604
Месяц январь
крепце надеемся и пред враги нашими хвалимся,/ Ты
бо еси Заступница рода христианскаго.
Песнь 9
Ирмос: Бога человеком невозможно вйдети:
Правило веры и благочестия явился еси, святите-
лю./ Сию бо веру, любовию ко Христу и людем спос-
пешествуему,/ добре свидетельствовал еси пред враги
твоими,/ таже и благочестие, во еже умрети той ради
любве, изрядно показал еси.
Ум наш просвети, святителю, молитвами твоими к
Богу,/ да правый путь избравше, Христа обрящем и в
чертбзех Его водворимся.
Страстию озлобления обуреваемии,/ злочестйвии
людие смерти лютей предаша тя,/ таже телесй твоему
глумляхуся и честному погребению его претяху,/ оба-
че не имяху власти над душею твоею, непобедимый
страдальче,/ и оставлены быша тщи во злобе своей.
Богородичен: Преукрашенна еси Божественною
славою, Мати Безневестная,/ Бог бо Слово из Твоих
ложесн изыде, во еже уготовати нам спасение./ Ему-
же не престай молитися, Владычице,/ да свободйт нас
от работы вражия, яко Милосерд.
Светилен:
Во тьме беззаконий сущий светом Христовым про-
свещаются/ и любы Христова в сердцах грешных
возжигается,/ егда пастырие попечение изрядное о
людех ймут,/ тако поучал еси, святителю, жребий
пастырскаго служения приемлющих.
Слава, и ныне, Богородичен:
Преблагословенна еси, Богородице Дево, Мати Не-
изреченнаго Света,/ Тя величаем и предстательства о
нас пред Сыном Твоим всеусердно просим,/ Тя бо едй-
ну надежду ймамы.
На хвалйтех стихиры, глас 8.
Подобен: О, преславнаго чудесе:
О, преславнаго чудесе:/ храм, во славу Христа Спа-
сителя воздвигнутый,/ руками же нечестивых в лета
беззакония разрушенный,/ ныне во благолепии пре-
дйвно возсоздася./ В немже святителем Владимиром/