510
Месяц январь
У м предочистив от страстнаго движения, / пома-
зание святое приял еси, преподобие, / пастырь
Богоизбранен быв, всеблаженне, / Духом Боже-
ственным и преславными твоими учении/ наста-
вил еси стадо к злаку Богоразумия/ и к пути
спасенному. / Сего ради почитаем тя священными
песньми.
Лоза благорасленна Божественнаго винограда
быв,/ добродетелей Божественный грозды при-
несл еси, преподобие,/ исцелением капля, всем
человеком искапающа присно, / священнотаинни-
че всечестне, / темже, торжествующе преславную
память твою,/ покланяемся честным мощем тво-
им,/ просвещение почерпающе.
Благосказанием словес твоих, / преподобие отче
Мартиниане,/ Церковь Христова украшается,/
честными твоими учении добродетелей,/ темже
почитаем священное твое торжество и преставле-
ние преславное,/ йнокующим похвало, святый
поборниче.
Ины стихиры преподобнаго, глас 8:
Подобен: О, преславнаго чудесе:
Отче Богомудре Мартиниане,/ ты от утробы
Богу приложи свой смысл,/ весь прилежа Вседер-
жителю,/ плоды достойны принося Ему от своих
подвиг, преподобие,/ венчаемь добродетельными
венцы,/ тем благих обрете восприятие, досточуд-
не.
Ты мнихом наказатель/ и Русской земли звезда
пресветлая, / осияющи чудесы вся страны наша, /
тя бо Бог преже избра от юности, отче, / пастыря
овцам словесным,/ тем преподобных лик тя вос-
прийм,/ с ними же моляся,/ проси стаду твоему
грехов оставление.
Отче Богомудре Мартиниане,/ слезными источ-
ники просветйвый мысль, / Богови беседовал еси, /
непрестанными очищении и сиянии / столп светел
благочестия огнесиянен явйся, блаженне, / иноку-
ющих учитель и похвала,/ и ныне всех нас
соблюди ходатайством твоим.
Слава, глас тойже. Самогласен:
Божественнаго исполнь разума,/ стаду словес-