16-й день
35
Богородичен: Яко престол огнезрачен, Царя
носиши твари, / Егбже умоли, Дево, со блаженным
Максимом Царствия Небеснаго сподобити нас,/
песнословящих верно предстательство Твое.
Песнь 8
Ирмос: Ангели и Небеса,/ на Престоле Славы
Седящаго/ и яко Бога непрестанно славимаго/
благословите, пойте / и превозносите Его во веки.
Безплотных жительству на земли подражая/ и
любовь к Богу и ближнему нелицемерну имея,
выну взывал еси: / благословите, пойте Господа и
превозносите во вся веки.
Небесныя красоты возлюбив, земная пристра-
стия отринул еси/ и, достигнув Горняго чертога,
со святыми взывавши:/ благословите, вся дела
Господня, Господа.
В райския селения преселйвся ныне, / у Престо-
ла славы со Безплотными лики предстойши/ и с
ними хвалебную песнь вопиеши:/ да благословит
всяка тварь Господа и превозносит во веки.
Богородичен: Помощи, еже от Тебе требующия,
не презри, Дево, / поющия и превозносящий Тя во
веки.
Песнь 9
Ирмос: Благословен Господь, Бог Израилев,/
воздвйгнувьш рог спасения нам/в дому Давыдове,
отрока Своего,/ в нйхже посети нас Восток с
высоты/ и направил ны есть на путь мира.
Благословен Господь Бог, прославивый на зем-
ли память твою, блаженне Максиме, / и град твой
Тотьму просветйвый житием твоим,/ якоже
лествицею, наставляя к Небесным добротам.
Подвигом добрым подвизался еси и праведным
сном почил еси, / да и по кончине своей полезная
всем подаеши, / с верою к тебе притекающим
и просящим скораго заступления, блаженне
Максиме.
Припадающе, вси взываем к тебе, блаженне
отче Максиме:/ испроси Церквам соединения,
христолюбивым людем на супостаты одоление,/
миру всему умирение и душам нашим спасение.