зеленые минеи / январь / том 2 страница 249



	*22-й день*	249

	Слава, глас 2: Возвеличил еси, Христе,/ яко во Иудеи и в Вавилоне / честнаго Креста силу, / уведеша бо его ради животворнаго востания праздник,/ и бысть им плененный свободйтель идолонейстовства / и мученик неопйсан чудес,/ ныне благохвальный Настасий, славный страдалец,/ со Ангелы ликуя/ и моляся о душах наших. И ныне, Богородичен или Крестобогородичен. Подббен: Егда от Древа: Болезни претерпевши многий / в распятии Сына и Бога Твоего, Пречистая,/ стоняше, слезящи и восклицающи:/ увы Мне, Чадо сладкое,/ без правды како страждеши,/ хотя избавити яже от Адама земнородныя? / Темже, Пречистая Дево, Тебе молим верою: / милостива нам Того соделай. Тропарь апостола, глас 4: Б лагости научився и трезвяся во всех⁴, / благою совестию священнолепно оболкся,/ почерпл еси от сосуда избраннаго неизреченная/ и, веру соблюд, равное течение совершил еси,/ апостоле Тимофее./ Моли Христа Бога/ спастйся душам нашим. Тропарь мученика, глас тойже: М ученик Твой, Господи, Анастасий / во страда- нии своем венец прият нетленный от Тебе, Бога нашего,/ имеяй бо крепость Твою,/ мучите- лей низложи,/ сокруши и демонов немощныя. дерзости./ Того молитвами/ спаси души наша. на Утрени Канон Октоиха един и святых два, на 8. Канон апостола, егоже краегранесие: Тимофея апостола песньми чествую. Творение Феофаново, глас 1. Песнь 1 Ирмос: Твоя победительная десница / боголепно в крепости прославися:/ та бо, Безсмертне,/ яко всемогущая, протйвныя сотре,/ израильтяном путь глубины новосоделавшая. Востания страстей и неведения мрак/ молитва- ми твоими, блаженне, разори светлою безстрастия