй всеми,/ естеством несказанный в рабий
зрак како одеялся еси? / не прикоснуся Тебе, Огню
сено:/ Сам мя крести,/ аз бо требую от Тебе
очищение прийти.
Аще несть велйкаго славословия, на стиховне
стихиры, глас 2.
Подобен: Доме Евфрафов:
Явйся Отеческое/ озарение славы/ на Иордан-
ских струях,/ Крещением очищая/ скверну душ
наших.
Стих: Сего ради помянух Тя/ от земли Иордан-
ски и Брмониймски.
Приимй раболепно, / пророче Иоанне, / Избави-
теля мира/ и крести Зиждителя/ земных на
возрождение.
Стих: Вйдеша Тя воды, Боже, / вйдеша Тя воды и
убояшася.
Прийде Просвещение,/ Избавление явйся./ На
Иордан приидйте,/ снйдемся очиститися/ и пети
предпразднственная.
Слава, и ныне, глас и подобен тойже:
Днесь Христос / спасительное человеком / реше-
ние дарует,/ душ очищая скверну/ огнем Креще-
ния.
НА ЛИТУРГИИ
Блаженны от канона предпразднства песнь 3-я и
апостолов песнь 6-я. Прокимен,глас 8: Во всю землю изыде
вещание их/ и в концы вселенныя глаголы их. Стих:
Небеса поведают славу Божию,/ творение же руку Его
возвещает твердь. Апостол к Рймляном, зачало 96. Алли-
луйя, глас 1: Исповедят Небеса чудеса Твоя, Господи.
Евангелие от Луки, зачало 50. Причастен: Во всю землю: