10-й день
363
Тропарь, глас 1:
Б ожественною любовию от юности распалаем,
Павле преподобие, / вся, яже в мире красная,
возненавидев,/ Христа единаго возлюбил еси/ и
сего ради во внутреннюю пустыню вселился еси, /
со зверьми жити весь Христу./ Отонудуже и
Всевидящее Око, твоя труды видев, / даром чудес
и по преставлении обогати тя. / Темже вопием ти: /
моли непрестанно о всех нас,/ честную память
твою присно в песнех почитающих.
Слава, и ныне, праздника:
В о Иордане крещающуся Тебе, Господи,/ Трой-
ческое явйся поклонение: / Родйтелев бо глас
свидетельствоваше Тебе,/ возлюбленнаго Тя Сы-
на именуя, / и Дух в виде голубине / извествоваше
словесе утверждение./ Явлейся Христе Боже/ и
мир просвещей, слава Тебе.
НА УТРЕНИ
На Бог Господь: тропарь праздника, дважды,
Слава, святаго: И ныне, праздника.
По стихологиях седальны праздника.
По полиелеи седален святаго, глас 4.
Подобен: Удивйся Иосиф:
Удивйся твой духовный настоятель, великий
Сергий,/ в тебе велико воздержание зря,/ и
внимшие мыслию хотящая от тебе напоследок
быти, Павле,/ видев бо твое, еже по Богу, житие,
вражиими прилоги никакоже поколебймо, / свиде-
тельствует яко отец и хранитель твоего жития / и
братием Велйкия Лавры своей вопияше: / сей, иже
посреди нас меньший видится,/ но последи в
пустыни велик светильник будет.
Слава, и ныне, праздника.
Степенна, прокимен и Евангелие от Матфея,
зачало 43, преподобному.
По 50-м псалме стихира, глас 6, писана на
Господи, воззвах: Слава: Оставив мир (зри стра-
ницу 361),
Канон праздника со ирмосом на 6 и преподобна-
го канон на 8, глас 4.