552
Месяц январь
зде*,/ от затвора твоего уединеннаго благоуми-
ленно песни хвалы и славословия Христу Богу
воспевал еси присно,/ Того Божественное сниз-
хождение прославляя.
Богородичен: Пророческая речения на Тебе
сбышася, Дево Богородице,/ Ты бо Слово Божие
нетленно воплотила еси/ и Невместймаго во
утробе Твоей девственней вместила еси. / Темже и
воспеваем спасительное Христово снизхождение.
Песнь 5
Ирмос: Господи Боже наш, мир даждь нам,/
Господи Боже наш, стяжи ны,/ Господи, разве
Тебе, иного не вемы,/ Имя Твое именуем.
Господа Бога освятил еси в души твоей, препо-
добие отче,/ и, Того Божественною любовию
уязвив сердце твое, / явился еси верный делатель
заповедей Христовых,/ во смирении духа выну
пребывая/ и в молитвах непрестанных призывая
Имя Божие спасительное.
Господа Бога выну зрел еси очйма души твоей,
преподобие отче, / и, страхом Божиим утверждаем,
непоколебим от искушений вражиих пребыл еси, /
вся прилоги диавольстии отражая призыванием
молитвенным Божественнаго Имене Христова.
Господень раб был еси, Иринарше преблажен-
не,/ выну работавши Владьще Христу во смире-
нии и терпении мнозе,/ плоть твою изнуряя
затвором тесным и веригами тяжкими,/ яко вси,
зрящий таковое твое страдальческое житие, / Имя
Христово прославляху.
Богородичен: Господня Мати и Владычица всея
твари явйлася еси, Богородице Марйе, рождши
Едйнаго от Троицы, Бога Слова./ Егоже моли,
Чистая, страстей безсловесных нас избавити, / да
в тишине безстрастия сердцем и усты воспеваем
святое Имя Его.
Песнь 6
Ирмос: Йко воды морскйя, Человеколюбие,/
волнами житейскими обуреваюся. I Темже, яко
Иона, тако вопию Ти:/ возведи от тли живот мой,
Благоутробне Господи.
* особящаяся на зде?как одинокая птица на кровле