в ш
ТОЙЖЕ
ДЕНЬ
Святителя Моисея, архиепископа
Новгорбдскаго
НА МАЛОЙ ВЕЧЕРНИ
На Господи, воззвах: стихиры на 4, глас 1:
Подобен: Небесных чинов:
Т роическим Светом озарйвся, / со Ангелы лику-
еши, / Престолу предстоя всех Царя / и почесть
приемля трудом твоим,/ Моисее, преблаженне
святителю, / Егоже присно моли / о чтущих память
твою.
Иже от любве пение приносящих ти / не забуди,
святителю,/ но моление простри ко Господу/ и
избави нас бесовскаго нахождения и лютаго
озлобления,/ да не посрамлени будем/ в день
страшнаго испытания.
Исцелений и чудес даром / прослави тя Господь
по смерти твоей,/ Егоже славу, блаженне,/ словом
и житием твоим поведал еси,/ се бо яви нам
честныя мощи твоя, / яко сокровище некрадомо, / к
нймже притекающе, приемлем благодать, / Моисее
святителю.
Слава, глас 5:
Днесь воспоем святителя,/ благочестия настав-
ника, / Церкве столпа непоколеблема, / источника
исцелений неизчерпаема, / пролитие дарований
духовных,/ великому же Новуграду просвети-
теля/ и о всех молитвенника тепла,/ к немуже
возопием: / святителю Моисее, / не престай моляся
о душах наших.
И ныне, Богородичен:
Радуйся, вселенныя похвале;/ радуйся, храме
Господень; / радуйся, горб приосененная; / радуй-
ся, всех прибежище; / радуйся, свещниче златый; /
радуйся, славо православных честная;/ радуйся,
Марйе, Мати Христа Бога;/ радуйся, раю; ра-
дуйся, Божественная трапезо;/ радуйся, сене;
радуйся, ручко всезлатая;/ радуйся, всех упо-
вание.