зеленые минеи / январь / том 1 страница 91



	3-й день	91

	Закон и пророки исполняя и правду скончавая, / всех Спас ныне под длань прекланяется раба, / от работы восхищая вражия человека. Языком возсия великий Свет,/ омраченным Божественная просия заря, / в сени древле смерт- ней седящим Солнце славы, Христос, возсия. Окружаху Ангельская воинства во Иордане крещаемаго Избавителя/ и трепетом великое та- инство воспеваху,/ Сего неизглаголанное соше- ствие. Таже ирмос: Честнейшую Херувим/ и славней- шую без сравнения Серафим, I без нетления Бога Слова рождшую, / сущую Богородицу, Тя велича- ем. И поклон,



	на Утрени На Бог Господь: тропарь предпразднетва, два- жды. Слава, мученика. И ныне, предпразднетва. По 1-й стихологии седален, глас 3. Подобен: Красоте девства: Неопйсан Сый Божеством, описан вещию телес- ною, / хощет прийти водами Иорданскими крестй- тися, / Сего чистотою мысленною приймем: / всем бо соделати обновление хощет. / К Немуже возопийм со страхом:/ слава, Христе, явлению Твоему. Слава, и ныне, подобен тойже: Явльшуся Тебе во_г Иордане, Спасе, в водах крестйтися плотию, / Ангельская воинства ужаса- хуся, зряще рабу предстояща Владьшу твари:/ свыше проповеда Тя Отец Пребезначальньш. / Темже с веселием вопием Ти: / слава Богу крестив- шемуся. По 2-й стихологии седален, глас 5. Подобен: Собезначальное Слово: Единочестное Слово Отцу и Духу, / воплощенно за милосердие и крещаемо,/ Ангельстии лйцы вйдяще, трепетаху, / и Иорданская река, устыдев- шися и убоявшися, возвратйся вспять, / нас возво- дя к высоте спасения, страстьмй истлевшия.