426
Месяц январь
Величание:
Величаем Тя, / Пресвятая Дево, / Млекопитатель-
нице Спаса нашего,/ и чтим образ Твой святый,/
от негоже благодать исцеления/ нам присно
подаеши.
Псалом избранный.
По полиелеи седален, глас 4:
Приидйте, вернии,/ приидйте, прославим чуд-
ную икону Божия Матере Млекопитательницы, /
преславно бо и боголепно на тверди церковней та
возсиявши, / чудесы великими всех просвещает
духовно/ и созывает весело вопйти Богоматери
песнь радостную:/ радуйся, Обрадованная, Гос-
подь с Тобою.
Слава, и ныне, тойже.
Степенна, 1-й антифон 4-го гласа. Прокимен,
глас 4: Помяну имя Твое/ во всяком роде и роде.
Стих: Сльпни, Дщи, и вйждь, и приклони ухо Твое.
Всякое дыхание: Евангелие от Луки, зачало 4.
По 50-м псалме стихира, глас 6:
Великое сокровище даровала еси нам, Владычи-
це, / прославлением чудотворнаго Твоего образа, /
Млекопитательнице Спаса нашего, / исцеления бо
многия от него недужным бывают, / темже Твоими
милостями, Госпоже, хвалимся/ и Твоя чудеса
велегласно проповедуем, / яко Ты еси прибежище
наше/ и к Богу Милостивая о нас Ходатаица.
Канона два Богородице, глас 8. Первый, ирмосы
по дващи, тропари на 6. Вторый на 4.
Песнь 1
Ирмос: Воду прошед, яко сушу, / и егйпетскаго
зла избежав, I израильтянин вопияше:/ Избавите-
лю и Богу нашему пойм.
Водою молитв Твоих, Дево, ороси нас к плодоно-
сию духовному/ и воспламени хладное наше
сердце Божественною любовию,/ да Тебе, Млеко-
питательнице Питателя нашего, / пение хвалебное
воспойм достойно, Чистая.